الربيع الصامت

وكل الاخوات الموجودات

انا مصرية مقيمة في ابوظبي وصار لي 14 سنة

طبعا انتم المشكلة عندكم متي ترجعون الامارات ......وانا شايلة هم وقت ما نترك الامارات

لان بنتي من دلوقت انا بتكلم معاها على الجامعة في مصر وبحضرها نفسيا لانها في التاسع وباقي 3 سنوات لها ان الله عطانا عمر ولكن المشكلة انها مش متقبلة الوضع نهائي وتقول انا اتولدت بالامارات وتربيت فيها ....فيها زكرياتي وصديقاتي ومدرستي ليه تخلوني امشي من هنا ...

تصدقوا يا بنات انها لما بننزل مصر بتبقى مشتاقة للامارات وعاوزة ترجع وعلى فكرة هذا الكلام من وهي صغيرة كان عمرها 3 سنوات...

والله انا شايلة همها من الان لان عارفة ان نفسيتها بتتعب ....لانها حاسة ان الامارات وطنها

وسبحان الله الانسان يرتبط عاطفيا مع المكان اللى تربى به وعاش ونشأ وترعرع فيه

وانا كمان زعلانة اني في يوم ما هترك الغربة .............اتعودت عليها

هلا اختي عواش...

نصيحه خلي بريطانيا بعيد عن تفكيره ادا ناويه تروحين تدرسين...انا اماراتيه ومتزوجه عيناوي ..العام رحت معاه امريكا عشان يخلص البكالريوس وكنت بكمل ماستر بس كنت حامل وبربي في نص الدراسه فجلت شيء ما بكمله ما ببداه لاني ما احب اوقف في النص..المهم عشت في امريكا تقريبا 11 شهر رغم الغربه لكن تعتبر من احلى الايام..صح الامريكان متشددين وااااااااااااايد في الهجره مال مطار نيويورك ولازم يطيرون الطياره الثانيه اللي توديك لاي ولايه بس بعد ما تتطلعين من عندهم كل شيء يكون حلو وسهل..الناس بسيطين ويحبون يتكلمون مع غيرهم خاصه اللي يبتسم في ويهم اللي يجاملهم...واللي يعطي صوره زينه عن نفسه ..فلا تسمعين ان الامريكان متشددين وتهونين عن امريكا...تراهم حبوبين..لدرجة جارتي وريلها صاحت ليما سدها من الصايح يوم كنت بطلع للمطار وكانت تجاملني في كل مناسبه..يمكن ولا اربع او خمس مرات متفرقه يايبه ملابس لبنتي قبل و بعد ما ربيت...وليش هدا كله لاني كنت وااايد طيبه معاهم ..اسال عنه..واوديلهم اكل..لدرجة تجولي روحي السينما وخلي البنت عندي بس انا ما اطيع..و الكستمر سيرفيس عندهم صراحه عشره على عشره..وبريطانيا خراااااااااااا...والعمله ارخص من الباوند اللي طاير في السما...حاليا انا في بريطانيا جو كئيب تحسين الناس في حالهم ...على ما اعتقد اني الوحيدة المتحجبه هني...الاكسنت عندهم قويه شوي رغم اني خريجة لغه انجليزيه واتكلم انجليزي واايد زين لكن انك تلحجين كل الكلام عندهم صعب...اقول لريلي الشيئين الوحيدين اللي بريطانيا فيهم احسن عن امريكا الطبيعه و القرب من البلاد..ترا امريكا وايد بعيده 14 ساعه الدايركت من دبي لين نيويورك وبعدين الرحله الثانيه...

اتمنى اني اكون افدتك واي سؤال انا حاضره...

الغربة صعبة بس احسها لحظات وذكريات حلوة لا تنسى

وتردون بالسلامه للامارات

والله يوفقكم في الدراسة

yaaaaaaaaaaaaaaaaaaaaaaaaaaaaaaaaaaaaaaaay

و اخيرا حصلت بنات اماراتيات في امريكا مب مصدقة :) :) :)

شوفو انا بقول لكم عن نفسي وين ساكنه و اي وحده قريبة ولا اذا في نفس الولاية تقول اوكي

اولا انا ظبيانيه ساكنه في انديانا Indiana و بالتحديد south bend و صار لي 4 سنين مغتربة و البقية تاتي :( الله يعين
ثانيا عندي ولد و ادرس في الجامعه :)
ثالثا شوووووووووووووووووووووووووووووووووو بعد مممممممممممم شو تبغون تعرفون لول بس ها اللي عندي خخخخخخخخخخ

يالله اتريا اول وحده ترد على

اوزوريس

ترى هاذي اصعب شي تخيلي انا ابني الكبير 4 سنوات دايما اقوله ماما بنروح الامارات وخلاص مابنرجع امريكا يزعل يقولي ماما الامارات ماعندي غرفة والعاب وماعندهم جاكي جيز و يزعل وايد يقولي انا احب امريكا واحب ماكيلا وكريستوفر ووووو....الله يعين فكيف ببنتج اللي عاشت كل حياتها في الامارات انا اعتقد انه ماراح تتقبل الموضوع ابدا..وبصراحه الحياة تختلف كثير عن مصر وبصراحة الستيريو تايب اللي عند المصريين للي ياي من الخليج روحها مصيبة راح يعاملوها على انه "جاية من الخليج"اسمحيلي على صراحتي بس احس هاذي مشكله راح تواجها غير كونها تحس بانها غريبة....
تعرفين مشكلتنا نحن المغتربين انه غربتنا ماتنتهي لانه على سبيل المثال لما اكون في الامارات افتقد اشياء ولما في امريكا افتقد اشياء في الامارات اعتقد هاذي هي الغربة الداخلية او غربة النفس واللي راح نعاني منه للابد

shadows

لالا طبيعة امريكا حرام عليج امريكا كبيرة فيها كل اشكال الطبيعة مناطق حارة مناطق بارده جبال سواحل...
.بس انا وياج اصعب شي في امريكاهي الهجره " دخول امريكا بالذات " الحسنة الوحيده اللي في بريطانيا انها اقرب ... وعلى طاري الاكسنت اوووووووف فظيعين والسبب انج كنتي عايشة في امريكا ومتعوده على الامريكان ..اذكر مره اظطريت اسافر روحي وياويلي والله عانيت في بريطانيا ماكنت افهم عليهم ومساكين يتحروني ماعرف انجليزي:)