الاكل الي بثلاجه غرفتنا من سعر الغرفه ولا له سعر مستقل؟

نفس الي قالو لك البنات الي فوق سعره لحال الي بالثلاجه

بارك الله فيكم و الله طمنتوني

لاني حسيت روحي غبيه طوفتهم علي

الحمد لله طلعت ذكية

بس الحين افكر احنا ماجرين الغرفه بالي فيها شلون يصير له سعر بروحه؟؟؟

بس طمنتوني بارك الله فيكم و فعلا الاسعار دبل الدبلات

لا ياقلبي سعرها لحال
وفعلا الاسعار دبل دبل رحنا لفندق بماليزيا جدا فخم وحذرني زوجي المس شي من الثلاجه مو لانو غالي لا لان كلها مشروبات ويسكي محرمه
وفعلا غالي لاني لقيت بيبسي وقلت الحمد الله هذا معروف عندنا مستحيل يكون فيه شي وشربته بسلاااام بس طلع سعره 14 ريال خخخخخخ بس عادي عروس وادلع واي شي يعجبني من الثلاجه اخذه على طول ماني دافعه شي من جيبي هههههههههه
اتمنى اكون افدتك........

ههههههههههههههههههههههههههههه صح اللي قلتوه اول ماتزوجت جانا حجز بفندق شيرتون هدية من واحد يعز زوجي المهم حجز لنا 3 ايام وكل ماطلع زوجي اكلت من الثلاجة لاني كنت اجوع وأستحي آكل قدامه المهم يوم طلعنا والا واحد يطلبنا 200 ريال ووووواووووووووو تفشلت من زوجي يوم درى انو حساب اللي بالثلاجة....

هههههه
وربي ضحكتوني على مواقفكم
الثلاجه ووباقي الاشياء الي يحطونها بسلات غالبآ تسمى المني بار وسعرها مستقل
اصلن لو بتلاحظون يحطون جنبها المنيو بالاسعااار في كل اوتيلات العاااالم