الاقي كلامي اللي بالواتس مصور الشاشه ومنزلته بالانستقرام

السلام عليكم
السالفه اليوم عن اخت زوجي صراحه هذي الادميه غريبه 
دايم تجيني بالواتس تسليني سوالف والمبادره تجي منها بنت الحلال 
دايم تتشكى لي وترتاح لي وانا اعطيها جوها واسمع لها قرر زوجي يسافر فينا وقالي بنسافر بس مابي تعلمين احد خصوصا اختي قلت وش معنى قال خوفي اهلي يدبسونها فينا وتروح معنا وانا ذا المره ابي الحالنا نسيتي اخر سفره عرض الوالد ناخذها معنا مالي خلق زيادة مسؤليه 
قلت له ابشر بس البنت صعبه اسولف معها يوميا وفجئه اسافر وماتدري قال قبل السفره بيوم علميها عادي بس قبلها بأسبوع ليش تدري !!مالها داعي وحتى اهلي كلهم ماراح اخبرهم الا قبلها بساعات 
المهم البنت بالواتس توريني مقاضيها حقت الجامعه بالصور وترسلي كل يوميتها ومره متعلقه فيني حتى لبسها تشاورني اذا حلو ولالا يعني مررره معاي 
مرت الايام وبقي على سفرتنا يوم 
قلتلها انه بنروح يومين الشرقيه بكرا قبل شوي اخوك قالي ادعيلي ناصل بالسلامه ولايزعجوني الاطفال
البنت ماردت ولاشي وطنشتني
كبرت عقلي وخليتها
جت اليوم في قروب لنا حنا السلفات وتكتب بيت شعر في كل وحده فيهم وانا اكبر طناش ههههه 
وادخل اقول وش هاالدلع والولع حركات طنشت وقالت السلفاتي بكرا تعالو مشتاقتلكم 
رحت لها خاص قلت لها عسى ماشر يافلانه يومين قاطعتني  واقولك بسافر ماتردين ولا تقولين تاصلين بالسلامه عسى ماشر لايكون سويت شي ونا مدري قالت مافيه شي عادي يالله انا مشغوله  مع السلامه
وراحت 
طنشتها وقلت السالفه الزوجي وقالي كبري عقلك تلاقينها مقهوره ليش مارحت معنا تعودت بعد ماخذناها المره اللي فاتت كبري عقلك واستانسي 
طنشت وكبرت الوساده وقلت كيفها يمكن انا حساسه شوي
بعدها جلست اتصفح الانستقرام 
الاقي كلامي مصورته ومنزلته 
المشكله ردودها حاذفتها 
كلامي كان عباره
وينك يافلانه انتي زعلانه من شي يومين مانشوفك
ردت عادي مافيه شي (ردها هذا حاذفته)
لا فيك شي بسرعه قولي شفيييه ؟؟
والله مافيه شي(وردها هذا حاذفته)
اجل يومين يالقاطعه ماتشوفك 
انشغلت شوي(ردها هذا حاذفته)
وطلع الكلام كني اترجها وهي مطنشتني لان ردودها حاذفتها
مدري ليش الحركات هذي ندمت اني سألتها ليتني مطنشتها خوفي تدور على سلفاتي وتوريهم كلامي وتقول شوفو تترجاني ومطنشتها 
يطلع وضعي عند سلفاتي غلط ياخزياه 
غير كذا البنت كم مره اسافر تدعيلي بالسلامه ندري ليش ذا المره حاسدتني على سفرتي هذي 
ليش الزعل الغير مبرر وكاتبه تحت الصوره اللي نزلتها بالانستقرام مهما صنع بك خصمك لاتجعله يسرق منك الفرحه 
وش قصتها ذا البنت !!!
طبعا البنت حاطه كلامي اللي بالواتس بالانستقرام بس الاسم مو طالع يعني محد يدري انها انا 
كيف اتصرف معها اكلمها بخصوص الصوره ولا اطنشها ولا كيف وليش هي تصرفت كذا وش وضعها بالضبط