الاكتفاء الذاتي من الصديقات والجماعة

بنات ماشاءالله ربي عطاني حب لذاتي
واكتفاااااء من الناس بشكل كبير
صايره انبسط بجلستي لحالي ومع عيالي
ماشاءالله يومي يخلص وانا لسا ما كملت استمتاع ووناسه وانام بدري واصحى بدري مروقه وزي العسل

اطلع المول مع عيالي لحالنا مع زوجي ونتونس
اروح معهم الحديقه لحالنا وانبسط

كثيرات يعزموني واعتذر
كثيرات يتصلون يبون زيارتي في بيتي واعتذر
جاراتي ما صرت اروح لهم ولا ابيهم يجوني

القاسم المشترك فيهم كلهم 👆🏻👆🏻👆🏻 الغيبه والنميمه ونقل الكلام والحش
( احياناً صراحه مو دايم )

بس اتواصل مع اهلي بشكل اسبوعي

الحمدلله مشغوله بنفسي
سويت لي روتين لنفسي وبيتي وعيالي ولزوجي
حتى سويت جلسه خاصه للمسلسلات والافلام وكذلك لقراءة القرآن
يومي يخلص بسرعه وبكامل سعادتي


ما الاحق فلانه
وايش صار مع علانه
فلانه سحبت علي
فلانه زارت علانه وماعزمتني
وكلام كثير وكلكم تعرفوه

الي يقهر ان جاني كلام
يقولون صابتني نفسيه او مسحوره
وسبحان الله الناس الي احاول انشغل بنفسي عنهم هم يجوني لحد الواتساب والكل يقول فيني شي !


الشي الوحيد الي شلت همه
كيف بكرا اخطب لاولادي وانا معتزله الناس ؟
شلت هم صراحه
ماودي ارجع للجمعات والزيارات اقسم بالله مقززه وصرت اترفع عن الناس ولا ابيهم


اي وحده كبيرة سن ومزوجه عيالك جربي عيشي لنفسك ولو شهر كاااامل لحالك
حتشوفين كيف كنتي ظالمه نفسك

ياجماعه توها عمتي كبيره بالعمره بالستين زعلانه لان جارتها عزمت حريم الحي كلهم الا هي !
معقول تزعل او تهتم
معقول السعادة في الناس ومجالستهم

وكمان عمل زوجي نقلوه لمدينة صغييييره ومافيها خدمات كويسه ولا معروفه من الاساس في المملكة يعني لو رحت كأني مغتربة ١٠٠٪؜ ومره انبسطت حسيت براحه كبيره وسعيده وزوجي متنكد وزعلان  

انتو وش رايكم ؟