omahmed

اهلا بيكى انتى وشكرا ليكى وانا تابعت مواضيعك وكلامك جميل جدا وبوسة كبيرة للامور احمد

عايزة بس ارحب الاول بالحلويين ال شاركوة معانا لاول مرة زى

كهرمانة 12

انا اتشرفت بيكى واهلا بيكى معانا ومعلهش يمكن رودوى تكون متاخرة لان قرايت المواضيع كلها وحرد متاخر عليها

الف مبروك وعقبال الجواز ان شاء اللة

كنتى سالتى عن محل لايجار ملابس افراح انا اتعاملت مع اتلية جميل اسمة فرحة فى عمارات العبور شارع صلاح سالم اتذكر انوة العمارة رقم 12 الدور الارضى بتتاع تاجير بس وححتلاقى حاجات تاجير لاول مرة

والدور ال 11 تفصيل وبيع وفى ناس بتفصل فستان وبعدين بترجعوة ايجار تانى فبيكون سعرة عالى لسة ممكنيبدا من 1000 جنية لان تفصيلة متكلف اكتر من كدة

انا فى فرحى لبست فستانين فرح دلعت نفسى على الاخر بصى القصة جت ازاى

انا اتعاملت معاهم فى التفصيل لان فستان الفرح كان خالى فى كندا بعتهولى هدية بس الكورساج يعنى الجزء ال فوق كلة مكنش عاجبنى وكان ضيق شوية بس ذيلة كان تحفة وطويل كنت مستخسرة بس ركنتة وقولت ادور انا على واحد

خصوصا انى كنت حابة الفساتين الامريكانى فى الزفاف ال هى بتكون ستان مطفى بس ملهاتش ذيل

فضلت ادور على محلات بتشتغل بس فى الاستايل ال بيسموة امريكى دة لقيت محل فى مصطفى النحاس اسمة اية لتاجير الفساتين الامريكى بس واجرت واحد داخل فى سرما فضى وشغل القماش زى الدربية كدة كان جميل جدا اجرتة ب 500 جنية بعد ما فصلت معاها طبعا
وبعدين الامريكى مش بيلعبوة فى الفستان انتى وحظك دخل فيكى او ميجيش مقاسك لانوة مستورد وغالى

وبعد كدة صاحبتى شافت الفستان الاولنى وقالتلى خسارة تعالى ندور على اتلية يفصلى كورساج جديد دورت كتير لحد
ما لقيت فرحة دول ورضيوة يصلحوة بعد عذاب لانهم مش بيحبوة يصلحوة المهم خدوة منى اعادة تفصيل 500 جنية
بس طلعوة الفستان تحفة واستعملوة الشغل ال على الذيل فوق وخلوة اكنة حنة واحدة وفى الاخر اضطريت البس الاتنين ورضيت نفسى

معلهش طولت عليكى بس روجى اتفرجى عندهم فى التاجير وشوفى الموديلات ال لسة نازلة جديدة عندهم انا اصحابى كلهم اجروة من عندهم ب 900 وب700

وكمان ممكن يركبوة اكمام للموديل ال عاجبك




معلهش هنيم رودى وارجع اكمل

السلام عليكم يا مروة انا معاكى وسعيدة بفكرتك لكن معقول يكون اهتمامتنا الروج والميك اب والموضة معاك ام حبيبة مصرية مقيمة فى جدة ولا اية رايك ياقمر

omhabeba2000

اهلا بيكى معانا يا جميل بصى يا ستى لو قراتى صفحات الموضوع كلة من الاول هتلاقى الموضوع متنوع بكذا موضوع

مش بس ميك اب وشعر.بس عايزة اقولك انى فاتحة الموضوع دة علشان نتجمع كمصريات كلنا ونساعد بعض فى اى حاجة عايزنها سواء كان مكياج او موضة او اسم محل اوشارع او حد عرف حاجة هنا وعايز يساعد التانى فيها

لكن لو تقصدى يكون كلمنا عن الاهتمامات الدينية مثلا او العلمية او الاكل والمطبخ فاعتقد ان عالم حواء مخصص صفحات كتيرة للمواضيع دى وخصوصا ان الحا جات دى مش حكر على مصر بس لا طبعا الكلام فيها عام ولكل البلاد

لكن هنا بنتكلم بس فى كل حاجة خاصة بمصر او طلب مساعدة فى اى مجال بقى

وعلى العموم يا قمر شوفى انتى عندك مواضيع اية مختلفة عن المكياج او الموضة وكلمنيا فيها واحنا نتواصل معاكى ان شاء اللة المهم تكونى معانا ومبسوطة ولا اية رايك يل عسل؟؟

omhabeba2000

اختي الغالية
الموضوع منوع وشامل كل حاجة زي ماشفت الصفحات اللي قراتها ,,
ومافيش مانع نهتم بكل حاجة
مكياج ..شعر...وصفات..اماكن...
يعني اي حاجة تخطر على بال احد نتعاون فيها

يرناقة

حبيبتي معش تاخرت عليكي...
شوفي حياتي ..هابعتلك التلفون عالخاص للعيادة...هو في الدقي بس بعد الميدان بشويةتقريبا
2 شارع على ايدك اليمين بعد الميدان
هي فيلا وهم عاملين العيادة فيها
معلش انا مش هاعرف اوصف
عموما التلفون ممكن تستفسري وتسالي ...وتحجزي
لانه عادة زحمة وياللا ياللا تلاقي حجز

Hodhoda

تسلمي لي حياتي كلك ذوق
شوفي هي ارض الجولف بعيدة جدااا...مش مصر الجديدة برضه؟؟
انا في المهندسين ..
والحقيقة ...مش هاقدر اروح للجولف ..بس عموما لو حبيبتي تبعتلي النمرة
جزاكي الله خيررااا
بس ياريت لو حد يعرف كوافيرة شطورة ..تقص وتعمل هاي لايت ...
ياريت تقولي ....
انا بحب الستايل الطبيعي جدااا.....

وبالنسبة للمكياج انتي سالتيني رايي ..
وان الفرح لازم يكون تقيل
لا مافيش حاجة اسمها لازم...
كانت صديقتي في فرحها سمبل خالص مكياج وفستان وكل حاجة
وطلعت قمر ...ولو تشوفيها تقولي مش حاطة ميك اب ابدااا
وطلعت الصور حلوة والتصوير حلو...
على فكرة انا دارسة تصوير في تخصصي ...
وعارفة ان الضوء والكاميرا هاتمتص الالوان...و
اتصورت كتير ب التقيل والخفيف
ودائما وابدا هارشح المكياج الخفيف....
واصلا العروسة لازم تبان سندريلالا ..نعومة ..اميرة
واتاكدي من كلامي هاتلاقي كل الاميرات في فرحهم ...طبيعيات جدا
المكياج حياتي مش اني اتقل عشان اطلع حلوة
الميكاج اني احط لمسات بسيطة ...ماتخلينيش افرق عن شكلي الطبيعي ..
واطلع حلوة كمان...
لو تحبي حد من الستايل ده من عيوني...
عموما انا عمري مابخلي ماكييرة تحطلي على ذوقها ...لازم يكون الاساس من
عندي ذوقي انا...وهي تحترم رايي تكون فاهمة يعني ايه مكياج
اللي بيعملوا مكياج تقيل في مصر
عندك
امنة هياتمي..صراحة ماعجبتنيش لا اسلوب تعامل ولا مكياج
هويدا نصار...تقيل للي يحب
وفي ماكييرة لبنانية في المهندسين عندها مركز ..لو تحبي
قوليلي طلبك ايه وانا اساعدك ان شاء الله