الاقارب المتسولين كيف تتعاملين معهم

قبل الهجوم


هدوء


استعيذو بالله


انا اطرح سؤال يخص مشكلة


لا اتقصد الاحتقار ولا التقليل من شان احد


×××××× الرجاء انتقاء الألفاظ اللائقة في حق أخواتكِ العضوات
تم الحذف.. الإشراف


اذا كان عندك أقارب يعرفون ان زوجك فلان الفلانى وربي فاتحها عليه وكل شوى يتصلون فيك
فلان يبي مساعدة عشان يشري بيت
وفلانة تبي مساعدة عشان تعالج وتسوى تلقيح صناعي في مدري أي عيادة
وهذي ناقصة خمسين ستين عشان مطلوبة في دين
ناس تطلع لك من القبر تسلم عليك تطلبك فلوس ثم تدخل في قبرها مرة ثانية
اذا جتك حالة ما تبين تردين عا المكالمات
و اذا خلاص صرتى تعرفين ان أي أي زيارة وراها طلب
واذا تجاهلتيهم بالوتس وطلعو لك بارقام جديدة
وخربت اخلاقك و جا لك شعور بالتقزز مو كبر بس خلاص enough is enough
لكنك تخافين من قطيعه الرحم
يجيني شعور بداخلي ودي اقولهم بجد مو ذنبي اذا انتى جايبة 99 بزر وتشحذين بهم
خلاص عارفة دخلك محدود رتبي حياتك توظفي انتشلي نفسك
مو ذنبي اذا زوجك فقير خل يشتغل دوامين
مو ذنبي اذا انتى تبين تجلسين بالبيت تتكاثرين ولا تبين تسوين أي شي يغير حياتك
مو ذنبي اذا انت مديون
اقرفتوني في عيشتي
فية نوع تساعدة صلة ورحمة فجاءة يطيح بكل ثقلة على قلبك
اذا ساعدته بسداد ايجار بيته يتوقع منك كل سنة تدفعه عنه
اذا عطيت هذي عشان مصاريف عيد او مدرسة او غيرة تتوقع منك انى ملزومة فيه كل مرة وكل عيد وكل موسم
ولا ينفع التصريف بادب وذوق
الجهد الي تحطة الوحدة بالشحاذة حطية بشغل بدوام بوظيفة بطبخ
سنة ورا سنة نفس السيناريو
الشحاذه صارت مهنة واستغلال رحمة وشفقة قريبك لك وحبة للصلة ما يعطك الحق كل ما شفته تفتح فمك تنتظر يحط به الاكل
اقل وظيفة راتبها 5000 انشالله كاشير
اليد العليا خير ن اليد السفلى صحيح
لكن انت بعد لك يدين
تحرك دور على رزقك
والله العظيم ان عندنا عائلة يعلمون أولادهم الشحاذه وحياتهم كلها قايمة على التشحذ
انا ما اعنى انهم يشحذون بالشوارع لكن الشحذ بطريقة مختلفة في كل مجلس
هذي تسحبك عندى موضوع خاص وتجى اختها تسحبك بعدها عندى موضوع خاص
وبالنهاية كل الموضوعين عطينا فلوس
طب بدل ما انتم تلفون من عزيمة لعزيمة ومن مجلس لمجلس
ومن حرمة لحرمة
توظفو واحشمو أنفسكم مرررررررررررررة شي مزعج