الاملاء رايح فيها وبالذات ( ال ) الشمسيه .. شفيكم ؟؟

السلام عليكم ورحمة الله


كيف حالكم ؟؟

كل عام وانتم الى الرحمن اقرب

تقبل الله طاعتكم

هاه ملاحظين هالشي والا لا ؟؟ اللغه العربيه تحتضر بالنت ..!!

يتعب الواحد يحل كلمات متقاطعه واكمل الفراغ .... وينكم من الاملاء ؟؟

اعتقد الكل هنا كبار في العمر ومستحيل توجد بينا طالبة ابتدائي ، سالفة هالاملاء وربي تحزن ..:(

الا انتو كيف تدرسوا اولادكم ؟؟ ( طبعا بس الضعيفي الاملاء ) ؟؟

هذا والكيبووورد راحم حالكم ويكتب بخط حلو !! والا لو تكتبوا بخط اليد كان علوووووم كان شكلنا مابنعرف نقرأ كلمه مو سطر ؟؟

شفت مقال مره في صحيفه الكترونيه وحده كاتبه تعليق تتمسخر عالخبر وكلامها مش مفهوم من الاملاء الغلط طبعا ، ومسخروها الخلق بصراحه ، واللي يضحك ان فيه من التعليقات ماهو اردى من املائها ..

:(

من جد معاناة والله يحس الواحد انه لازم يصحح الاخطاء اول علشان يفهم الكلام << الله والكلام ؟؟ وش حادنا اذا هو كلام خرابيط ودنيوي .. صح ، الكلام لو كان الموضوع اسلامي ويمس الدين .. هنا البلا ...


كان الله في عون اللغة العربيه على اهلها


عذرا ان كنت زعلت احد دون قصد ، احمد ربي اني لست معلمة لغة عربيه والا كان اصبت بجلطه :eek:


السلام عليكم ورحمة الله