الله يشفيك ياحبي ويعافيك
ابغى اقوللك شوية اشياء
الان المثل يقول اسأل مجرب ولا تسأل طبيب
طيب انا طالبة طب ومريضة اكزيما من 19 سنة
باقوللك وش صار معاي وش اللي ساعدني بالزبط
اولا بول الابل ...جربته اسبوع الحق يقال مانفعني لاكني احسه صفى بشرتي شوي
موية البحر الميت انحرقت ...يعني حرق حقيقي مش المتني لا من بعدها انتقلت لمرحلة اصعب من الاكزيما
المره احرقتني وصار عندي تجاعيد حول فمي من الحرق
طيب زبدة الكلام اللي ح يفيدك
مريض الاكزيما عندو خلل ف تركيب الطبقات السطحية من الجلد...هذا الشي ح يخلي الجلد يبخر الموية على طول
ف يصير عندك تشققات ...التشققات تعرض جلدك للهوا ف يتعرض للبكتريا والفطريات وغيرو...يحكك ويسوي سواد وتنعدم ملابسك دم وتنعدم نفسيتك ثقتك بنفسك
I've been through all that
اذا تبغي تخففي الاكزيما لازم نشتغل ع الخطوات اللي فوق كلها تقريبا
بداية التنظيف ...بأشياء التنظيف الطبية اللي بدون صابون وهيا غالية شوي
او صابون دوف القالب ...او ديتول للبشرة الحساسة ذي اكثر اشياء ناسبتني
بعدين ياعمري الشور يوميا او يوم بعد يوم...الموية تكون دافية تميل للبارده..الحارة ح تتعبك والباردة برضو ح تتعبك
التجفيف بمنشفة مصنوعة من مواد طبيعية ...مو فرك..لا تربيت
وتسيبي شوية موية ف جسمك
بعيدين تخلطي بيدك كريم مرطب مع كريم اكزيما وتحطيه على جلدك وتفركي شويا بس...
عندك للترطيب افالون الاورنج كريم ترطيب لليدين وينفع للجسم هذا يوصفوه لي مستشفى العسكري مرا حلو
وعندك الفازلين بس احسه مايناسبني شخصيا...او اي كريم طبي
يعني مثلا دوف نيفيا هالاشكال ابعدي عنها جدا....خوذي من الاشياء اللي عند الصيدلي..الجلسريد يناسب اغلب الناس
بعدين كريمات الاكزيما اخر واحد متطور اليديل وهوا غالي شوي....والثاني اليكا برضو فنان بالذات للحساسية اللي في الوجه
بعين ياعمري السكربات ...والحمام المغربي والاشكال ذي ماتناسبك
البقع احسن شي تنتظريها او...تجيبي كريم افالون افوكين 4% ..وتدهني مرتين في اليوم...بس بليز اتأكدي انو الحساسية اختفت قبل ماتستخدميه
لانو م ح تستفيدي شي اذا عالجتي البقع وطلعت ليكي حساسية ثانية وحاس جسمك ثاني
الخطوه اللي لازم تعيديها ع الاقل مرتين في اليوم اللي هيا الترطيب....هذي صحتك لاتبخلي عليها بعشر دقايق في اليوم
الان فيه حبوب تهدي الحساسية بدون ماتنوم واثارها الجانبية ع المدى البعيد ضعيفة....عندك كلارا والثاني زيزال..حبة في اليوم
ميزة الاثنين انو ماتنعسك ولاتسوي خمول ولاشي
بعد ماتخف الاكزيما غيري خطتك...
الحبوب تصير يوم ورا يوم ...والترطيب يصير يوم مع كريم اكزيما ويوم مرطب لحالو...
خليكي كذا اسبوع تقريبا
اذا كنتي لسا مسيطرة ع الاكزيما
خلي الحبوب مرتين في الاسبوع وكريم الاكزيما اخلطيه مع كريم الترطيب مرتين في الاسبوع
واستمري
في كل مره تحصل لك هجمة اكزيما ارجعي لوضع الترطيب مع كريم الاكزيما مرتين في اليوم مع حبة مضاد للهيستامين كل يوم
فيه شي ممكن انتي ماتعترفي بيه بس هوا واقع
النفسيه كثير تأثر...يعني انا ايام الاختبارات الدكتور بيوصف لي مثبت للحالة النفسية
اشربي اعشاب تهديكي وكذا
شوفي ايش من الاكل يحسسك...سمسم طحينة فول سمك بيض وغيرو وابعدي عنو تماما
اذا انتي تشتغلي في البيت غطي اماكن الاكزيما عن الغباروالمنظفات تماما
لبسك بصابون بدون ريحة ينغسل
وجه سريرك قطن...انا جبت زي حق المستشفيات...اذا تبغي تتغطي ببطانية حطي تحتها شرشف قطن بينك وبينها
خلي عندك وجهين سرير ع الاقل ...لانو لازم ينغسل ياكل يوم او يوم ايوا ويوم لا...ولازم ينكوي بالمكوا
هذا اللي عندي ياحبي ...معليش اذا كلام كثير بس يشهد الله المعاناه صعبة ويعز علي احد غيري يشوفها
الله يشفيك ويشفينا
موفقه
الله يشفيك ياحبي ويعافيك
ابغى اقوللك شوية اشياء
الان المثل يقول اسأل مجرب ولا تسأل طبيب
طيب انا...
بس بالعكس احس ان هذا المرض هو اكثر شي ساعدني على التغلب على العجزوالتاخير
لاني لما اشوف الاكزيما زادت تطلع العزيمه عندي{هههههههههه}وحده ذيبه؟
المهم اهم شي الترطيب ثم الترطيب ثم الترطيب بالفازلين او كريم غييييييييييييير عطري>>>انتبهي لغير عطري
والمواد المنظفه والكيمائيه وغيرها
ــــ وكمان اذا خفت ابتعدي شوي عن الكريمات الطبيه اقصد اليديل او كلوبيديرم او غيره
لانه كورتيزون كلله
وخلي على بالك ابذكر لك غسول للوجه اسمه غسول للبشره الحساسه من جونسون خالي من المواد العطريه
لا تغسلين ايديك كثثير بالصوابين
وكمان مقشر استيفز حلو بالمشمش
ومرطب اسمه ليبوبيز او فازلين هذا صديقي الدائم
واذا شفتي الاكزيما التهبت اغسلي ايديك بالملح والماء شوي الين تنظف وادهني بالكريم الطبي لمده ساعه وامسحي ونامي
وكذا الين يروح الالتهاب
وجرررررررررررررررررررربي وتشوفين ياعسل ودعوااااااااااااااااتك