المهم دلوقتى ارد على حبايبى ال كتبولى

dado

اهلا بيكى معانا ومبسوطة انك قبلتى دعوتى انك تشاركى معانا

وان شاء اللة البنات يفيدوكى فى موضوع الكوافير

انا كانت ليا صاحبتى ساكنة بفيصل برضة وراحت لكوافير كانت تحفة يوم فرحها وبتقول عنة مشهور هناك تقريبا اسمو محمد صح؟


سوالك عن ال cd دى cd نزلت بالمكتبات الكبيرة لنانيس سليم اسمها لمسة جمال ب 15 جنية بتعلم فية لفات حجاب جديدة وانا مصورة منها الصورة الرابعة

وباقى ال cd بتعلم مكياج للعروسة والسهرة

وانا جبتها من مكتبة الاهرام ال فى اركاديا

والمجلة اسمها حجاب فاشون مجلة شهرية ب 10 جنية وهى ال مصورة منها كل الصور ال فاتت

بس طبعا الصورة كاملة بالموديل جميل مع لفة الطرحة الحلويين دول

ودى كانت اول عدد ولسة مستنية العدد التانى لما ينزل اليومين دول

اية ال عاجبك ومش فاهمة؟؟

وكنت بعتلك رسالة على الخاص شفتيها برد على رسالتك

بس سوالى ليكى اية علاقة الخياطة بالموضوع؟؟؟؟؟؟؟!!!!!!!!!!:)



imay:_

شكرا لذوقك فى الرد واهلا بكل اهل السعودية معانا

اعتقد فعلا اللفات الاخيرة مينفعهوش عندكم وممكن تجريبها الاول فى الافراح عندكم ولو حسيتى انهم عاجبينك ابقى طورى فيها بالشكل ال يرضيكى

بالنسبة للفة التانية هى معقدة شوية

بصى هى مكونة من طرحة واحدة كبيرة ال هى لونها بنى ومشجرة اصفر تقريبا وكمان فى باندا كريمى وباندا بنى غامق

الاولى عبارة عن باندا كريمى بتلبيسها عادى وبعدين جابت الطرحة الاصلية ال هتتلبس الكبيرة

لو تلاحظى هى مثبتها بشكل مائل بحيث اللون الاصفر هو ال باين
وبعدبن جابت الباندا ال بنى غامق وركبتها فوق الطرحة الكبيرة بشكل قاطع كدة زى الصورة وفى ميل شوية بحيث الطرحة تتديكى شكل x

بس وبعدين بتلفى بقى الطرحة الطويلة اللفة العادية حوليين الباندا وبتديكى الشكل دة

ممكن بدا الباندا البنى الغامقة دة تجيبى ايشارب صغير حيكون احلى
بس لازم الاضافات ال تستخدميها زى الباندا يعنى تكون نفس الوان ودرجات الطرحة الملبوسة علشان تديى تموية انها طرحة واحدة معقدة ومفيموش عاملها ازاى

السابعة زيها نفس الفكرة باستخدام شرائط صغيرة او اشاربات او بندنات

فهمتى؟؟جربى وقوليلى

رواء الاسلام :_

اهلا بيكى يا قمر وربنا يقومك بالسلامة

كربوجة:_

ال عاجبكى منه مقوليلى انى

بالنسبة للميك طبعا هنا اوفر شوية لان دول موديلز وبيتصورة للمجلة لازم المكيب يكون تقيل علشان تبان جمال الطرحة على الوش ويشدو الناس

انتى بتقولى حجاب مع ميكب لا اوفر,يعنى دة رايك لكن المكيب الخفيف بيخلى الشكل حلو وطبيعى كمان لما يكون هادى

خصوصا لو اللفة فيها شغل كتير لازم يكون المكيب واللبس هادى

كحل بسيط ايشادو هادى روج ناعم كدة يعنى

بالنسبة للمذيعات اقرا انا عن نفسى مبحبش بسمة بحب دعاء بحس انها محجبة ستايل وكمان بتعرض لفات حلوة بالبرنامج

وطبعا بسمة ودعاء دول كانوة اصلا موديلز قبل الحجاب وواخدين على الشياكة اكيد لما ربنا هداهم مقد
روش يفضلوة من غير اناقة برضة

بسمة لحد دلوقتى بتتشغل مصممة ازياء وعندها محل بتاعها بالمهندسين

وعبير صبرى كمان فتحت محل للمحجبات بمصر الجديدة

ربنا يهدينا كلنا يارب


اخر خبر يا مصريات علشان اكون كتبت كل ال اعرفة عن الحجاب

افتتح الشهر ال فات مول بيسموة مول المحجبات لان 90% منة للمحجبا من محلات لبس ومحلالالالالالالالات طرح كتير باشكال تحفة ومحلالالالالات لىكسسورات الحجاب

واسعار الملابس فى واللة معقولة وفى حاجات ارخص من وسط البلد او مدينة نصر

المول فى المهندسين واسمة بلاتنيوم مول

انا زورتة واشتريت منة لبس حلو وطرح جميلة مش منتشرة برة

دة كان فى محل طرح عارض بعض الطرح بالشنطة بتاعتها نفس شكل الطرحة وكان ب 93 جنية لانها مستوردة من برضة

انا استغلتهم بصراحة وصاحبتى راحت تشتريهم لاقيتهم خلصوة كمان :)








بس

السلام عليكم يا بنتوتات يا حلوات ..انا مبسوطه اوي اني لقيت موضوع بيجمع المصريات عشان نبقى نساعد بعض وكمان نساعد اخواتنا اللي من خارج مصر لو حبوا يسألوا او يستفسروا عن حاجه ..
اللفات اللي انتي حطيتيها يا مروه جميله اوي وفي بعض اللفات محتاجه بس شوية تعديلات يعني الرقبه تتغطى الميك آب يتشال ..كده يعني ..لكن غير كده تركيبة الالوان و طريقة اللفه تجنن..
وشكرا على فكرة الموضوع :26:

هاي بنات
طبعا انا اكتر واحده مابدخلش اسلم عليكم
معلش اعذرونى ظروف الامتحانات بقى
دعواتكم


بالنسبه للروج اللى انتى قلتى عليه يامروه انا جبتو صراحه عجبنى
لانو ناعم وهادى يعنى اللى بيشوفنى مايقدرش يقول انى حاطه روج

انا بحب استخدم جلوس ساندى عاجبنى صراحه
تقريبا ب 7 جنيه بس حلو

لان شفايفي من النوع اللى لما احط روج تتشقق
وطبعا دا محصلش مع الروج اللى وصفتيه لينا ولا مع الجلوس

بالنسبه للشادو انا بحب اللون الابيض الهادى تحت الحاجب
يعنى بحط ابيض مش بيبان انو ابيض طبعا بس بيدي لون خفيف ونقي
انا بستخدم شادو لونا في علبه بيجي فيها 3 الوان ابيض واسود وفضي
دا احسن لون ابيض استخدمتو
العلبه صغيره ب 20 جنيه بس يستاهل صراحه


ولما افتكر حاجه جديده هاعرفكم على طول

اه افتكرت
في كريم نازل جديد من اولاي اسمو توتال افيكتس
طبعا سمعتو عنو
انا استخدمتو ومره رهيب في للوش(واحد للنهار وواحد لليل)
جميل جدا
وفي للايد كمان رائع
بيخلى البشره نقيه ومشدوده
وطبعا بستخدم مناديل جونسون لازالة المكياج كمان مريحه ومش تعبانى خالص

دى بقى نصايح حلوه للقمامير
1/انا بستخدم زيت صانسيلك طبعا عافينو اللى هوا 7 زيوت دا بعملو حمام زيت لشعرى قبل الحمام ب 4 ساعات تقريبا
بدفيه واحطو على شعرى
2/طبعا بستخدم لبشرتى وصفة ماء الورد مع حليب نيدو وطبعا انا كتبتها في رد قبل كدا
ودى كمان كويسه
3/النوم حاجه مهمه جدا يعنى نوم الليل افضل من النهار مليون مره علشان جسمك يرتاح
4/اشربي طبعا مايه كتير جدا علشان الماء بيعقم الجسم وبيريح البشره جامد
5/بلاش الشاي والقهوه الكتير


لما افتكر الباقي بقى