ههههههههههه شكلك من توعيتهم . صادقة صاحبة الموضوع وما ألومها . الواحد واجب إنه يتصدق ويعطي لكن مو على طول خييييييير كل إنسان مهما كانت ثروته وراه التزامات ومسؤوليات ويجيك واحد متسدح متبطح كسول ويشحذ . ايه شحاذة وش تسمينها . واستثني تماما أصحاب الظروف الصعبة اللي يطلبون ويردون الفلوس ماتطول عندهم . لكن اللي يتسلف ويطنش ذا شحاااااااذ وستين شحاذ ومايستحي وكمان اللي دائما يطلب ويطرح وجهه عند الناس

انتي بذكاءك اعرفي الصادق بس صدقيني تصعب عليك
مدري شقولك
تدرين فيه حديث فيما معناه الله في عون العبد ماكان فعون اخيه
وتراك قلتي يتوظفون بس ببعلمك الوظيفه مب بالسهوله ساعديهم بوظيفه اذا تقدرين ربي يسعدك منها تفتكين من شحذتهم ومنها تساعدينهم
شي صراحه يطفش مالومك الله يعينك لا عاد تردين على احد اذا حياتك بتنقلب جحيم اف شي يطفش طفشت وانا اقرا ردك كيف انتي
الله لا يحوجهم لك ولا يحوجك لاحد
الله يغني كل من فضله٦

وش هالاقارب اللي عندك ممكن نصدق واحد اثنين يكونو زي ماذكرتي بس كل اقاربك كذا وعايشين عالشحاذه منك كثير عالم بطرانه وعندهم اقارب حالتهم متوسطه او اقل ومانشوف اقاربهم يشحذوهم بهالطريقه بالعكس الاغلب يظغط على نفسه بقروض وديون عشان مايبان قدام اقاربه البطرانين اقل منهم صراحه ماقدرت اتخيل السيناريو اللي ذكرتيه
اللي تعرفي انه فعلا محتاج لاتقصري معه الاقربون اولى بالمعروف وخير الناس عند الله من تقضى على يديه حوائج الناس ولكن لاتبطلو صدقاتكم بالمن والاذى واذا تبغي الاجر على صدقتك فأحرصي ان لاتعلم شمالك ماقدمت يمينك اما اذا بتعطي وتتصدقي وتمشي وتحكي بالموضوع بالمجالس وبالمنتديات فمالك من صدقاتك الا الخساير

ذكرتيني بناس يبطون جبدي ماأحبهم ويحبون الطراره بطريقه مباشره وغير مباشره
الحمدلله الذي عافانا بما ابتلاهم به

من كلامك فهمت ان الأقارب اللي يتواصلون معاك ويطلبونك مساعدات ماديه من جهتك مو من جهة زوجك بإختصار ماراح اكرر كلام قالوه الأخوات من ناحية فعل الخير او مساعدة الأقربون او او او
الثروه اللي يطلبونك تصرفين عليهم منها ثروة زوجك
والنفوذ اللي يحاولون يستخدمونه حتى يصلون للي يبون ايضاً نفوذ زوجك
انتي فقط مجرد وسيط له خاطر
بالتالي المطلوب منك اولاً
عدم تحقير حالهم لانك ماتضمنين الدنيا
عدم السخريه من انعدام تقدير الذات عندهم لأن لكل انسان ظروفه
وعدم الإستهانه بمعاناتهم لأن يمكن انتي بالنسبه لهم طوق نجاة وفي اعتقادهم زواجك من هذا الشخص ممكن يحل مشاكلهم ايضاً
المطلوب بما انك لاتملكين من الأمر شيئاً اولاً تتعاملين مع الأمر كإنسانه راقيه لاني لاحظت انك بسيطه نوعا ما او ذكائك العاطفي منخفض وهذا سبب انفعالك وفقدك للسيطرة لما اصبحتي في موقع قوة بالتالي ابي منك التالي تسمعين الطلب وتنهينه ب إن شاء الله اشوف ابو فلان وانتهينا
وتجاهلي الموضوع كانه ماصار
ولاتحرقين اعصابك وتتوترين
عادي جداً
واذا فعلاً زي ماذكرتي طلبات ماتنتهي وبأعداد رهيبه مع اني فعلاً مستغربه لان الدوله فعلاً تكفلت بأغلب احتياجات المواطن الا اذا زوجك في الديوان وله نفوذ في البلاط الملكي واقاربك يطلبون من باب الرفاهيه والطمع فهذا شيء آخر واشدد على الذوق وكلمة إن شاء الله في النهاية وانهي الحديث معهم وافتحي موضوع آخر وغيري مجرى الحوار