طالبه كيمياء @talbh_kymyaaa
عضوة نشيطة
الافكار اللي سويتها في زواجي .......للعرايس تعالو استفيدوا
بسم الله ارحمن الرحيم هذا الموضوع هديه الى كل عروس في المنتدى أنا كان زواجي في شهر 8 وماخليت منتدى الا فتحته اشوف الفساتين والزفات والكوش وكل حاجه للفرح بس الحمدالله ربي سهل لي وكان زواجي احلى زواج في الصيف خذوا اليكم التفاصيل أول حاجه بعد ماخلصت الاختبارات والقرف رحت سوق المستقبل في البوادي وفصلت فستاني بـ3500 بس كان مرررررررره حلو وناعم وكان باقي على زواجي شهر كامل وبعدين رحت سويت شريط الزفه اخذت رقمهم من موقعهم علىالنت وسويت زفتي على شكل اخبار يعني أول حاجه تجي نغمه أخبار المجد علشانها خاليه من الموسيقى مو زي اخبارالعربيه بعده لمن تخلص يجي صوت بنت صغيره تقول سيداتي وآنساتي لقد وصل الين خبر عاجل يسمعكم هذا الخبر مراسل قاعه مذهله تفضل أخوي وبعدين يتكلم رجل كبير يقول لقد وصلت الينا العروسه:::::::::أسمي ألى القاعه ومن هالكلام وقام العرسس ....:::::::::: باستقبالها بهذه الأبيات بعدين تجي الأبيات مره حلوووووه على لسا ن العريس يمدح عروسته الأبيات 16 بيت وآخر بيت فيها يقول طلي يا:::::::::أسمي وخليهم لزينك يشوفون طبعا الأببات أخذتها من النت واللي تبغاها تقولي بس مي معايه ذحين وبعدين أطلع على البلكونه وأصوات غطاريف وحركات وعلى البلكونه صاحب الكوشه مسوي لي قماش مليان بالونات بأسمي وأسم العريس وورد ولمع واشياء حلوه وطبعا قصيتها وكان كل بنات العيله الصغار مجتمعين تحت ولمن طاحت البالونات صاحو بصوت عالي وأخذوها وكانت أغنيه البلكونه منتي سهله وطبعا امي موصيه عليه لازم اسلم على الناس بيدي ولمن خلصت الاغنيه بدت أغنيه الدرج مصريه ونزلت وطبعا طول وان ماشيه قاعه ارش ورد طبيعي مع بنت اخويه في سله وكمان بنت اختي مشي قدامي بالبخور وطبعا بدت أغنيه المسيره الورد الأبيض لحسين الجسمي وكنت امشي برواقه وذوق ماابغى الكشخه تروح خساره ولمن وصلت بدايه الكوشه كان فيه بيتين شعر اهداء من امي وخواتبي ليه وطبعا واقفه واخواتي وامي كلهم واقفين جنبي وبعدبن بدتاغنيه الكوشه نسيت أسمها والله طبعا لمن خلصت الاغنيه كانت وحده من خواتي مسويه حركه قبل الزفه وزعت ارقام على الحضور وقالت فيه هديه من العروسه بتسحب رقم وكان الحضور مره متحمسين يبغون الهديه ههه وبعدين أختي تكلمت في المايك وقالت الحين العروسه بتسحب وسحبت رقم 20سبحان الله طلع نفس يوم ملكتي صدفه وجات صاحبه الرقم واخذت هديتها وهذي البنت كانت من برا القبيله وبعدين دقت المطربه وبعدين كان فيه مطويه كبيره مكتوب فيها شعر بأسمي وأسم زوجي رحت فتحتها وبرضه كانت فيها ورد ولمعه وحركات وهاذي كانت زفتي اما عن الكوشه كانت على على شكل قبه كبيره وفيها ورد موف على تفاحي طبعا على طول الممر فيه قبب مضيئه نفس اللون وعند المدخل فيه قبه كبيره نازل منها اوراق عشان الناس يكتبوت لي اهداءات وكمان فيه قبه جنبها نازل منها صحون فيها حلاوه هاذا عن الكوشه وترتيب الحفل اماعن االهدايا حقتي فجبت أربع بنات صغار ولبستهم فساتين عباره عن طبقات ولزقت فيهم بطايق مكتوب عليها شعر ترحيب بالضيوف ولزقت فوق البطاقه حلاوه وصار الفستان كله مليان بطايق وحلاوه والصدريه حقت الفستان كل وحده مكتوب عليه حرف من حروف اسمي وطبعا مشو الأربع على الجسر وقدامهم بنت اخوي اكبر منهم شويه معاه ابجوره تلف فيها صوري حقت الملكه وكانت الأغنيه اهديك حلاوه وسكر والمطربه حقتي كانت شجون صوتها حلو وناعم .ابغى ردودكم اشرايكم في زواجي وترا باقي شي كمان اذ تبغو اكمل قولوا واي خدمه اناجاهزه
43
8K
يلزم عليك تسجيل الدخول أولًا لكتابة تعليق.
الصفحة الأخيرة
باسالك مذهله قاعه او استراحه ....اذا انت من الرياض