ياقلبي انمار انا اكثر من 6 شهور اعاني واروح دكتورة الطوارئ وتعطيني تحاميل لاموكسين وكريم كانستين وغسول بس يروح فتره ويرجع آخر وصرت استعمل التحاميل بروحي لكنها كانت حل مؤقت والله انه كانت نفسيتي تتعب مااحب اطلع او اقعد مع احد حتى زوجي اتهرب منه............آخرشي رحت لدكتورتي اللي اسوي عندها متابعة تبويض عشان تشوف لي حل خذت مسحه من الرحم وطلع عندي ميكروب بالرحم وكنت وقتها آخذ مضاد لالم باذني تصدقين قالت لي انه المضادات اغلبها تخلي الرحم قاعدي فيساعد على كثرة الفطريات والبكتيريا الضارة ............وعطتني مضاد للميكروب وانا من نفسي بديت استعمل غسول مغلي البابونج اخذتها من موضوع لاخت بالمنتدى للدكتور جابر القحطاني لطرق علاج الالتهابات والان الحمدلله هذا الشهر الاول مر علي بدون معاناة ..........وهو بعد ذكر خل التفاح انه يوضع بحوض وتقعدين فيه وبعد وصى باخذ فيتامينات B COMBLEX تساعد بانها تعطي مناعة واشياء كثيرة والله ماني ذاكره منها شي بس سوي بحث عن الموضوع وان شاءالله بترتاحين مثلي .............والله يشافيج ويرفع عنج