ايه رايوكوا يا جماعه لو نتفق علي معاد نقعد فيه كلنا نسال ونجاوب واحنا كلنا اون لاين طبعا هو صعب شويه لكن كل واحده ترشح وقت معين يكون مناسب ونعمل في الاخر ترشيح لانسب وقت وانا ابدا بالترشيح ممكن يكون خميس عشان مروه صحبه اللمه الحلوه تكون معانا طبعا ويكون بليل شويه عشان العيال تكون نامت عندنا كلنا ها ايه رايوكوا مش تبقي لذيذه
فرط الرمان
انا رايحه الكويت كمان عشر ايام لجوزي وهنستقر هناك عايزه اعرف شويه حاجات منك كنتي بتشتعلي ولا لا وكنتي بتسيبي الاولاد مع شغاله ولا لا طب تعرفي حد كان بيسيب العيال مع شغالات عايزه اعرف شويه لاني هشتغل ومضطره اسيبهم لكن الموضوع ده مطير النوم من عيني

السلام عليكم

كيفك اختي مروة ...بصراحة انا مش مصرية بس لما شفت موضوعك وشفت ردود البنات تشجعت ..:02:
وقلت خليني ادخل معاكم ...لاني بصراحة انا احب اكون مع الناس ...وكمان برضو زي ماقولتي نساعد بعض في بعض الامور

واشكرك على فكرتك الحلوة والجميلة

:42:ممكن اكون معاكم اختكم هبة من مصر:42:
و بالتحديد من المنصورة

الأخت الحبيبة wbmylove
شوفي يا ستي
طبعا موضوع الأولاد ده مهم جدا انا لما كنت في الكويت مكنتش لسه متجوزة بس اقولك على اللي كانواالناس بيعملوه... في قدامك حلين
اما تودي الأولاد حضانة ودي بتبقى اسعارها غاليه يعني في حدود 50 دينار للطفل الواحد حسب ما بسمع وطبعا الحضانات مشاكلها معروفه بس كان في وحده صاحبتي بتودي بنتها حضانة والبنت كان عمها 3 شهور وكانت بتقول انها كويسه
الحل التاني انك تسيبيهم مع شغاله وده اللي معظم الناس بتعملو بس المهم يكون حد مجربها وطبعا لازم تخدي بالك منها كويس وتتصلي كل شويه بيها وكمان تنبهي عليها ان الأولاد اهم من شغل البيت
ده اللي كنت بشوف زمايلي بيعملوه وبالنسبه للاسعار بتتاوح من 35 ل 60 حسب المنطقه وعدد الأولاد
وربنا يكون في عونك لأني كنت بشوف زميلاتي بيعانوا في موضوع الأولاد ده
ارجو اني اكون افدتك ولو عايزه اي سؤال تاني اسالي :26:

السلام عليكم ورحمة الله وبركاتة ازيكم جميعا مصرين ومش مصرين كل سنة وانتم طيبين :26: :24: مروة :24: الف سلامة على الوالد ربنا يشفى كل مريض