جربي زيت اركان مره ممتاز بس دوري الاصلي

اولا السلام عليكم ورحمة الله وبركاته

انا مدري وش خلاني افتح هالقسم ووالله اول مرة افتح هالقسم

وع طول طاحت عيني ع موضوعك

شوفي حبيبتي انا مثلك بالزبط بس زود لي 21 سنة اعاني منها

كل مرة بمكان بايديني باصابعي في ذراعي واللحين فوق شفاتي

مابقيت علاج ماحطيته ولا زيوت ولا مراهم تعببت

حتى استحي اطلع قدام الناس لانه فوق شفاتي / مثل الشنب / > ع قولة اخواني ي شنب

وبداية رمضان كعادتي ادور ع علاج مثل كل سنة مثل كل مرة مثل كل اسبوع

الين طحت لك ع ذاك الموضوع

القطران لعلاج الصدفية : ويقولون فيه احتمال للاكزيميا بس باقي م اثبتوه

توكلت ع ربي واخذت من القطران اغطس عود الاذن بالقطران

وادهن فوق المكان بس قبله اغسل المكان كوويس وانظفه واذا فيه جروح

اقفلها بفازلين وسكر > من اختراعي بس هاذي اسرع طريقة لاغلاق جروح الاكزيما

المهم وع ذا الحال يمكن من 5 او 4 / رمضان لين اللحين وانا استخدمها واقسم بالله خففت بشكل مو طبيعي

اختي وزوجة اخوي يقولوا والله انها ماعادت واضحة : " وقبل كانت سودا الي يشوفه من بعيد يقول شنب

علما انها فوق شفاتي لها 5 سنوات من انا 3 متوسط وانا اللحين 3 كلية ايام المتوسط كنت اهملها عشان كذا زادت

الثانوي والجامعة كنت ادهنها فازلين لين صار مكان الحساسية اسوددد تعرفين اش معنى اسود اسود

اللحين الي يشوفني حلويت كثير اللهم لك الحمد رااحت الكل يقول راحت بس انا باقي احس بالجفاف عشان كذا مستمرة
عليه لين ماعاد احس بجفاف


باقول ع اشيا وخليها في بالك ولا تنسيها والخص لك الموضوع بنقاط

1: الفازليييييين اشتري لك العلب الصغيرة وخليها بشنطتك الي دايم معاك فوق تسريحتك عند سريرك في كل مكان انتي فيه ( فازلين بدون اي شي مكتوب عليه نقي ويكون الاصلي ) كل ماحسيتي انها جافة ع طول ادهنيها ابداا لا تخليها تججف ابدداا

2: وحدة من علب الفازلين الصغيرة طلعي الفازلين الي فيها وحطيه بقدر صغير ع نار مرة هادية واول ماتشوفي الفازلين
سااح حطي ملعقة صغيرة كركم جسم وطفي النار واقعدي اخلطي الفازلين مع الكركم لين يتجانسون بعدين صبيه بالعلبة
وحطيه بغرفة شبه باردة وخليه لين يتماسك مع بعضه ( انا حطيته بالثلاجة ربع ساعه بعدين طلعته )

3: اشتري من العطار القطران النباتي < للعلم في الموضوع الي قريته قالوا احط قطران فحم حجري بس ماكان عندي واستخدمت النباتي وكاان نتيجته اسرع من القطران الحجري < القطران الحجري يعالج في شهرين او 3 بس القطران النباتي الي انا
استخدمه ماكملت شهر والنتييجة واااااوو

نجي للطريقة
1: اغسلي مكان الاكزيميا بمويا دافيه وحاولي وانتي تغسلينها تفركينها بخفيف بشكل دائري عشان تنظف زين

2- اذا شفتي فيه تشقاقات وجروح بعد الغسل ع طول روحي حطي طبقة فازلين سميكة شوي ع كل المكان وبعدين خذي سكر مطحون وانثريه ع الفازلين ( مكان الاكزيميا ) واقعدي حوالي دقيقتين او 3 وبعدين افركي المكان بشكل دائري
بخفيف افركيه لين تحسين ان السكر دخل بالفازلين وبعدها خليه لين تحسين فيه قطرات مثل المويا مكان الفرك
برضوا دقيقتين بعدين اغسليه وسويها 5 او 6 مرات باليوم لين تحسين ان الجروح تقفلت بعدين ابدئي بالخطوة الي بعد ذي

3: بعد ماتتقفل الجروح خذي شوي فازلين واحطيه فوق المكان بس شوي بعدين خذي عود الاذن وغطسيه بالقطران
وامسحيه فوق المكان اول م تحطيه بيلسسسسعك بس تحملي حاولي تمشين تدخلين مكان بارد الهي نفسك اللسعة بس دقيقة
وبعدين عادي بعدين خليه ساعة ( او الين تحسين المنطقة صارت جافة حطي فازلين خفيف وساعتين او ساعتين ونص
واغسلي المكان كويس وادهنيه بفازلين ) < مرتيين بس باليوم القطران

4: نجي للسمار الي سببه الاكزيما وقت ماتنامين وخلاص انتي ع سريرك واللمبة طافية < اللمبة ططططافية
خذي الفازلين الي فيه كركم وحطي طبقة ع كل الاماكن وغطيها بنايلون ونامي اول ماتصحين اغسليه
بتلاحظين ان المنطقة بدأت تفتح كثييير مع الاستمرررار
اجي للنقطة الي تحطيه واللمبة طافيه الفازلين والكركم اذا حطيتيه واللمبة شغالة يعني في مصدر ضوء
ماراح يستفيد المكان من التفتيح

5: كل اسبوع او اسبوع ونص سوي لها تقشير بصنفرة المشمش المشهورة وترا الاكزيميا ماتتحسس منها

القطران لازم يكون سايل مثل المويا ( انتبهي اذا اشتريته انتبهي يكون سايل مايكون خام ثقييل )

استخدميها لايدينك وفوق الشفة اما العين م اقدر اقول لك ايه لان العين خطيرة واخاف ياذيها القطراان

اخييرا انا اول مرة ادلي بمعلومتي لاحد ووالله ان كل شي كتبته ماكذبت فيه
انا عانيييت كثيراا مع الحساسية ومابي احد يجرب الي جربته بعد مالقيت العلاج
< ك وجهه الناس ونظراتهم ووحدة تقول لي عبالي انها وصاخه > تقصد الحساسية
والله كثير جرحوني بس هذا امر ربي وابتلاءه وانا راضيه فيه ولله الحمد
اللحين اششكر ربي انه شفاني وماكان شفائي الا بتوفيق من الله ثم هذا العلاج

دخلت عن طريق الجوال ويوم شفت موضوعك ع طول دورت ع الاب توب
ودخلت خصيصا لك والله

ولاتنسيني من دعووواتك بعد الشفاء

واول ماتتعافين بشريني عن طريق مموضوعك هذا

الله يسعدك يارب

واعتذر ع الاطالة

الله يشفيك ويعافيك كان عندي بنتين يعانون منها واستخدمت لهم كريم ام حسن كريم يشبه الفازلين واللهم لك الحمد راحت من بنتي الصغيره كانت بوجهاا ومشوهتها ودايم وجهها مليان دم لانها تحكها لكن بفضل الله ارتحت بعد هالكريم مع الاستمرار عليه ب انتظام والحين مافيها شي اللهم لك الحمد وبنتي الثانيه كانت برجلها واستخدمته وراحت كم سنه والحين راجعه بس اخف من قبل واذا شفتها رجعت استخدم نفس الكريم والحمدلله تتحسن الحرمه اللي تبيعه بالمدينه المنوره

**حكيمه الفهيمه
الله يعطيك العافيه

**أنين الصمت
جزاك الله خير
الله يوفقك ي شيخه وين ما تروحي
ردك ريحني وأدني أمل أنها تروح لانو عارفه
الدكاترة يقولو مالها شئ يشيلها بس يخففها
بإذن الله أجربو قريب

**ليان
أمييين يارب
الله يسعدك
معالجه شعبيه أم حسن ؟؟
ياليت ترسلي رقمها وعنوانها

ويجزاك ي بعدي

ايه كل الدكاترة يقولوا مالها علاج بس تخفيف للحكة لانهم ما يٲمنو بالطب الشعبي

وترا اغلب المراهم والادوية الي تنباع بالصيدليات كلها للتخفيف

وانا جربت اشياء كثييرة تخففها مثل الزيوت والمراهم والغسولات والكريمات الكثيفة

بس كلها وقت تخفيف ماتتعالجي

بس علاج ماقد لقيت الا هذا وجربته ولله الحمد

طبعا انا مستمرة عليه لين اللحين والله النتيجة اليوم خيالية بششرة نفس بشرتي الاولﯽ

والله لدرجة مو مصدقة كل شوي المسسها

الله يعافيك

ولا تنسيني من دعواتك يالغالية