الاكل الصحي هل هو كذبه

يبغالك تدومي ع الاكل الصحي و صدقيني صدقيني راح يتغير اشياء كثير فيك جسمك و بشرتك و شعرك
خوذي فيتامين بعد
و احس اللي فيك نقص فيتامين د اقراي عنه
انا كذا الحمدلله سنين احاول اكل صحي و اخلي نمط حياتي
ولا تابعين اللي حولك كيفهم
انا اعرف واحده قررت تصير نباتيه النظام النباتي يبله صرامه
وش تاكل قريبتي حلا تقول اي الحلا نباتي ٢٤ ساعه حلا فيشار
صار عنده سكر و زعلت تقول صرت نباتيه و تعبت
قلت له اقرائي صح عن النظام النباتي بعدين تكلمي

من كثرة اكل اللحوم انتي شدراج عن صحة الحيوان اللي تاكلينه
انا ماشية على نظام نباتي صرف كل شي فيني تحسن شعري وبشتري وصحتي وتحليل دمي صار طبيعي

وعليكم السلام ورحمة الله وبركاته
الاكل الصحي ماله علاقه انك ماتمرضين او ماتنخفض مناعتك
لان احتمال نوعية الاكل اللي تاكلينه مايناسبك او جسمك يتحسس منه او ممكن معك قولون او جرثومه بالمعده او انيميا حاده او غيره من الامراض وهذا الشي تكتشفينه بالفحوصات الطبيه الدقيقه عند مختص فاهم مو بس يسمع اعراضك ويصرف لك مسكنات بدون فحوصات وتحاليل
وحتى اللي ماشيين على نظام نباتي لازم ينتبهون على كمية البروتين والحديد انها تكون كفاية لاجسامهم وكذلك ياخذون مكملات اهمها ب 12 لانهم حرمو انفسهم من مصادره الطبيعيه باللحوم يعني مو اي نظام صحي معناه انك جالسه تطبقينه صح بطريقه تكفي حاجة جسمك من المعادن والفيتامينات والبروتينات
راجعي نفسك واعملي فحوصات وشوفي وش السبب الرئيسي للغثيان والالم وعالجيه لا تحطين اللوم على الانظمه الصحيه او الغير صحيه

الاكل الصحي اثره يمتد لسنوات وبتشوفين الأثر اذا صرتي في الخمسين..


ابحثي حاليا عن الأكل اللي يزود المناعه مثل العسل، العسل مافي مثله للمناعه يوميا ع الريق ذوبي ملعقه صغيره في كاسه وداومي عليه..



وخليك وسطيه لاضرر ولاضرار،. اذا اشتهيتي اكل من برا او شكولاتات لا بأس تاخذين منها وبعدها ترجعين لنظامك..



المشي والرياضه لازم يكون لك نصيب منها، وارجع واقول ابحثي عن الأكل اللي يقوي المناعه علشان يساعدك وروحي لاكثر من طبيب لانه مو كل طبيب بكون فاهم يمكن عندك نقص في فيتامين بي ١٢ او شي معين هو اللي تاعبك..



ومثل ماانت مهتمه ياكلك وصحتك الجسديه اهتمي بصحتك النفسيه، بعض الأحيان النفسيه تأثر على جسدك والضغوطات تزيد من الأمراض..

حاولي تلاقين طريقه تفرغين فيها ضغوطاتك وتريحك..ولاتقارنين نفسك بأحد، المقارنه عدوة السعاده..

صحتهم افضل مع انه اكلهم مختلف وفيهم وفيني، اذا شفتي شي أعجبك ادعيلهم بالبركه وادعي لنفسك بالشفاء..



اهم من هذا كله اسألي الله الشفاء والراحه واستشفي بقراءة القرآن والدعاء..

سمعت عن كثير قصص من مستشفى لمستشفى لكن ماعرفو اللي فيهم الا بعد الدعاء وطلب الله فسخر لهم الله من الأطباء والادويه ماكانت لهم عون في الشفاء ❤️

يمكن عندك عدم تحمل بعض الغذاء
في تحليل بصمة الغذاء عدم تحمل الغذاء في مركز مختبرات المستقبل الطبية سعرها تقريبا ١٢٠٠ ريال يظهر لك الاطعمه الي تسبب افراز احماض تتعب الحلق والهضم وحتى اذا عندك زيادة وزن ينزل بسهولة ..
تحليل عدم تحمل الغذاء يختلف عن تحليل حساسية الغذاء