الامراض الروحية ساعدوني

شوفي ياقلبي بخصوص العين والحسد اقري الاذكار الصباح والمساء لاتبالغين بتزيين اذا رحتي للعرس اقري على نفسك وتعوذي من بليس
زين انك تحسين بندم عند فعل ذنب الله يغفر للعبد دام العبد يستغفر ربه
ثاني شي ان الله غفور رحيم
انتي كل ماجيتي ودك تسمعين اغاني وضي وصلي واقري قران ....
والاغاني بالعرس ان شاء الله مايلحقكك ذنب لاان الله يعلم ويدري ان مالك بشي هذا والله ينضر الى قلوبكم
وعليك بقرات الاذكار وسورة الكرسي يوميا

ليش كل هالرعب والقلق المبالغ فيه ؟

ثقي تمام الثقه محد يقدر يضرك ولا ينفعك من أنس او جن إلا بشيء كتبه وقدره الله عليك حتى لو حبستي نفسك في صندوق وامتنعتي عن مخالطة الناس وتذكري ان مايرد القضاء غير الدعاء

توكلي على الله وحصني نفسك بالاذكار والفاتحه والمعوذات والكرسي واطلعي للناس

ترى ثلاث ارباع سوء حالتك ودمار نفسيتك هو بسبب تفكيرك الغلط وشدة رعبك وخوفك من اشياء وهميه

الشيطان جالس يوسوس لك ويحزن قلبك عشان تبقين مدفونه بالبيت ومعطله حياتك وعايشه اوهام

وبخصوص كلامك عن الاغاني تأملي هذي الايه ( إِنَّ الْحَسَنَاتِ يُذْهِبْنَ السَّيِّئَاتِ )
وتذكري ان كلنا نذنب ونغلط ونضعف احياناً وهذا شي طبيعي ولا اجل ليش الله سبحانه وتعالى اعطانا الاستغفار لانه يعلم بضعفنا ويعلم اننا ممكن نذنب والحمدلله الحسنه تمحي السيئه ، ربنا ماخلقنا عشان يعيشنا رعب بالعكس هو ارحم الراحمين .


اما علاج العين والمس والحسد :
عليك بإلتزام الرقيه الشرعيه مثل ورد يومي بحياتك لا تقطعينه حتى وان زانت حالتك لان القران حسنات واجر

وخذي من العطار القسط الهندي مطحون ملعقه صغيره مع كوب مويه مرتين باليوم الصباح والليل ووقفي وقت الدوره لا تشربينه اقطعيه الى ان تخلص .

وكلمي امك تشوف لك مستشفى او مركز متخصص شاطر يسوي حجامه وسويها ثم كرريها الشهر اللي بعده
واذا تقدرين روحي البحر واسبحي فيه عشر دقايق او اكثر يسحب من جسمك الطاقه السلبيه وسمعت شيوخ يقولون مفيد للناس اللي معهم عين وحسد



وقبل كل شي روحي المستشفى افحصي وسوي تحاليل يمكن معك نقص فيتامينات ومعادن هو اللي مسبب لك كل هذي الاعراض مثل فيتامين ب 12 أو فيتامين د