ازيكوة يا حلويين

ان شاء اللة حنزل ليكوة الصور دلوقتى

بس انا اسفة معنديش سكانر وصورتها بكاميرا الكمبيوتر ال عندى ويارب تتطلع الصور واضحة ومفهومة

بس احب اقول كام نقطة الاولى:_ وياريت نقراهم الاول:27:

اولا:_ انا نزلت الموضوع دة بناء على طلبكم لان ف كتير منكم بعتلى على الخاص وطلبوة منى صور لفات جديدة وانيقة

خصوصا بعد ما معظمكم دخلتوة فى موضوع الحجاب ال كنت كتباة وشفتوة الرفض العام ال حصل:44:

ثانيا:_ انا حبيت انزل وسطينا هنا وفى الصفحة الخامسة علشان عارفة انكوة انتو بس ال متابعين الموضوع وحتشوفة كل صفحاتة

لو كنت حابة اعمل دعاية للموضوع كنت كتبت موضوع جديد بس للاسف محدش فاهم طلبى

وبما ان انتو بس ال فاهميين انا عايزة اية وانتو موافقين فعلشان كدة نزلتهم

ثالثا:_ معظم اللفات معروفة بس داخل فيها فكرة جديدة وفى لفات جديدة خالص هنزلها برضة علشان نرضى جميع الادواق

رابعا:_ معظم اللفات انا فاهمة طريقتها وال تعجبها واحدة انا ممكن اشرحها وفى لفات مش عارفها

خامسا:_ انا جبت اللفات دى من المجلة ال كلمتكوة عنها ولان معظم حبايبنا ال معانا هنا مش فى مصر والمجلة مش متوافرة فعلشان عيونكوة نزلت احلى اللفات فيه

غير ان انا صورت كام لفة من cd نانيس سليم وعرضت هنا الشكل النهائيى

سادسا:_ بحكم ادارة المنتدى هنا ال بتمنع ظهور الوجة كامل فاضطرت للعلب شوية فى الوجة لكن ال عايزة الصورة كاملة تتطلبها بالخاص


اخر نقطة بقى لاى واحدة بتفكر تنقل الموضوع لاى مكان تانى تتقى اللة وتكتب منقول عن العضوة مروة لا ن تعبت جدا لحد ما طلعت الشكل دة:11:
اسفة اسفة جدا للاطالة بس لازم اكتب الكلام دة علشان تفهموة ال انا عايزاة

يلا دى اول صورة:_



وتانى صورة:_



تالت صورة:_



رابع صورة:_



خامس صورة:_



سادس صورة:_



سابع واحدة:_



التعليق بعد ما اعرض الصور اوكى؟؟

لينا لقاء تانى مع كام لفة ستايل وروشة شوية

ثامن صورة:_ للعروسة:27:

دى لفة طبعا للعروسة اية رايكوة؟؟؟؟شيك ولا اية؟؟؟




ودول كام واحدة ستايل وعمليين

تنفع فى الحفلات او للعرائس او لحضور meeting

وكمان للبيشتغلوة بمجال بيمنعوة فى الحجاب او مش بيفضلوة زى شغلنتى مثلا مرشدة سياحية شفت موانع من شركات كتير علشان الحجاب فكان لازم اهندم واغير بشكل طرحتى علشان
اشتغل:32:

تاسع صورة:_

دى كمان ستايل جدا

ودى اسمها لفة spanish سبانش مجدولة



ودى كمان ستايل وحلوة:27:



برضة لفة اسبانش بس طبعا اللفات ال سبانش بتحتاج لبس هاى كول زى الصورة

ملحوظة اللفة الاسبانش تلائم صاحبات الوجة الممتلى اكتر

عاشر صورة:_



دى لفة عادية بس داخل معاها بندا او طرحتين صغيرتان عكس بعض

واللفة العادية بتناسب اصحاب الوجة الرفيع اكتر

كفايا كدة عليكو لحد ما اشوف الرودود مشجعة ولا محبطة:44:

وكمان ال عايزانى اشرحلة حاجة مش فاهمها فى اى لفة يقول وانا اشرحلة

المهم ان فى نقط اساسية لازم نراعيها واحنا بنتشرى الطرح

المرة الجاية هكتبها لانى تعبت حاليا واللة

ملحوظة:_ مفيش مانع من انك تكونى محجببة وشيك بنفس الوقت لان دة ممكن يخلى الغير محجب يعجب بحجابك وشيكتك

واعتقد انها بتكون دعوة غير مباشرة منك على العكس من الكلام القاسى والشديد

ال ممكن يبعد اى واحدة مش محجبة عن الحجاب

كتير من البنات بيرفضوة الحجاب لان فكرهم انهم مش هيعرفوة يلبسوة ال نفسهم فى او معتقديين انهم مش حيكونوة حلويين زى ما هما بشعرهم

ودة ناتج من جنون الموضة ال حولينا

لكن لما تتطورى بشكل الطرحة اكيد حتحبى شكلك وان شاء اللة تكون بداية الهداية

حاليا اصبحت الفتيات المحجبات يهتممن كتيرا باناقتهن واصبح الحجاب عامل يزيد الفتام اناقة
وجمال

متفقين معايا ولا شايفين راى تانى؟
يلا يا حلويين بلغونى رايكوة

ياااااااااااااااااااااااى

السلام عليكم ....

انا مصرية طبعا وحبيت ادخل واسلم على الجميع .... تحياتى لكن .... والصور جميلة حبيبتى ...:26: :26:

بنت النيل**

اهلا بيكى معانا وانتى منين من مصر عرفينا بيكى اكتر :)


اية يا جماعة كنتوة حتموتوة على الصور واول ما انزلها طناش كدة

لالالالالالالالالالالالالا انا زعلانة جدا ومش هنزل الباقى :( :(

اهلا اختى ....

انا من القاهرة وتحديدا من مصر الجديدة .... متزوجة وعندى 3 اطفال ومقيمة الان فى سوريا لعمل زوجى كدبلوماسى فى سفارتنا .... :26: :26: