السلام عليكم ورحمة الله وبركاته
بنات عرفتلكم الامبولات اللي يستخدمها بسام فتوح للبشرة قبل المكياج عشان تثبت المكياج وتعطي نضارة للبشرة وتنفخ الخدود شويه مو وايد بس المهم تخلي الويد شوي مليان
هي ماركة فرنسية ووحدة من منتدى ثاني لقتها بالجوثن اللي يبيع مستلزمات تجهيز الصالونات وسعرها رخيص 12 امبوله ب 16 ديناااااااار
هذي صورة العلبه
اسمهم Coup d'Eclat ampoules
بس انتبهوا في نوعين في نوع بالكولاجين لعلاج التجاعيد مو هذي اللي نبيها
انتوا قولوا للخبيرة نبي اللي تنحط قبل المكياج على طول تعطيكم اياها
وتلقونها يمكن بمراكز التجميل او محلات تجهيز الصالونات
بالكويت تلقونها بالجوثن سواء اللي بالسالمية او اللي بالشويخ بمجمع لايف سنتر مع يوريكا وميداس
واللي بره الكويت ان شاء الله تلقونها وتقولون للبنات عن اماكن البيع
ولاتحطون الامبوله على خشومكم لاتنتفخ لووووول
حطيها بس على بشرتج مع مساج عشان تتغلغل
واذا تبين نتيجة احلى حطي وحدة الصبح مع مساج
ووحدة قبل المكياج على طول تعطيج نتيجه وايد احلى
ولاتنسون تدعولي انا واللي طاحت عالامبولات اختي ليالي نجد
يلزم عليك تسجيل الدخول أولًا لكتابة تعليق.
الله يعطيك العافية ويجزاكي بالخير انتي وليالي نجد
بس تسمحي لي بسؤال :D
من فين جبتي المعلومة دي ؟؟ اقصد كيف عرفت انو دي الأمبولات هي الي يستخدمها بسام فتوح ؟؟
لأنو الي انا سمعته منه في اشرطته التعليمية انو دي الامبولات ما يحب يستخدمها الا للي بشرتها شديدة الجفاف لأنها تسبب لمعان الميك آب بعد كدا وتخلي المكياج يسيح وحتى انتقد انو كل مين صاير يدور على دي الأمبولات ويطلبها من فرنسا وهي مو لكل بشرة تستخدم
وقال انو الأجانب يستخدموها كتير لأنهم يعانو كتير من البشرة الجافة
هذي معلوماتي الي حبيت اشاركك فيها , ارجو انها ما تزعجك وفي الأول والأخير هو مجرد رأي قبلتيه يامرحبا او لم تقبليه كمااااان يا مرحبا
وتقبلي فائق تحياتي واحتراماتي
هلا والله حبوبة
البنت اللي كاتبة الموضوع تقول ان صديقتها هي اللي ماخذه دورة عند بسام فتوح وهو نصح بهالامبولات وهي حفظت شكلهم بس ماحفظت اسمهم لما البنت صاحبة الموضوع لقت الامبولات عند محل الجوثن حتى اللبنانية قالتلها هذي امبولات بسام فتوح
وقامت اتصلت على رفيجتها ووصفتلها شكل القوطي وقالتلها هذولي هم نفسهم وشرتهم واستعملتهم وحيل عجبوها
عموما هذا نص موضوع ليالي نجد اللي كتبت عن الامبولات
وعلى فكرة الامبولات مو نوع واحد في انواع فأتوقع في نوع للبشرة الجافه والدهنية والعادية وجذي
البنت اللي كاتبة الموضوع تقول ان صديقتها هي اللي ماخذه دورة عند بسام فتوح وهو نصح بهالامبولات وهي حفظت شكلهم بس ماحفظت اسمهم لما البنت صاحبة الموضوع لقت الامبولات عند محل الجوثن حتى اللبنانية قالتلها هذي امبولات بسام فتوح
وقامت اتصلت على رفيجتها ووصفتلها شكل القوطي وقالتلها هذولي هم نفسهم وشرتهم واستعملتهم وحيل عجبوها
عموما هذا نص موضوع ليالي نجد اللي كتبت عن الامبولات
وعلى فكرة الامبولات مو نوع واحد في انواع فأتوقع في نوع للبشرة الجافه والدهنية والعادية وجذي
الصفحة الأخيرة
ومادري صراحة وين تلقينها بس احنا عندنا بالكويت تنباع بالجوثن وهذي شركة تبيع منتجات للصالونات
فاذا عندكم محلات من هالنوع سالي عنها وان شاء الله تحصلينها
وحياج الله