Angel^ ^ Eyes :

اول شئ أسأل الله العظيم رب العرش العظيم أن يشفيكِ وجميع مرضى المسلمين .. اللهم آمين ثانيا جزى الله خير كل البنات على مساعدتهم لكن من قراءتي للردود استشفيت نوع الاكزيما عند كل وحده وطبعا كل نوع له علاج ممكن يجيب العيد في النوع الآخر!! شوفي ياقلبي الاكزيما نوعين لاثالث لهما .. يا اما جافه او رطبه طيب كيف أميز الاكزيما الجافه من الرطبه؟ الجافه: يصاحبها جفاف فضيع وجلد شبه متصلب ومتقشر والحكه تكون ناتجه من الجفاف.. الرطبه: يصاحبها احمرار وأحيانا انتفاخ وظهور افرازات سائله شفافه في الحالات الخفيفه ومائله للإصفرار في الحالات المتطوره اللي فيها التهاب مزمن.. طيب ايش العلاج في كلا الحالتين؟ بالنسبة للاكزيما الجافه علاجها الترطيب المستمر يعني كل ماغسلتي يدك رطبي بالكريم كل ماتحممتي رطبي باللوشن خلي الترطيب سلاحك لحماية جلدك من الاكزيما ومع الوقت يرجع جلدك سليم وبشرتك تحلو وأفضل المرطبات هي الزيوت زي زيت الزيتون (وحبذا لو تقرأي فيه الفاتحه 7 مرات وآية الكرسي وأواخر سورة البقرة والمعوذات 3 مرات وتنفثي فيه) وكمان استعملي زبدة الشيا الخاااام لأنها روعه في علاج الاكزيما اخلطيها مع زيت الزيتون ورطبي يدك فيها وممكن تستعملي كريمات زبدة الشيا ورح أذكرها في نهاية الرد. اما الاكزيما الرطبه فعلاجها العكس جففيها بس مو معناته تخليها جلد ضب لأ جففيها بالغسولات الطبيعيه زي الماء المضاف له أملاح البحر الميت وتلاقيها في كل الصيدليات أو الحنه زي ماقالت احدى الاخوات .. حطي حنه باستمرار والافضل هو السدر المطحون لأني جربته ليدي زي الصابون (ينظف + يقشر بلطف + يوحد لون اليد + يجفف الاكزيما الرطبه + ممتاز لو كان سبب الاكزيما عين حاسده) وبعد غسل اليد رطبيها بكريم (خالي من العطور) زي كريم سيتافيل او كريمات زبدة الشيا. وبالنسبة للعلاج المشترك في الحالتين هو الابتعاد عن كل مسببات التحسس ومهيجات الاكزيما زي استعمال مواد التنظيف الكيميائيه بدون قفازات او تقطيع اللحوم والخضروات بدون قفازات او تنظيف المفارش ونفض الاتربه عنها << الغبار يهيج الاكزيما او ارتداء الملابس او الشراريب الصوف << الصوف يهيج الاكزيما او تناول مهيجات الحساسيه زي الموز والفراوله والمنجا والبيض والشوكولاته وبعض انواع القمح او المأكولات البحريه زي السمك والجمبري وغيره من مهيجات الحساسيه... وحاولي تراقبي أكلك مزبوط وتشوفي ايش أكلتي في اليوم اللي اتهيجت فيه الاكزيما وتتجنبي هذه المأكولات قد ماتقدري لأن الاكزيما ترجع بمجرد رجوع مسبباتها الاساسيه فحاولي تهتمي فيها ولاتهمليها أبدا. أما بخصوص تجربتي كانت الاكزيما عندي في يدي رطبه ولما تتهيج اشوفها بعيني تنتفخ ويتشقق الجلد ويطلع منه سائل شفاف زي الشيره والله كل هذا قدامي لدرجة مره صورت الحاله وكنت عارفه انها عين والكل قال هذه عين لأنه دايما يجو ناس ما أعرفهم سواء في الكليه او حتى في المشاغل ويسألوني بفجعه ايش أستعمل ليدي وأظافري.. طبعا بطلت اغسل يدي بالصابون واستبدلته بالسدر وكان رووووعه يسوي سكرب خفييف لليد ويرغي زي الصابون بس عيبه يخلي الاظافر صفراء واستعماله لأكثر من شهر يطلع في اليد شعر :frown: استمريت عليه اسبوعين وكنت استعمل انواااااع الكريمات ليدي بس ركزت على زبدة الشيا لأنها تعالج الاكزيما.. كريم سيتافيل سعره حدود 77 ريال موجود في كل الصيدليات كان ممتاز ويرطب بس ماتمتصه البشرة وتجلس زي الطبقه مجرد ماتتبل يدك تحسي يتزحلق مدري كيف لكنه ممتاز كريم لينو بزبدة الشيا سعره 65 ريال من صيدلية العنايه بالجلد وتلاقيه في الصيدليات التابعه للعيادات الكبيره زي ادمه .. خالي من البارابين اللي خايفين منه البنات ورااااااااااااائع للترطيب لكن مع الوقت حسيت يدي صارت تعرق معاه مدري ليه فخليته للاستعمال قبل النوم يعني مره وحده لوشن لينو المغذي بزيت الزيتون سعره 149 ريال برضو من صيدلية العنايه بالجلد وموجود في صيدليات العيادات الكبرى .. آآآآخ لسع يدي تلسيع في البدايه لكن وقفته فترة ورجعت أستعمله لجسمي وكان فوق الروعه يرطب من قلب كريم فرنسي بزبدة الشيا اشتريته من صيدلية دان بـ21 ريال ريحته حلوه والحمدلله ماحسس يدي وترطيبه جيد وأستعمله بعد كل غسله ليدي كريم نيفيا للأيدي الجافه مع زيت بذور الماكاداميا من هايبر بنده تقريبا في العشرينات او اقل مافتكر لكنه تاج راسهم كلهم يجننننن يرطب ويبرد اليد تحسي يدك مرتاحه معاه وهوه المعتمد عندي الان واحطه مليون مره في اليوم وأي سؤال ياعسل انا حاضره

اول شئ أسأل الله العظيم رب العرش العظيم أن يشفيكِ وجميع مرضى المسلمين .. اللهم آمين ثانيا جزى...