مشكور لاخوات على اردودهم الكريمه والله يوفقكم

دكتوره مشكوره فديتج على الرد والله يبارك فيج ياااختي

اولا

@ام خالد@
السلام عليكم
واضح ان الطفل فعلا يعاني من مغص مع غازات
ايه المطلوب عمله ؟
1- كرعي الطفل بعد كل رضعه ( فعلا هذا اللى حاول اني اسويه ولكنه اكثر احيان ينام في حضني ولا يتكرع ولكني مااخليه )

2- استخدمي حلمات ضيقة جدا للرضاعة حتى لا يبلع الطفل هواء فيؤدي الى المغص والغازات
( غيرت حلمات كلها لحجم ضيق )

3- ضعي الطفل على رجلك نصف ساعة في اليوم على بطنه
(ان شاء الله راح اسويها )

4- ممكن تعطيه رضعه بيبي درنك او بيبي كالم مره واحده في اليوم اذا احتاجتي الى ذلك
(بيبي كالم شريته اليوم من الصيدليه وباذن الله راح اجربه )

5- disflatyle نقط هو طارد للغازات ممكن تعطيها وقت اللزوم
(واخذت هذا الدواء وخليته احتياط لوقت اللزوم )

6- ياريت تنظمي الرضعات رضعه كل ثلاث ساعات
( بحاول لانه يقوم ويطلب رضعه كل ساعتين ولكن بحاول اخليه كل 3 ساعات )

غيرت الحليب من سيميلاك الى ابتاميل كومفورت 1
لانه اخف طبعا بعد ماااستشرت الطبيب
واذا مانفع برجع لسيميلاك

ياريت نرجع للرضاعة الطبيعيه
حاولي انك تجوعي الطفل وتضعيه على صدرك وحاولي انك تأكلي كويس
وممكن اذا تقبل تكملي الرضعه بالصناعي
جربي ما قلت لمده اسبوع ثم اخبريني بالنتيجة
والله المستعان

يريت يادكتوره اتمنى من كل قلبي يرضع من صدري
وراح احاااااااول وماراح استسلام

تدرين يادكتوره بردج هذا ريحتي قلبي الله يريح قلبج ويسعدج
ياحبيبتي حسيت انا على طريق الصحيح وباذن الله ينفع مع ولدي

واسفه ياحبيبتي تعبتج معاااي وايد

الامساك البيبي

انا ابي ماتبرز من امس الى يوم هل هذا طبيعي
واذا ماتبرز ماذا افعل ؟

في اسئله تدور ببالي وادور لها اجوبه

هل عاادي اعطي ابني كميه بسيطه من الماء ؟
هل عااادي اعطيه برايك ماء مع السكر ؟

الحمد لله على سلامتج ومبروك عليج ماجبتي حبيبتي ...

شوفي انا بقولج عن ولدي ... طبعا كنت اعطيه سميلاك لانهم يقولون احسن شي ..
والله اول ماغيرت له الحليب بعد شهرين والله ولدي تغيرت حالته وخفت الغازات والامساك عنه
لان السيميلاك قوي وفيه نسبه حديد هي تسبب له غازات ..والطفل اصلا معدته ماتستحمل
لانها توها ...فطبيعي الطفل فيه غازات وامساك لين نهايه الشهر الثالث ...

نصيحه ....حاولي تغيرين الحليب ...اخذي نان 1 انا استخدمه لولدي حبيبي ...
ودايما سوي له كل يوم مرضاعه ينسون مع حبتين سكر نبات عشان يتقبله
واذا خلص الاربعين نقعي تمره في شوي ماي حار واشخليها وعقب حطيها له
في المرضاعه ...والله ولدي كان يرتاح ويمشيه بطنه من التمر ...وطبعا لاتنسين ماي غريب
وادهني بطنه وجسمه قبل لا يرقد ...... والله يحفظه لج ويخليه لكم ...ويشفيه يارب

@ام خالد@
اهلا بكي
قليل من الماء بعد غليه طبعا على الاقل لمده خمس دقائق كويس
لا داعي للماء مع السكر
ماهى فائدته ؟ سيزيد من الغازات
اذا ما تبرز ليوم كمان وكان هناك غازات ومغص ممكن نعطي لبوس جليسرين اطفال

باستا

الله يجزيج خير ياعمري الله يخليج ولدج يالغاليه

انا طبعا غيرت الحليب اللى ابتاميل كمفورت1
من يومين وامس عطيته بيبي كالم في مرضاعه صغيره
الى رقم 50يعني اقل من 2

تقريبا ساعه9 مساء

صار معاااه اسهال قوي بالليل كذا غيرتله حفاظه اكثر من 3 مرااات
ورا بعض وعطيته رضعه وتفاجاءت دقائق وتبرز مرة ثانيه

وللمعلوميه ابني قبل هذا الاسهال صارله اكثر من يومين مامشى بطنه

هل هذا اللى هو فيه طبيعي

بسبب الحليب او بسبب بيبي كالم

محتاره !!!

الله يهدي بالك