الافلام الجنسيه

السلام عليكم ورحمة الله وبركاته
هذي اول مشاركه لي وانا سجلت لما مالقيت احد يجيب لي حل غيركم قلت بنات حواء ان شاء الله مايقصرون علي بحلولهم الي تشفي الخاطر
مشكلتي ان زوجي انسان ملتزم وخلوق ويكره يشوف الحريم غير المحارم والله لما تجي حرمه في التلفاز بيقلب ومايطالع فيها ............... وانا مبسوطه بهذا الحال لكن لاحظت عليه من فتره انه متغير يبعد عني يحاول يتجاهلني بأي طريقه يحب ينام لوحده يجلس على النت فتره طويله ودائم لما ينام لوحده يقوم يستحم....
انا قلت لازم اشوف وش القصه بس والله ماعمري تجسست عليه ولا بحثت في اغراضه احس اني واثقه فيه بس احاول اتكلم معاه واحسسه اني شاكه فيه بس عادي مايهتم ..........
وفي يوم من الايام جاءت الكارثه كان جالس عند النت لما دخلت عليه وعرف اني بجلس بجنبه بسرعه اغلق كل صفحات الي على سطح المكتب طبعا على جهاز الكمبيوتر قلت والله مااقوم من جنبه ولما جلست دق عليه واحد وخرج بسرعه من الشقه انا طفشت واول شئ سويته فتحت عالم حواء قلت باابحث فيه عن حل.. وانا حذفت شي وقلت بسترجعه من سلة المحذوفات ولما دخلت سلة المحذوفت وجدت الكارثه شفت مقاطع فيديو اظن انه لما دخلت عليه حذفها ونسي يفرغ سلة المحذوفات..
المقاطع مو مقاطع فيديو عاديه مقاطع فيديو جنسيه يعني مااقدر اقول والا اشرح شئ لما شفته قعدت ارجف ساعه مااقدرت املك اعصابي دارت الدنيا بي قلت انا في حلم والا علم رجعت للمنتدى بحثت عن حل مالقيت قلت من نفسي انا بفاتحه بالموضوع ومستحيل اسكت عن الموضوع انا احترت وش اقول وكيف افاتحه وفي النهايه قررت ارسل له رسالة جوال ولما راح الدوام كتبت لها انتبه لنفسك وخاف ربك في السر والعلانيه ودعيت له بدعوات دق علي قال وش المناسبه هذي الدعوات من الصباح ووش تقصدين برسالتك في شئ قلت لا مافي شئ قال طيب ....
ومن ذاك اليوم وانا حيرانه كيف اتناقش معه في هذا الموضوع مره قلت له ان في موضوع مهم لازم نتكلم فيه وهو يخص مستقبل العائله اهتم في ذاك الوقت قال قولي قلت لا بعدين ومن بعد ذاك اليوم الى هذا اليوم مافتح الموضوع وانا ابغى اشوركم يابنات حواء وش رايكم افاتحه في الموضوع والا مايصير افاتحه انا خائفه افاتحه واتناقش معه واندم ووش اقول له ووش الجو المناسب الله يدخلها الجنه ويسخر قلب زوجها ويحقق لها الي تبغاه الي ترد علي وتدلني على الحل الي يريحني تكفون والله طفشانه ومحتاره..............
واعذروني على الاخطاء الاملائيه وعدم تناسق الجمل لاني مستعجله