لابومبا مدامنج رايحه بريطانيا لاتحاتين حبيبتي بريطانيا يقولون متروسه عرب وان شاء الله تلاقين الصحبه الطيبه ونيستج في الغربه:42: الله يوصلج بالسلاااااااااااااااامه

الربيع الصامت

الله يبارك فيج و عقبالج ... تبغين الصدق مرات اقول انا شلي في الدراسة (بس اقولها يوم اكون تعبانه) وبعدين ارد اقول ياسلام باجر بيعايرون عيالي بيقولون لهم امكم مب جامعيه و من هالكلام ( اسير ركض ادرس اوني عاد دريسة )هههههه اهو صدق دراسة البكالوريوس صعبه بس والله اني حابتها تدرين ليش انا من يوم كنت في الاعداديه اقول ياربي متى اخلص و اسير مع ربيعاتي الجامعة بس ما كل ما يتمناه المرء يدركة ... خلصت ثانويه عامه و بعدها بشهر تزوجت و بعدها بشهر رحت امريكا و هذي انا من 4 سنوات في هالدوله ضاعت علي سنه في اللغة و سنه بعد ما يبت ولدي بس الحمدالله مع ها عندي اراده اني اكمل دراستي و اذا الله راد اكمل ماستر ( ادري اني طفرتج في سوالفي ) و على سالفة ولدي اوديه دي كير من الصبح لحد المغرب يحليله والله انه يكسر خاطري بس شو اسوي و على سالفة الشهر اقصد باقي شهر و نخلص السمستر و اتيي اجازة الكريسمس ......... :) :) :) و وقتي كيف انظمه ممممممممممم شوفي الله يسلمج يوم ارد من الدوام اتفرغ حق البيت و ولدي و اول ما ينام ولدي اركض اسوي هوموركاتي والبيت انظفة كل ويك اند بس يكون تنظيف محترم بس تنظيف كل يوم على الخفيف و الغدا اسوي حق يومين و هذي حياتي


نجمة السهره

والله انا بخير الحمدالله بس الحمل متعبني هالايام تدرين اخر 3 شهور تعب الله يعين و يسمع منج و ان الله يعطيني الذرية الصالحة و اخذ الشهاده .

انتي اخبارج علومج عساج مرتاحة في هالغربة ؟؟؟؟ و مبروك على الحمل الله يتمم لج على خير و يسهل ولادتج و يرزقج الذرية الصالحة بس قولي لي اي شهر الحين خلينا نشوف كم شهر بيني و بينج و منو بيخلص شغله قبل ( قصدي بيولد قبل ) لول

نجمة السهره
مشكورة ياقلبي على الدعوة الحلوة : ماقول غير امييييييييييييييييييييييييييييييييييييييييين .......

.شو اخبارج واخبار الحمل ؟واستراليا؟؟؟انتي حامل يعني ماترومين تردين في الكريسمس؟؟؟؟؟؟؟

الله يكون في عونج...والله يسهل عليج؟؟؟

انتوا في استراليا عندكم الابرة ولا تولدين من غيرها؟؟؟
_______________________________________

((عواش))
حياج حبيبتي اذا تبين اسماء الجامعات اللي في ولايتي ترىانا جاهزه...

انتي خلاص عندج بعثة ولا ناوية تقدمين؟؟؟

جوفي اذا بعدج ماقدمتي على بعثة انصحج اتيبين قبول من جامعة معترف فيها ...عسب بسرعة

يقبولنج؟؟

وحياج عنا ولايتنا فيها عرب وتناسب العوايل؟؟؟؟؟

وعن الحمل اكيد تقدرين بس راح تتعبين كثير وعن البيبي انا كنت اقسم وقتي بيني وبين زوجي ؟؟؟

ترى الماستر يكون في اكثر الاحيان في اوقات تناسب الموظفين يعني بليل واحياينا المحاضرات تكون

في الويكند ؟؟وطبعا غير اوقات المحاضرات عندج الحضانه في دي كير ياخذون الياهل بعد الاربعين

على طول :)واذا ماتحبين ممكن اتيبين بيبي ستر او ناني

________________________________________
لابومبا

حلوه هي ماحب الغربة ؟؟؟؟؟؟؟؟؟توه الناس بعدج ماجربتي الغربة عسب تتشكين ؟؟

لاتخافين الله بيسهلها المهم تشغلين عمرج بشي ؟؟؟ادرسي:)

وبصراحه اول امارتية تنضم للشلة ؟؟؟

نداء انساني اللي في بريطانيا لا تبخلون عليها بالنصيحة:):)

ها شو رايج انفع؟؟
_____________________________________________
برنسيسة الامارات
عادي يابنت الناس ومانيل المطالب بالتمني؟؟؟؟انشاء الله الله مايضيع تعب حد ؟؟انشاء الله بتيبين الشهاده العوده بس لاتنسين تعزمين شلة عالم حواء:)

كم عمره ولدج؟؟؟

انا بعد ولدي اوديه الين 5 او 6 العصر بس عسب مايمل في البيت وكل اللي معاه في السكول خليجين

صار يرطن سعودي بدل الانجليزي؟؟اليوم رحت اخذه من المدرسة يقول لربعة بالسعودي بوكره اجي

السكول نلعب سوى ؟؟قلت والله مسكين الولد ضايع ؟؟مره اماراتي مره سعودي مره سوداني

؟؟؟شكلي بعينه مكان عمرو موسى:)

الحمل وايد متعبنب الوحام توني بشهري الاول ومتعبني الله يستر من عقب لا وابشرج برد البلاد ان شاء الله في شهر 12 ونبعيد عند الله إن الله أراد
بالنسبه للابره اللي قلتي عنها عندهم بس انا لو شو ماشو ماخذها :icon30: وحده جبانه اتحمل الوجع ولا اخذها

ههههههههههه ضحكتيني الربيع الصامت عيل يحليلة صار لكم سعودي
لا عيل انا ولدي توه بادي يلقط كلمات فتعلم له شويه كلمات انجليزي عاد اونه يعني مسوي عمره كبير يوم اسير اخذه يقول للتيجر باي سي يو و تعلم له مامي و دادي و كمون بس هههههههههههه اوهو الحين سنتين و 7 شهور


و انتي حبيبتي نجمة السهره والله بتصيرين نجمة في المستشفى يوم ولادتج على بالج ويع الطلق اخف من ويع الابره والله في هذاك الوقت ما تحسين في شي انا من كثر الويع يحطون لي المغذي مب راضي يدخل دخلو الابره في ايدي 10 مرات وكل مره مكان غير اخر شي يابو شي بالغصب دخلت عقب ما ولدت اقول ياربي كل ها سوو فيني ولا حسيت ايدي كلها تنفخت وصارت زرقة و ابرة الظهر خذيتها والله ما تحسين فيها تقولين ابره عاديه انا كنت نفسج زايغة منها بس وقت الجد طلبتها و الحين افكر اخذها بعد بس الكل معارض امي و ام ريلي يقولون لي جربي الولاده العدله بس والله اني اتخيل اني اصرخ ولا شي احس شكلي يضحك بس تدرين شو قلت بسوي بصلي استخاره على الابره اخذها ولا لاء ههههههههههههههههههه والله يكتب فيه الخير و يسهل عليج ترى الوحام بيروح لا تخافين كلها شهرين ولا 3 ولا انتي مخلصة وحامج الله يعينج والله