السلام عليكم ورحمة الله وبركاته
اهلا بكم يا اخواتى المصريات
ارجو ان انضم اليكن
اختكم ليل القاهرة

نكمل كلامنا

انا بحاول الم جميع الصفحات فاسفة لو حد فاتنى او موضوع ليا مخدتش بالى منة

الاول حلوة جدا فكرة التجمع دى وكويس انكوة اجلتوها لانى مكنتش اعرف ويارب اقدر فى المرة الجاية ولو مقدرتش استنى المرة ال بعدها لانى فى ظروف ملخبطة اليومين دول

reema_20:

اهلا بيكى معانا وواضح ان كريم توتال افيكت دة سعرة مش مستقر بمكان انا شفتة بقى بمحل فى وسط البلد ب 40 جنية اجيبة احسن من هناك

ورقم الماكيرة جبعتهولك على الخاص

:_
omhabeba2000

اهلا بيكى معانا والحقيقة انا اعرف ان ف شغل كتير وانتى قاعدة بالبيت ممكن تنفذية بس معرفش بالتحديد ازاى يتعمل للاسف

وبالنسبة علشان تلاقى الصفحة بسهولة حطيها على ال favorites عندك من فوق على الكمبيوتر نفسة فى اعلى الشاشة حتلاقى الكلمة دى دوسى عليها وانتى فاتحة الصفحة ال عايزاها تكون مفضلة عندك ودوسى على كلمة add
بس بعد كدة فى اى وقت ادخلى وهتلاقيها متسجلة من فوق


Hodhoda:_

شكلك ناصحة وعاقلة ربنا يكملك على خير يارب ومش مهم تعملى اية علشان الفرح المهم انكوة تكونوة متفقين وتكونوة فى الاخر مع بعض

انا عارفة طبعا ان الافراح بقت مكلفة بس للاسف يعنى انا مخى عكسك خالص لانى كنت مصرة اعمل فرح وشيك كمان خصوصا انى بنت وحيدة على اخ واحد بس وانا الكبيرة ودلوعتهم ومش ممكن هما حتى عندى كانوة حيوفقوة انى اعمل حاجة صغيرة لان الخطوبة كانت ضيقة جدا لانى كنت ناوية اعمل فرح

وجوزى كمان ولد وحيد على اربع بنات واكيد كانوة عايزين يفرحوة بية على الرغم من انهم عائلة متدينة جدا وعندى 2 من اخوات جوزى منقبات

واحدة اعتذرت عن الحضور وهى زعلانة جدا لانها كان نفسها تيجى فرح اخوها والتانية جت مع جوزها بس مدخلتش استنت فى الكافية وانا خرجتلها بنفسى سلمت عليها

الاول مكنتش فاهمة ازاى واحدة متنجيش فرح اخوها او متتدخلش تسلم وزعلت منهم وقولت يعنى هما بيكسفونى علشان معملش فرح زى ما انا عايزة علشان يقدروة يجوة؟؟

وبعد كدة فهمت واحترمت وجهة نظرهم واحنا اكتر من اخوات دلوقتى لانهم لذاذ جدا

هما كانوة رافضين فكرة الاختلاظ والاغانى بس انا عائلتى مش كدة ولا انا كدة ولاجوزى كدة ولا فكرت انى برتكب
معاصى ولا حاجة كل ال حصل انى كنت مبسوطة جدا بكل الليلة دى بكل ما فيها لانها فعلا ليلة العمر ال اى بنت مستنيها
وفى افراح ممكن تتعمل فى اماكن صغيرة ومش هتكون مكلفة حتكون اسعارها حلوة
اعرف واحدة عملت فرحها بباخرة مش فاكرة اسمها بحوالى 3 الالاف جنية

يعنى دى اراء وبصراحة لو رجع الزمن بية تانى هاعمل كل ال عملتة لانى مش ندمانة علية لانها كانت امنية وحلم ليا

لان اهلى مستنين اليوم دة يفرحوة بيا وانا عايزة افرح بنفسى

بالنسبة لكتب الكتاب انا عملتة فى مسجد النور وانا بفضل المساجد ف كتب الكتاب تحسى بامان كدة وبمباركة

بس مش معنى كدة تفكيرك غلط لا يا هدهود تفكيرك سليم واقتصادى مية بالمية بس هى امخاخ مختلفة ههههههههة


ombasl:_

ازيك ؟ممكن تقوليلى الوصفة دى بتفيد اية بالزبط؟؟

واول مرة اعرف انك مرشدة زيى زمعاكى لغتان كمان ماشاء اللة,وماشاء اللة انا شايفة ان كلامك جميل بس معلهش فى حاجات مختلفة معاكى فيها

زى كلامك عن الشغل ومجال السياحة عموما يعنى انتى عارفة ان كل مجال فى الحلو والوحش والعاقلة ال تعرف تفرض ومتعملش حاجة تغضب ربنا خصوصا ان بشوف حاليا مرشدات كتير بالحجاب ماشاء اللة بقوة غير زمان

ومتقوليليش اية ال يجبرنى على كدة؟لانى حقولك ان الشغل بقى شى اساسى للمراة دلوقتى خصوصا فى الايام الصعبة ال بنعشها دى الراجل بقت علية اعباء كتيرة جدا والحياة غالية نار
وحتى لو الزواج كام متيسر برضة مفهاش حاجة من الشغل تعملى لنفسك استقلال مادى ينفعك

مادام معاكى شهادة وشغلك متوافر ومش بتتاخدى من وقت بيتك ولا اولادك خلاص يبقى اية المشكلة

على فكرة كلامى مش موجة ليكى انا بتكلم عن المراة عموما

انا شايفة ان الشغل كمان بيعمل استقلال مادى فى اوقات بتحبى تجيبى حاجات خاصة او هدايا لاحد وبتكسف اخد من جوزى كل شوية

وبعدين الارشاد بحس انوة الشغل الوحيد ال بينفع واحدة متجوزة لانوة مش كل يوم ويومين بس فى الاسبوع واخرمعاد ترجعى فية الساعى 4 او 5 يعنى مناسب غير انى مفيش حد بيتمر عليكى انتى حرة نفسك

جوزى الاول مكنش موافق على فكرة الشغل لان الحمد للة احنا كويسين ماديا وكان بيقولى احنا مش محتاجين شغلك قولتلة بس انا محتاجة خصوصا انوة بيعما اعمال حرة وبينزل من الصبح لحد 11 باليل وطول اليوم لوحدى يا اما بلف ورا ء بنتى واتخانق معاها ساعات بتمنى لحظة بس اشرب فيها شاى او انام او اقرا كتاب ال عندهم اولاد عارفيين كلامى دة ربنا يخليهم طبعا

بس لقيت نفسية بقيت عصبية وخلقى ضاق وبتخانق علطول معاة قالى فى مرة انزل الشغل بدل ما انتى قاعدة تنكدى علينا كدة ههههههههههة

الحمد للة مبسوطة

طولت معلهش بس كمان كنت قريت كلامك عن الروشتة الزوجية واللة كلامك جميل جدا بس شددتنى اول جملة كتبتيها وال علقت عليها سكرة هانم ((كونى لة امة يكون عبدا لكى)))

انا بطيع جوزى ومتفاهمين الحمد للة بس مش لدرجو انى اكون امة لي لانى مستحملش اكون كدة على طول الخط لان معنى كلمة امة دى تنفيذ الاوامر بدون نقاش والطاعة العمياء وطبعا محدش كدة ابدا دلوقتى

كلنا متعلميين واواقات مش بنحب حد ممكن نحس انوة بيجرح كرامتنا اوقات فى الخناقات بنحس كدة فمقدرش متدافعش عن نفسى يعنى

وحتى لو كنت انا امة عمرة هو ما حيكون عبد لان دى عقدة الراجل الشرقى ميحبش يحس انوة بيسمع كلام مراتة وبينفذاوامرها

لان دى معنى كلمة عبد ملهاش معنى تانى

وفى ازواج بتحب تاخد وبس ومتديش باعتبار ان دى حاجة مفروضة عليكى وهما لا

وكمان مع احترامى للمقولة وكمان انا مش متفقهه للاسف فى الدين بس بحس ان فى مقولات واراء متنفعش فى زمانا دلوقتى ابدا وكلامى بعيد عن القران واحاديث الرسول طبعا علشان مجدش يفهمنى غلط

الكلام ال اتقال زمان من علماء او مفكريين اسلاميين مش كلة بقى مناسب للزمن ال احنا فية يعنى مش كل حاجة نسمعها اقول لازم تتطبق بدون تفكير احنا عايشين فى زمن ما يعلم بية ال ربنا ظهرت فية وسائل كتير ممكن تخرب علاقة اى زوج وزوجة لو متقوش ربنا فى افعالهم

الزمن اتغير والناس اتغيرت والتفكير اتغير برضة

وزى ما قالت سكرة دينا اتكلم كتير عن المساواة بين الراجل والمراة فى حاجات معينة مش زى ما مش فاكرة مين ال كتب ان الكلام عن المساواة بوظ عقول ولا اية معلهش مش فاكرة

ال شايفة انها بتعمل غلط متعملهوش وال شايفة انها كدة مرتاحة تفضل مكانها المهم ان ضميرها يكون مرتاح ومتغضبش ربنا الحمد للة

اسفة دة رايى والاختلاف فى الراى لا يفسد للود قضية يا حلويين ومتزعليش يا ام باسل احنا بنتبادل الاراء



بالنسبة لكلامكوة عن موضوع الاهل دة انا معاكو ان فى حاجات مينفعش تتقال برة البيت حتى للاهل لانهم بيشيلوة جواهم ومش بينسوة الاساءة لاولادهم

بس فى حاجات ممكن تتقال ناخد رايهم فيها وخبرتهم بدل ما نتصرف من مخنا لان هما تجاربهم اكتير
والام اكتر واحدة حتخاف عليكى وعمرها ما حتضرك ابدا

سكرة هانم:_

اسفة مخدتش بالى من سوالك حمام الباخر كان ضمن الكورس ال عند الكوافير ووقتها بصراحة حسيت بصفاء بشرتى بس كانت حمرة شوية من البخار وبعد كدة بقت عادى

ليل القاهرة :_

اهلا معانا وشكرا انك لبتى الدعوة يا قمر

nora 3amar

الصور جميلة والازيار راقية جدا قوليلى اخر صور دول من تصميم الاتلية ال قولتى علية؟؟؟؟ ولا انتى جايبهم من مجلة؟اقصد تعرفى ال مصمم الازياء ؟بلغينى و مستنى المزيد

rony_haron

اهلا بيكى يا قمر بس بلاش نحط ارقم اى حاجة ونتبادل على الخاص احس ممكن يا جميل

عطرالشموع:_

اهلا بيكى وتوصلى معانا


baby_mrmr

حكاية ال open day انا معاكوة فيها بس عايزة الرقم والعموان بالتفاصيل على الخاص والارقام بليز

والمقابلة تكون فى مكان خارج البيوت ولا مش حينفع تعرض الحاجة برة؟؟؟؟؟؟؟

بس فى الاخر بطلب منكم الدعوة لوالدى لانوة بالمستشفىربنا معاة

dado سلامة والدك ربنا معاة كمان

شكرا يا حلوينن واتمنى يتسع صدرنا لبعض ونهدى اللعب علشان منزعلش من بعض

بحبكوة واللة كلكوة

السلام عليكم

السلام عليكم يا احبائى***كيف حالكم جميعا بشكرك يا مروه وانت كمان ياهدى على فكرة بحبك علشان اسمك زى اسمى ايضا اشكربومبونايه مبسوطه انكم عبرتونى ورديتوا على لا تتخيلى يامروة اد اية فكرتك جميله لانها تعيننى على غربتى فانا الجا اليكم واقرا ما تكتبون عندما احن لمصر حبيبتى وكل اللى فيها لكم تحياتى

صباح الخير يا بنات

شخباركم ليوم.. انشالله بخير :27:

طيب ما حد يبا يبعتلي الكريم ليوكوسيد.. ما رديتو علي سكتو كلكم :06:

ام باسل طرشت لج عالخاص اخر رساله ما جاني رد... بنات بلييييييز وجهي ضاع من كثر البقع

استنا ردكم :26: