mashmash
معاش تاحرت فى الرد عليكى لان بنتى كانت مريضه وافضل تاجيل الموضوع لما انزل مصر فى الاجازه لك تحياتى

ام باسل انا عايزه الهديه الى قولتى عليها ل هدهده لو سمحتى

صباح الخير يا جماعة امبارح الصفحة كان فيها تعديلوكلكم وحشتونى قوى
مصرااوية
الف اهلا وسهلا بكى وكفاية انك صديقة كهرمانة الغالية وبدعى لكى من كل قلبى يكرمك انت وخطيبك باذن الله
حاضر يا كهرمانة معاكى حق
حبيبتى عطر الشموع
انا اهوه معلهش هما بس الجمعة والسبت باختفى لانهم مخصصين للزيارات العائلية والشقة والخروج
والله انتم بتوحشونى موووووووووووت
شكرا يا مروة على الدعوة الجميلة وربنا يثبت ايماننا جميعا وسبحان مقلب القلوب

حبايبى الحلويين
حد فيكم يعرف محل Reedy's لمنتجات الميك اب وال Body Care?
انا عارفة انوه فى هليوبوليس ياريت بنات مصر الجديدة يقولوا لى هو فين ولو حد جرب منتجاته
جزاكم الله كل خير

الف شكر يا مصراوية على وصفة السدر
انا اشتريته من اسوان ولسة ما جربتوش لانى كنت مستنية اعرف الوصفة
هو كان عبارة عن ورق اخضر ذى ورق الشجر ولما تحطنته بقى حبة صغييرين كدة هجربوه وادعيلك
بس يا ريت لو تقدرى تفيدينى اكتر فى موضوع الشعر لان مشاكلى معاه كتيرة
أولا انا شعرى بيتغيير بسرعة من فصل لفصل واسؤا حالة ليه فى فصل الصيف
وللاسف انا هتجوز فى الصيف وخطيبى هيموت ويشوف شعرى
يعنى لازم يشوف حاجة حلوة وما اخيبش امله!!
اول سوال عندى :
نفسى حد يقوللى طريقة عمل السيشوار للشعر فى المنزل خطوة بخطوة من اول غسيله لحد ما يجف وياخذ شكل مفرود وجميل وخصوصا ان شعرى متوسط الطول بعد اكتافى بحوالى 10 سم ومتوسط الكثافة
الله يكرمكم نفسى اتعلم الموضوع ده علشان اعرف اخلى شعرى حلو ونشاف وبسرعة خصوصا فى شهر العسل
طبعا انا عارفة انكم مش هتخزلونى ابدا

حبيبتى مصرااوية
والله شجعتينى اروح لمسيو عبده
وهاحاول اروح من دلوقتى اتفرج واعرف الاسعار وصلت كام
والنبى تلحقينى باسم سنتر المهندسين ولو على الخاص بسررررررررررررعة
اسهل واروع ماسك لبياض البشرة من اسمرار المصيف:
1- بودرة تلك + ماء ورد
تخلطيهم ذى العجينة وتحطيهم على الوجه والرقبة لحد ما يجف تحفففففففففففففففففففففففففة
2- ملعقة نشا + ملعقة زبادى
ذى الوصفة السابقة
3- زبادى + ليمون
الزبادى هيخفف شوية من حرقة الليمون على الوجه

ولا تنسينى بالدعاء بعد التجربة

والله يا مصرااوية مش عارفة ارد على ايه ولا ايه من كلامك اللى يجنن
شكلك كدة هتاكلى الجو منا !!
انا فعلا شفت الستاير الاورجنزا فى شارع الازهر وكمان هتلاقيهم فى الوكالة ارخص بس برده لازم الفصال انا اكره الفصال قوى بس ماما شاطرة ما شاء الله عليها مش عارفة من غيرها هاعمل ايه ربنا يخليها لى يا رب
انا ان شاء الله ناوية اعمل البيج او البنى علشان دى الوان الارضية عندى

لسة فاضلى الملايات والفوط وفعلا اسعارها جميلة فى معرض القاهرة وكمان فى كل الانواع والمستويات
على فكرة المعرض المفروض اول يوم فيه النهاردة من 15 الى 25 مارس بارض المعارض
"وتقرر تخصيص الاربعة أيام الأولي لرجال الأعمال علي ان يفتح المعرض ابوابه للجمهور اعتبارا من يوم السبت المقبل للجمهور من العاشرة صباحا وحتي الثامنة مساء‏"