شكرا يامروه :26:

مروة انا عايزة الرقم ...بتاع الماكييرة
لو سمحتي
وياريت تحكيلنا شوية عن فرحك والاستوديو اللي صورك
و كان فستانك ازاي وشعرك ..وفقرات الحفل

مروة لو تسمحي يا قمر ممكن اسم الكوافير اللي عملتي عنده
وول تعرفي كوافيرة بتقص الشعر شطورة وتعمل هاي لايت ياريت تبلغني يا قمر

حنين القصيم:_

لا شكر على واجب يا قمر

سكرة هانم:_

على فكرة اكيد الاسم على مسمى
بص يا جميل انا فى خطوبتى كنت لخمة ومطلعتش بالشكل ال يعجبنى علشان كدة قررت فى الفرح افكر ف كل حاجة من قبلها بفترة كافية علشان منساش حاجة

لفيت كتير على مكان شيك نعمل الفرح فى لقيت الفنادق الشيك غالية جدا وناس قالولى الدارات المسلحة احسن منها وارخص طبعا شوية

المهم بعد لف استقريت على دار الاسلحة والذخيرة عاجبتنى فى قاعة كريستال وهى اكبر قاعة هناك على فكرة ومستوين وبعد الزفة خدونا ندخل من باب سرى غير المعازيم وبعد ما عرضوة صورنا على شاشة كبيرة خرجنا عليهم بعد ما قطعنا الشاشة بالسيوف وكانت ظيفة

وهما منظمين كل حاجة فى وبالنسبة لشو التورتة انا اخترت التورتة ال بتتطلع من تحت الارض وكانت حلوة برضة

القاعة كبيرة وشيك التصوير الفيديو رهيب لو اختارتى تصوير ميكسر يعنى 3 كاميرات واحدة ثابتة فوق واتنين بيتحركوة

الاستديو انا اتصورت عندهم وال بيصور شاطر جدا اسمة وائل هلال والصور طلعت واحنا فى الفرح وكمان فوجئت ف البوفية ان صورة من ال اتصورناها طبعوها على تورتة فى البوفية واستغربت من السرعة دى

كمان الاستديو عندة افكار حلوة جديدة من ضمنها ان ممكن بيحطلكوة صورة كبيرة مقاس 100ف70 كبيرة جدا

بيحطوها على باب القاعة وبيحطوها ب frame ابيض وبيخلوة المعازيم فى الدخول يكتبوة عليها اهداءات للعروسين

ودىة طبعا بتصوريها بلبس كاجول قبل الفرح ب 4 ايام بيصوركو صورتين وتيجى تختارى انى واحدة تتكبر

ودى كانت بمبلغ اضاقى تقريبا ب 140جنية انا وفقت طبعا بس رفضت حكاية التوقيع دى خفت حد يبهدلى الصورة
او حد من ال بيهزروة يعملى دقن وشنب ولا حاجة ههههههههههههههة

فحطنها على الباب من غير frame منظر علشان الناس تعرف اننا جوة وبعد كدة خدها وبروزتها ومعلقها عندى بالبيت

وكانت الفكرة دى عاجبة الناس كلها

هما كمان ممكن يعملوة فيديو كليب ليكو قبل الفرح يعنى بيطلعوة معاكوة النيل او الهرم وعلى غنوة انتى تختاريها بيعملكوة فيديو كليب وبيعرضوة فى الفرح

كان نفسى اعملها بس اتزنقت فى الوقت وملحقتش,

بس فقرات الحفلة كانت مطربة ومطربة بالباند+ال dj كان كلة ب 1000 جنية ولو عايزة dj بس ب 800 جنية
لقيت مفيش فرق كتير واخترت الباند معاهم

واخر فقرة كنت جايبة مجد القاسم والمطربين بيتفقوة عليهم من حتة كدة تبعت القوات المسلحة مش فاكرة اسمها
بس ميزتها انها بتقدملك اسعار ارخص من اسعارهم الحقيقة يعنى مجد برة وقتها كان بياخد 8الالاف وتبع الدار جبتة ب4الالاف معرفش حاليا سعرة كام

بالنسبة للفستان اتكلمت عنة الصفحة ال فاتت وحكيت كفاية لانى كنت لابسة فستانين شوفى الصفحة ال فاتت

وشعرى انا اسود جدا وبخاف اغير لونة عملتلة بس هاى لايت نبتى بالزبط زى لون الشاى الخفيف كان موضة اللون دة وقتها وكان الفورمة هادية ولفوق لان الكوافير كان شاطر بصراحة

بعد كدة هما بيديكوى هدية جناح ليوم الفرح ليوم واحد بس احنا كنا عايزين نقعد اكتر من كدة لانها دار لذيذة بس قالولنا ان الغرف محدودة وعلشان كدة مش بيسمحوة اكتر من ليلة
والجناح كان تحت امرى من الصبح جالى ف الكوافير وبعدين الماكيرة حتى الجرب او بوكية الورد اتفقت علية ووصلنى لحد هناك

بصراحة الحمد للة كنت راضية عن نفسى والدار اكتر من رائعة طبعا الفرح تكاليفة عدت شوية لانى طلبت حاجات اوفر بس هو كلوة عمل 20 الف
ممكن القاعات التانية اصغر واسعارها اقلل وكمان لو استغنيتى عن شوية حاجات هيقل
بس مهما كان كان ارخص من اقلل فندق رحتوة ال كانت تكاليفة بتتدخل ف 50 الف او 70 الف ومعندهمش اى شو خالص

بس نصيحة انا لفيت كل الدارات مفيش احلى من دى فى الشو بتاعها

بس يا سكرتى وبصراحة اسفة معرفش كوافيرة شاطرة للشعر لانى كنت طول عمرى بتعامل مع كوافير لانى متحجبة بعد جوازى الحمد للة واصلا مكنتش بثق اسيب شعرى لوحدة تقصة بحث انها مادام بتشتغل فى المحل هبدلى شعرى ومعندهاش خبرة

هبعتلك طلباتك على الخاص دلوقتى

مروة
:) الف حمدلله على السلامة والف سلامة على الكمبيوتر بتاعك :26: :26:
بجد كنا مفتقدينك ومفتقدين مشاركاتك المميزة :26: :26:

مبسوطة انك معجبة بمشاركاتى معاكو :)

بالنسبة لسعر كريم اولاى انا اشتريتة بحوالى 40 جنيه فعلا بس من برة مش من هنا
وكنت فاكرة انه بيتباع بنفس السعر هنا ماعرفش انهم بيغلوا اوى كده فى سعرة 85 جنيه!!! يا خبر كتير اوى
او يمكن اولاى توتال افكت ده غالى عن باقى انواع كريم اولاى
اصل اولاى ده فى كذا نوع كريم للصبح وباليل ولتفتيح البشرة (انا جايبة الاخير ده عشان الصبح والشمس)