الاكاديمية العربية للتوحد

ويقولوا اذا شافوا الطفل مو توحدي ولكن عنده صعوبات
يبدون يدربونه المتخصصات في التدخل المبكر

للأسف هذه اسعار المراكز حقت التوحد :(

ياليت اذا رحتي لها تعطينا فكره عنها الله يعطيك العافية...

والله شكل الاكاديمية ممتازة
وشفت ولد متماثل للشفاء اللهم لك الحمد
كان طيف توحد والحين زالت اغلب السمات

لكن سعرها 35 الف بالسنه صعععععبة

ياليت اي وحدة سمعت عن هالاكاديمية من قريب او بعيد
او شافت احد يروح لها تعطيني اي خبر

اذا فعلا تستحق الشكوى لله ندبر المبلغ يمين ويسار
ربي بيفرجها

بالتوفيق ان شاءالله
بس اختي انت لو بتودينها مركز للتخاطب و تعديل السلوك الجلسة الوحدة سعرها مبالغ فيه
مثل بنتي بالجلسة الوحدة 200 ريال ومدتها 45 دقيقة بالاضافة انك لازم تدمجينها مع اطفال يعني لازم تدخل روضة
وانت عارفة اسعار الر وضات يعني احسبيها بالسنه كم تطلع؟؟؟؟

بس اختي انتبهي اذا بنتك تقلد الاطفال و حالتها ماهي صعبة كثير الافضل انك ماتدخلينها بمراكز توحد
لانها راح تاخذ من تصرفاتهم الا اذا زي ماقلتي ان الحالات المتشابهة هم الي يحطوهم مع بعض

اي انا قالوا لي ان عندهم فصول اطفال صاروا طبيعيين ومشكلتهم بسيطة
بس محتاجين تدخل مبكر
ومستحيل يدمجون اللي يرفرف مع اللي مايرفرف
او اللي يدور مع اللي مايدور
لا اللي صفاتهم تتشابه سوا
وكلهم 4 اطفال فقط بالفصل الواحد
وعليهم معلمتين هالاربع اطفال

وفيه 4 مدري 5 اخصائيات تخاطب بالمركز

يعني المركز
يدربهم
و يسوي لهم برامج تعديل سلوك
و يعطيهم جلسات تخاطب
لحد ما الطفل يتعود ع ( الاستقلالية )
يتكلم ويعبر عن نفسه و ياكل نفسه و يلبس من حاله
طبعا المدة كل طفل قدراته غير الثاني


انا صراحة من كلامهم ارتحت
بس ولو ابغى تجارب
وبصبر لين استخير و اسوي كم تدريب للبنت في البيت و ادرسها انا

وبعدها اقرر

يارب قد ما احتار عقلي انك تلهمني للطريق الصحيح لتربية بنتي

بالاول و الاخير مالي غير الدعاء

ياااارب اشف اطفالنا وافتح على عقولهم بكل خير
و اطلق السنتهم و اشف جنانهم