الامهات الاتكاليات 😒😒😒

بدخل عالموضوع على طول —
وحدة عندنا بالعايلة كل سنة تفرخ !!
حرفيا كل سنة تجيب واحد جديد 🍼👶🏻
واكبر عيالها بنت عمرها ١٠ حاطها مسؤولية عيالها كلهم عليها مسكينه ، وهي طفلة لا تقدر تلعب مع اقرانها ولا تسوي زي م يسوون البنات حاطه منبه في جوالها تقوم بالصباح تركض وتقول للشغاله تسوي اكل وتفطر اخوانها و تروشهم، مستوعبين ام ١٠ سنين تتحمل مسؤولية اربع اطفال؟
امها نرفزتني الله يحرقها *استغفرالله*
يعني ما افهم على بعض الحريم لو انتي منت قد مسؤولية الابناء لا تفرخين كل سنة بزر و تحطينهم على راس اختهم البكر حرام عليك
، بقولكم بعد موقف ثاني طلعنا للملاهي ، كل الاطفال يلعبون الا هالطفلة المسكينة تمسك اخوانها بايدها بقوة و تركبهم بدور وهي ماتلعب واللي بعمرها واكبر منها بعد يلعبون .. وهي ياحياتي واحد يجر شعرها والثاني يبكي يبي الحمام وحاااللله


حبيت افضفض لكم لاني مقورة من هالظاهرة بمجتمعنا ، وهي الانجاب بدون رعاية ولا تخطيط ولا خبرة و لا مراعاه للحاله المادية والنفسية للاسرة، لا تجيبون اطفال و تحملونهم عبء الحياة وانتم براسكم مو قد المسؤولية حرام ياعالم وربي حرام
ولا وحدة تقولي بجيلنا كنا نسوي ونسوي ، جيل عن جيل يختلف


متشوقة اسمع اراءكم عن الموضوع ...