الربيع الصامت ...
والله حابة اعرف اكثر عن تجربتج؟؟
تدرييييين ايام وااااايد حلوه ....
كنتي في أي ولاية؟
لويزيانا..
وشو اللي تفتقدينه اكثر شي في امريكا ؟؟؟
طبعا الاسواق والجو هناك رووووعه وشقتي الصغيره واحس كنت مسؤوله عن كل شي عن الطبخ واغسل وارتب و كنت اطلع كل ويكند ونتجمع في شقه وحده من البنات كويتيات وسعوديات واماراتيات....وكل ويكند اطلع ويه زوجي ونروح منطقه بعيده نتمشه فيها ونغير جو ...
و شو اللي اذا رد الزمان فيج بتسوينه؟؟
والله ياالربيع الصامت ودي اني ارجع مره ثانيه امريكا لان هناك كانت لي خصوصيه لي ولزوجي اما الحين تلتزمين في مواعيد واعياد وخرابيط واذا ما رحتي راح يزعلووون ...يعني مجبوره اتروحين علشان الكل يرضى علييييج ....
بس تدرين اول كنت اقول متى راح ارجع للبلاد والحين اقول ياريت لو ارجع امريكا .... ترى الواحد ما يحس في الشي الا اذا فقده ....
ادري اني طولت علييييييج وانا وااايد احب ادش على المغتربات واقعد اقرى واذكر ايامي


سويت 2206
والله هاذا مو بس رايج معظم اللي كانوا وياي وردوا يوم يتصلون فيني يقولوي الله ياريت نرد

امريكا :) احسها تجربة والواحد يتعلم منها يمكن لاني بعدني في امريكا ماحسيت بهالشعور بس تبين

الصدق الحين باقيلنا سنه او اقل قمت كل ما امر على شارع او اروح مول اقول خلاص عقب مابشوف

هالاماكن..وبصراحه اخوي عاش في امريكا 6 سنين وكان بيموت يرد البلاد والحين كل مايكلمني من الامارات يقول والله حنيت لكاليفورنيا وووووو

تعرفين يوم ارد البلاد في الصيف اكثر شي اشتقاله الخصوصية والاستقلالية هني انتي حره في حياتج

محد يدخل في حياتج الزوجية ولا حتى في تربية العيال ...وغير الخصوصية احس اني راح أفتقد

العقليات الموجوده هني سواء امريكان او عرب واضطر اني اتحمل ناس اصحاب الافكارالمحدوه كل

همهم التفاهات وبس "نارو ميندد بيبول" اكيد مو كل الناس نفس الشي بس صدق هالموجود عنه

اتشوفين وحده لابسة من احلى الماراكات وراكبه افخم سيارة بس ماتعرف شي في الدنيا غيرهم؟؟انا

مو عكس الوحده تهتم في نفسها بس ياريت تكون واعية ومثقفة بتحلى الصوره اكثر:)

وعن تجربتج والله ياريت اتكلمينا اكثر ؟؟هل كنتي تدرسين ؟؟

اسمحيلي لو قلت لج ان الخرابيط الي تقولين عنها هي اساس هالحياة ...شو فايدة الانسان لو عاش بروحه محد يسأل عنه ويتلهف لو قطعتيه شو احلى من ان تلاقين حد يفرح لو زرتيه ويزعل لو قطعتيه ...شو احلى من اليمعه مع الاحباب والاهل في الافراح والاحزان ...انتي عشتي بغربه والمفروض تكونين حاسه بهالشيء اكثر من غيرج ....الاجانب قلوبهم بارده مثل الثلج ما يحبون التجمعات او لمة الاهل يعيشون بانعزال والواحد فيهم يموت في بيته ولا حد يدري عنه الا بعد ما تطلع ريحته ..دفي قلبج ولا تخلينه يجمد ...واسمحيلي اذا كنت تكلمت في موضوع يمكن ما تبين حد يناقشج فيه ...بس والله محبة مني واعتبرتج مثل اختي


اسما ء

تعرفين انتي احلى نيك نيم مر علي للحين.. ذكرتيني بأغلى انسانه في الوجود:)

مشكوره ياقلبي عالمشاركة حبيبتي وانا وياج انه الواحد مايقدر يعيش بعيد عن الناس ؟؟

بس الاخت سويت قالت انه من احلى ذكرياتها اللمات مع البنات في بيوتهم وكونج عايشة بعيده عن

اهلج كل العرب والمسلمين بالنسبالج عايله وحده ؟؟

بس تعرفين كل ما الانسان يكون قريب من اهله يعرف اكثر انه في حساسيات ومشاكل بينهم يتمنى

انه يكون مستقل لو لفترة "فترة نقاهه" ........

وعن الامريكان صحيح هم يحبون اللمات والجمعات في الحفلات والبارز بس الشي اللي صدق ماعندهم

الحياة الاجتماعية مابين الاهل زيرووووووووو...والحمدالله على نعمة اللي نحن فيها؟؟تخيلي امس

كان الكريسمس تخيلي يرانا عازمينا بس نحن لانه ماعندهم حد...وعلى فكرة مشكلة الامريكان انهم كل

يوم في مكان يعني مشتتين الولد في نييويورك الاخت في كاليفورنيا العيال في تكساس وين ماحصلوا وظيفة ومعاش اكثر طاروا

طاسة خبز

ياريت نجمة السهرة تقرا مشاركتج لانها حاليا في الامارات :)

وانا متأكده انها انسانه في قمة الروعه من معرفتي لها من خلال المنتدى


عواش

ماعرف ولا جامعة للاسف

بنات كل عام وانتوا بخير يله قولولي كيف كان عيدكم:)

السلاااااااااااام عليكم انا سعوووودية حبيت اسلم عليكم واقول لكم كل عاااااااام وانتم بخييييييير حبايب قلبي