الاكسسواراات....التراجي والسوارات ....طريقه استخدمها للترتيب...تفضلو

السلاااااااااااااااام عليكم ورحمه الله وبركاته
السوارات والتراجي غرامي احبهم واجمعهم لكن المشكله ان لما يزيدون مسالخ ترتيبهم صعبه وخاصه ان يتشبكون بين بعض مما يعرض بعضهم للتقطيع.......والصراحه انا كل شي ولا اكسسواراتي ....فابتكرت طريقه للتخزين وكذلك للعرض ايضا..يعطون منظر حلو وعمليين في نفس الوقت وان الشي اذا بغيته يكون جدامي ما ادوره وسط العفسه
اول شي الاسوارات
اتمنى انكم تفهمون علي


تعرفون اذا رحتو محلل ادوات منزليه روحو صوب المطابخ بتشوفون مثل الشي الي يستخدمونه لكلينس المطبخ الاسطواني هو عاده يكون قاعده وعليه شي مثل العمود الضعيف الطويل.......وعاده يوضع الكلينس او المناشف الاسطوانيه على هذا العمود ....
انا شريت مثل هذا خشبي حتى يكون مثل لون اثاث الغرفه وماتصدقون اخذته بالسيل رخيص جدا 500فلس او خمس ريالات
اخذته من هوم سنتر
لكن بعد السيل رجعت واخذت واحد ثاني
المهم حطيته على مكتبتي وحطيته فيه الاسوارات بطريقه مدرجه بالالوان عشان يكون واضحين وجدامي


اما التراااااااااااااااجي هناك طريقتين متشابهين بسيطه ووحده اصعب شوي
الصعبه اني اخذت شي يستخدمونه زمان في الشبابيك...هو يكون مثل الشبك من حديد ضعيف حيل....يكون مثل المربعات صغار صغار مرتبه ....اذا كلش ماعرفتوه شوفو سشواراتكم من الخلف...بكون تقريبا مثله لكن على اكبر
وطلبت من ابوي يجيب لي على طول باب الخزانه عشان احطه من الداخل وماقصر ابوي الله يططول في عمره وحطاه لي في مزل برواز من الخشب عشان اطرافه ما تتلف الثياب
ورتبت فيه التراجي بسهوله
وتطلع بسهوله وتدخل بسهوله





الطريقه السهله
نفس الفكره الي ذكرتها لكن بدل استخدام الشبك او التور او مادري شمسونه
استخدمت الشيله الي فيها فتحات صغار صغار صغار...وجات فتره انتشرت وخاصه بالكويت والبحرين وموجوده في كل مكان
اتمنى انكم عرفتوها
بعد علقت اطرافها من فوق.....واستخدمت الفتحات اعلق عليهم التراجي

اذا مافهمتو علي خبروني
اتمنى انكم تستفيدون حبايبي

بااااااااااااااي