الاقارب وماادراك مالاقارب

يابنلت بستشسركم لموضوع
الخلاصه
انا كنت فقيرة منتفه
وكنت ابيع عطور على النت ومكياج
بس دخلها ضعيف
واشتغلت في الاسهم اطقطق فيها مرة مكسب ومرة خسارة
وجمعت لي كم قرش
والحمد لله تحسنت احوالي للافضل
طبعا كل اقاربنا عرفو ان اوضاعي تحسنت وكذا
وصارو يبغون يتواصلون معي
على اساس صله رحم ومحبه
اول ماكان حد يطالع بوجهي
والحين
يعزموني ويلزمون علي ازورهم رغم اني ماحب الزيارات كثير بس اضغط على نفسي
وبعدما اتعنى لهم
يجيبون القهوة والشاهي ويقعدون يلفون ويدورون
انتي وش تشتغلين
ويحاولون يعرفون اسرار شغلي
لدرجه القعدة كلها تنقلب استجواب وتحقيق مو زيارة
ويبون يشتغلون معي واشتغل لهم واعطيهم المكاسب
رغم ان الله منعم عليهم بعضهم مدرسات رواتبهم فوق٢٥ الف
طبعا بعدها اكتشف ان هالعزيمه مو لوجه الله
لدرجه يحاولون يسحبون اختي الاصغر مني بالكلام
وش تشتغلون وش تسوون
وقبل شهر بنت عمي الكبيرة بسن امي هي
متصله علي
قالت تجوني المدينه تقعدون كم يوم والله لو ماجيتو لازعل وووو
حاولت اصرفها ماقدرت
اصرت علي مرة
انا احسب مودة ومحبه
واتعنى واسافر لها
وبعد الضيافه و و
اخذتني لغرفتها وتسالني
انتي وش تشتغلين؟
وتطلعلي شنطه مليانه اكسسوارات واحرجتني لين اشتريت منها
تخيلو خاتم مايسوى ٣٠ريال ب٢٠٠
اضطريت اخذه مجامله عشان لاتزعل
وحسيتها زعلت
تبغاني اشتري اكثر تحسبني قاعده علا بنك
اسعارهاخياليه خواتم وسلاسل من ٤٠٠ و
٥٠٠
لان بعدها قامت وجت اختها الاكبر تقول اطلعو من الغرفه خلاص الحرمه بتنام
كان معي بالغرفه بنات من الاقارب
رغم اني من اول ابغا اخرج من الغرفه ورفضت
ويوم ماشريت الا ب٢٠٠ زعلت حسيت
المهم اليوم الثاني
بعدها جابتلي شنطتين مليانه صابون واكسسوارات تقول ابغاك تبيعينهالي وتعطيني الارباح
حاولت اصرفها ماقدرت
قلت طيب اعطيني كم حبه ان مشت طلبت الباقي منك
قالت لالا خذيها كلها
ونشبت في حلقي
يعني مسافرة ومتعنيه لك ازورك وتطلع مصالح
وانا موفاضيه اصلا لهالسوالف تعبانه وعندي مسؤوليات
ويوم جينا مسافرين
والا توصي الشغاله
يلا طلعي الشنط حقت المنتجات لاينسونها
وسافرت ورجعت بيتنا وثاني يوم تكلمني تقول حبيت اتطمن عليك وعلا فكرة باقي٣ علب زيت حشيش نسيتي تاخذينها
المهم انا انصدمت وطفشت من الناس
يوم كنت ميته جوع ماسالو عني
ويوم صار معي كم قرش كلا يبي يتمصلح ويظنوني غبيه
رغم انهم مدرسات ورواتب ضخمه واولادهم متوظفين
وماعليهم قاصر
وحاسديني علا هالقرشين
ذقت المر لين جمعتها وكلها ماتجي ١٠٠ الف
وش رايكم باللي قلته
وكيف اتصرف مع الناس الي حولي
كلهم كذا ☹
وانا ودي بصلة الارحام والاقارب واجتمع مع الناس

لان ماعندي صديقات ولاشي

بس طفشت من محاولة الاستغلال والاستغفال