الاعشاب والرضاعه الطبيعيه ؟؟؟

ياقلبي انا كنت ارضع بنتي وكانت بس تبكي شي خيال قالتي معالجه شعبيه وقفي الاعشاب بنتك بترتاح وفعلا ياربي لك الحمد كانت الاعشاب مسببه لها مغص جامد

اغلب النفساء يشربون اعشاب وياكلونها وهم يرضعون والحمدلله ماصار شي
من سنين من عصر جداتنا
الحلبه 20 يوم الاولات فقط ماتزيدين
لو زدتي عن 20 يوم صار العمس منها
الرشاد بدال الحلبه في العشرين الاخيره
الحلبه تقوي الرحم وتنظفه وتقوي العظام وتدر الحليب هذا اللي نعرفه بالحلبه العاديه لكن كبسولات ماعتقد راح تقوي العظام والرحم وتنظف الرحم
كلنا بنفاسنا نشرب هالاعشاب وماتضر الطفل
اصلا المغص معه معه سوا رضعتيه ولا مارضعتيه طبيعي
انا عيالي بس ثلاث شهور ارضعهم وينشف مره الحليب باخر الثالث
والمغص معهم والغازات لحد ست شهور
الحلبه ماتسبب مويات اذا اكلتيها بعتدال زي ماقلتلك المده المعروفه اللي هي 20 يوم لكن اذا زدتي تسبب
بعض البنلت لا ياكلونها كل النفاس غلط
انا استخدم الحلبه مقدار ملعقه صغيره ملعقة حلى حلبه مطحونه على الفطور والغداء والعشاء بكاس عصير بحرارة الغرفه
والحمدلله اطلع من النفاس مافيه الم بالظهر الخياطه تخيط بسرعه لان الحلبه تخيط الجروح
ولا مويات ولا شي
وجع الظهر احسه لازم بكل ولاده بس الحلبه والماش ممتازات لللعظام
لكن الماش ماله دخل بالرحم
الزنجبيل مادري سمعت البعض يشتكون منه وسمعت البعض فادهم يعني نص ونص الاراء مو الكل يمدحه من ناحية المويات يمكن اللي تفرط فيه يسبب او يمكن له مده معينه
انا ماااااحبه ولا ادانيه ماشربه ابد يحرق لي حلقي ومعدتي ماتقبلته
بس يمدحون الفلفل الاسود والابيض مع الحليب
المهم المويات حتى لو انتي مهتمه باعشابك بس مهمله بتغذيتك وتجوعين ولا تتغذين زين راح تجيك مويات وغيرها من المشاكل بالرحم
لان الجوع عدو المراة
مانقول كولوا الدسم والثقيل لا بس المهم ماتخلين الجوع يقرصك بين الوجبات الثلاث لازم تجوعين
لازم تاكلين اي شي خضروات فواكه خبز بر بجبن المهم ماتجوعين
الفقاعات البسيطه اللي تجي بعض الحاريم هذا مايخوف الرحم يطلع الهواء الموجود فيه ومعناته عضلات المهبل يبيلهم شد فلازم رياضة الكيجل
المهم تنظفين رحمك من الدم الفاسد
للنه هو يسبب افرازات ومويات وريحه وحكه (اللتهابات)
اللي ماتبي يجيها الالتهابات تنظف رحمها من الدم الفاسد لان بقاءه بالرحم راح يسبب اللتهابات بالرحم فتقلب ريحة من المهبل وافرازات مزعجه ومويات
عشان يتحرك الرحم ويلفظ الدم الفاسد
لازم الجوع مايقربك ولا رجيم المهم الاكل مايكون دسم وغير صحي لازم مليان بروتين وفيتامينات زي اللحم والدجاج واي حاجه فيها بروتين اهتمي فيه
والفيتامينات كل الفواكهه والخضروات مليانه
النشويات الرز والمكرونه والخبز الابيض والفطاير هذولي راح ينفخون جسمك فقط تصيرين دبه وكرشه ابعدي عنهم بالنفاس
الخبز البر والفطاير بدقيق البر ممتاااااازززز مليان اللياف عشان مايجيك امساك
الامساك يطرده الفواكهه والخضروات
سوي سلطه من الفواكه تفاح وعنب وكمثرى وخوخ وموز المهم فواكه مو حامضه البرتقال حامض نادر تلقين الحلوه
اذا سويتي هالسلطه اللي كلها فواكهه حلوه مافيها شي حامض راح يمشي بطنك
وزيها السلطه الخضار
الليمون والبرتقال والكيوي هذولي حوامض زي ماقلت نادر تلقين برتقاله حلوه اغلبهم حامضه الحامض ممنوع بالدوره والنفاس لانه يوقف الدم من النزول ويحبسه بالرحم
البارد والغازيات نفس الشي
المويه لازم تكون بحرارة الغرفه مافيها نسبة بروده
والعصاير لازم مثل المويه قبل تشربينه دفي العصير
اعشابك المشروبه طول منتي صاحيه اشربي منها مالها عدد معين
لكن الحلبه بس بثلاث وجبات مقدار صغير ملعقه حلى حلبه مطحونه تحطينها بعصير حلو مررره ماتحطينها وتقعدين تاكلين لا لان الحلبه راح تغلظ العصير ولا راح تقدرين تشربينه لذا لازم اذا خلاص تبي تشربين العصير حطي الملعقه سريع سريع حركيه وشربيه دفعه وحده
ماقدر افيدك بالكبسولات اللي تقولينهم لانه نفاس والنفاس مايجرب فيه لانه لو ماضبط معك وطلعتي من النفاس ولا تعدلت امورك ماراح تقدرين تعدلين الا اذا تنفستي مره ثانيه
ريحة الحلبه تسبحي يوميا مو لازم تغسلين شهرك كل يوم ارفعي شعرك واغسلي جسمك بشامبو جسم وحطي مزيل عرق والبسي لبس نظيف وبس
قبل لايجون الضيوف
20 يوم الا انتي مخلصه من الحلبه
ولاتنسين العنايه بالخيوط او العمليه
استخدمي ميبو
اذا خيوط تحت اجلسي بمطهر طبي اقل من خمس دقايق نظفي الخيوط من الاوساخ الدم والعرق
جيبي مغطس فرنجي صبي فيه مويه دافيه ومطهر طبي وجلسي فيه دقايق وبيدك حاولي تنظفين بعدها اغسليه بمويه دافيه ونشفي المنطقه بالمناديل كويس وخيوط نشفيه مره وحطي كميه كبيره من ميبو على الخيوط
واستخدمي خلطة الخواجوا مع زيت الريتون والمره هذذذذي ممتاااازه من تجربه بس تدهنين الفوطه فيها روعه ناس يدهنون الجرح فيه بس انا ماقالولي ادهني الجرح فدهنت الفوطه من اول تجربه ارتحت لانها تشيل الشمم وتخيط الجروح بسرعه المشي حاولي الخطوات ببطئ والخطوات متقاربه والجلسه لاتجلسين على الخيوط لازم تكون الحليه على الجنب اللي مو فيه الخيوط بعني زي جلسة الحوريه متركيه على جنب لاتجلسين على مخاد او شي لا المهم ماتجلسين على الجرح لانه الضغط عليه راح يلتهب وينتفخ الجرح ويتورم كثرت الضغط عليه يسبب اللتهاب وينشد الجلد ويتنفك الغرز لازم تكون رجولك ملمومه وجالسه على جنبك ماتحلسين على مقعدك لحد اتطيح الخيوط ان شاءالله لو اهتميتي الجرح بسرعه ينخاط مادري انا سويت كذا بنصايح البنات وبعد 15 يوم من الولاده رحت لموعدي والحمدلله مدحت الدكتوره الجرح انه خلاص انخاط وممتاز شكله مو باين
لان الجلسه تشد الجلد فيصير شكل الجرح باين اذا انخاط يصير متوسع خط التوسيع عشان ينهاط ولا يبين له اثر يذكر اللي قلته
اما اذا قيصري تمسحين العمليه يومياً بمسحات طبيه وتحطين عليها ميبو وتسكرينها بشاشه وانتبي من الحركه الكثيره وحاولي ماتكتمين العمليه هويها يوميا عشان ماتتلوث وتلتهب من الحر والعرق
وبعد خلطة الخواجوا وزيت الزيتون يخط بشاشه طويله ويحط على العمليه بسرعه ينخاط




الكلام طويل وقلق
بس التطبيق سهل

خلطة تساعد على إلتئام خياطة الولادة ..
وتمنع الألتهاب بإذن الله ..

وهي خلطة الخواجوا والمرة ...
المكونات:

كوب زيت زيتون اصلي
+
شوي مره مطحونه وشوي حلتيته كبر الحمصه
+
بيالة خوا وجوا مطحونه
الطريقة :

تخلط المكونات مع بعض ماعدا المرررره والحلتيته
في قدر على نار هادية
ومن ثم يترك ليبرد قليلا
خليه يفتر شووي بعدين ضعي في علبه زجاااج المره والحلتيته ويصب عليه خليط الخواجوا ،
وعند الحاجه يؤخذ بقطنه
ويدهن على الجرح او الشاشه او الفوطه
بعد تعقيمه .

وينفع جميع الجروح
حتى جروح العمليات
والحروق
ويعالج البواسير
وخياطة الولاده بّإذن اللّه تعالى
*ويستخدم بعد الولادة على طول عشان يمنع الشمم رووووووووووووعه للخيوط

منقووول

انا استخدمت اعشاب بولادتي الثالثه زدت عن ولاداتي السابقه اعشاب المهم ولدي جاه كدمات وبقع زرقاء ويوم وديته قالو نازل الصفائح الدم و8 ايام بالمستشفى وعذاب شفته بالاخير قالو احتمال السبب منك انتي يالام ناقله له شي اكلتيه وكسر الصفائح واخذو مني دم عينه يشوفون وضعي وبعدها وقفت الرضاعه بيوم 32 من النفاس والى الان قطعته حرمت جنيني من الرضاعه فلذلك شكيت من اعشابي
خذي احتياطك وكلي امرك

اظن الفلفل هو اللي يسبب له الغازات
بس الكمون والحلبة واليانسون والشمر مفيدة وبالعكس تريح البطن من العازات
انتي خذي الفلفل بس لاتكثري منه او استعملي نقط من الصيدلية لغازات البطن للنونو