حبيبتى السكرة مصرااوية
انا كمان عندى نفس فكرة الصبغة النبيتى
وعلى فكرة فى كوافير اسمه Style فى ارض الجولف صحبتى عملت فيه تحفة عليها (اكلمت عليها قبل كدة) وعملت ب150 جنيه
ممكن تجربيه ومش هتندمى باذن الله

هدهود

ولا يهمك تامر يا جميل

بصي يا ستي اكبر غلط غسيل الشعر بماء ساخن

بصي الاول بغسله بماء دافي بس يكون ساخن شوية
وبعدين بعد ما غسلت اخر غسلة ازود برودة الماية شوية بشوية لحد ما توصل للبارد


لعلمك بتنشط فروة الشعر جدا جدا جدا
وبتساعد علي صحته


وكمان حاولي مرة في الاسبوع او كل ما تفتكري كل كام يوم تسرحي شعرك علي اادام وهو نازل علي وشك

وانتي موطيا فهماني؟؟


وان شاء الله كل شهر بعد ما تنتهي الدورة الشهرية في اخر يوم بعد ما تخلص تقصي اطراف شعرك بسيط


ده كله جميل للشعر وبسيط خاصة الماية الباردة

في موضوع في ركن الشعر دلوقتي بيقول كده علي فكرة


وما تقلقيش من الصبار خالص مالهوش علاقة بالمقابر هي دي بس بيئته ما لهمش علاقة ببعض اكتر من كده
ههههههههههههههه


بس هو عيبه عايز وقت ومداومة


شعر صغير بلاقي شعرة صغير قصير اوي اوي بالنسبة لطول شعري لسا طالع هو ده الشعر الصغير

طوله زي عقلة الاصبع وبعدين بيطول

وبلاحظه لاني مش بيرضا ينام ولا يتسرح مع بقية الشعر لانه قصير بيبقا واقف عشان قلة
وشكرا ع الوصفات ياقمر


ولا يهمك بصي

عارفا اكيد الماريوت

بصي امامه كوبري اللي هو بتاع المحور اللي هو كوبري 26 يوليو بتاع الزمالك

هتلاقي اتجاهين

واحد جاي من الاسعاف او التحرير نازل ع الزمالك
واتجاه من الزمالك طالع من تحت طالع علي الاسعاف ووسط البلد وكده

الاتجاه اللي امام الماريوت مباشرة اللي طالع من الزمالك تخلي الماريوت علي شمالك
وتفضلي ماشية ماشية

هتلاقي المحل بعد 10 دقايق مشي او اقل علي ايدك الشمال برضوا
هتلاقي في طريقك وانتي رايحا له


mm

ومحل بيع سيارات وحلواني سيموندس

وبعدين محل ورد

بس كده انتي خلاص

بس هتمشي بسيط هتلاقيه علي نفس الصف وهو ملحوظ اوي لا تقلقي


عارفا مسرح االزمالك هو في امامه بنزينة هو في وش البنزينة

وما دمتي رحتي الشارع ده بقا

لازم تشوفي محل الاطباق والفخاريات والحاجات بتاعة المطبخ دي في نفس الشارع
امام حلواني سيموندس ع الرصيف التاني


علي فكرة الخياطة اللي بخيط عندها العمارة اللي جنب محل حلويات سيموندس ده

عشان كده حافظا الشارع

اي خدمة يا جميل


بس معقولة صبغة ب 150؟؟؟
وياتري هو لونه ايه اوصفيه لي

وهي لونها ايه

وشكله ملفت والا حلو عادي

ملفت ليه هو طبعا مش للناس

مصرااوية
ممكن تقولى لى السدر انا ما لقيتش منة مطحون ينفع اجيبة ورق واطحنة ولا احسن اجيب ورق اخضر وانشفة وبعدين اطحنة ؟؟؟
على فكرة لو محتاجة اى حاجة من المحلة الكبرى انا عرفاها كويس وامرى يا قمر
"هدهود" فكرتينى بنفسى ايام فرحى كنت مهتمة جدا بكل حاجة ودلوقتى مش لاقية وقت حتى انام شوية يلا شوفوا لكم يومين قبل ما تبقوا زينا صاحبات بيوت

ازيكوة يا حلويين


مصرااوية:_

اية الجمال دة يا بنتى دة انا مش ملحقة عليكى وعلى معلوماتك ماشاء اللة عليكى انتى مرجع فعلا على راى نورا

واللة عسولة وحبيتك وحاسة انك بتتكلمى بسرعة هههههههههة

معلوماتك حفظتها وحشترى النبق دة انشاء اللة وكنت سمعت عند حراز زيت اسمة ضفائر حراز بيطول الشعر
بصراحة انا مجربتهوش بس اخت جوزى جربتة وفعلا واللة شعرها طول وواضح جدا تعرفية دة؟؟؟؟


انا شعرى لونة زيك كدة اسود فاحم وكنت خايفة اغير لونة وخصوصا قبل الفرح بس عملتة هاى لايت نبتى خفيف كان عامل زى الشاى الخفيف وبعدين الكوافير غسلوة بشامبو صبغة نبيتى سمعت بيقول كدة وسالتة لية قالى علشان يدى اللون العام للشعر كدة من بعيد او تحت الشمس

وكان بصراحة تحفة وعملتة فى ليلة الحنة وكنت قلقانة يطلع وحش اول لما عملتة لقيت لون شعرى احمر جدا واتخضيت وهو طمنى وقالى لونة هيدا متخافيش لما يتغسل

واول لما مشيت من عندة جيت غسلتة فى البيت ولقيت لون احمر بينزل وكان بواقى الشامبو ويوم الفرح لما عملتة لقيت لونة هادى وجميل جدا مع الفورمة ال كنت عاملها

هو كوافير ستايل وبيفهم لو تحبى ابعتلك العنوان على الخاص



يمنة3333:_

بصى يا جميل احسن واحدة دلوقتى بتعمل لفات حجاب للعرائس هى نانيس سليم لو تعرفيها بنوتة ضغيروة وبنت مديحة سليم الماكيرة هى كمان ماكيرة واحسن من مامتها مكياجها جميل وكمان محجبة ومتخصصة فى لفات الحجاب وبتيجى كتير فى التلفزيون ومنزلة cd بتعلم فى كام لفة كمان

انا معايا رقم وعنوان السنتر بتعهم ومعايا موبيلها بس من زمان مش عارفة اتغير ولالا

ولو عايزة قوليلى ابعتلك على الخاص الارقام وحبعتلك حالا رقم البنت ال بتعمل سويت ومعلومات عنها


هدهود ازيك ياجميل

mmm

بيجى الساعة كام بالزبط صناع الحياة يوم الجمعة وعلى فكرة انا متبعتهوش اصلا بس بقيت اسمع عنة كتير حد فى السريع كدة يقولى فكرتة اية مع معادة اللة يكرمكوة



يا جماعة المنتدى اتغير كدة انا مش عارفة ابعت رسائل على الخاص زى الاول ابعتها منين حد يقولى بسرعة

اذيكم كلكم انا بصراحة مكسوفة اوى بعد الكلام اللى قالتوا مصراوية اقوللكم حاجة علشان الحمد لله يعنى معنديش اى خبرة فى اى حاجة لما حاسة انى نفسى اجرب حاجات كتير و مش عارفة ايه ولا ايه ولا ايه و انا و مصراوية و كهرمانة كنا فى عروس بندردش مع بعض على طول لكن الدردشة طبعا تحلى معاكم و على فكرة انتم لسه مشوفتوش حاجة من مصراوية مقوليكوش بقى دى استاذة فى الأكل صح يا مصراوية ؟
الله اكبر مش هنحسدك
و مرسى جدا يا مروة انك رديتى عليا و انا هبعتلك رسالة على الخاص ابقى اقريها و ياريت تقولولى شوية عن اماكن حلوة للأفراح بس تكون فى حدود لسعر 5000 مثلا أو أقل علشان عايزة احجز و النبى متتأخروش عليا
فينك يا كهرمانة ؟؟؟؟؟؟؟؟ و مرسى على الدعاء جدا
و على فكرة فى اخت جديدة جاية من عروس هعرفكم بيها انا دعيتها بعد اذنكم طبعا