الامهات الاطفال اللي وراء بعض (تربيتهم-نومهم -اكلهم-لبسهم)

مساءالخير ياخواتي الحوائيات

لي فتره وانا ادور موضوع اوتجربة احدى العضوات في تربيتها لطفلين او اكثر وراء بعض واقصد مافيه بينهم فرق بالعمر  يعني حملتي وطفلك مازال صغير وماحصلت شي قلت بحط هالتجمع وان شاءاللله يفيدنا كلناويصير مرجع لكل وحده منا 
 

نبي نذكر تجاربنا كلناونستفيد من التجمع في:
1- كيف شعور طفلك تجاه الطفل الجديد وكيف تعاملتي معاه

2-وش السبب في حملك بسرعه بعده هل رغبه منك او غلطه منك وحملتي وكيف ردة فعلك يوم دريتي انك حامل وطفلك صغير ويحتاج تربيه وتفرغ

3- هل عندك خادمه تساعدك او ماعندك وكيف رتبتي وقتك وهل جربتي مساعدة  الخادمه وجربتي بدونها 
وقدرتي تستغنين عنها بعدين

4- كيف تعاملتي مع طفلك هل حس بغيره والا انبسط انه بيجيه اخو وبيستانس وبيلعب وشرحتي له الوضع وكيف مهدتي له

5-كم عمر طفلك الاول يوم حملتي ويوم ولدتي وكم الفرق بينهم  وهل عندك توام وحملتي بعدهم

6-وكيف شعور زوجك هل متعاون معك ويساعدك  والاوينزعج من البكاء والا مقدر وضعك وهل انتي مقصره بحقه وهو حاس ومنتبه والا عادي 

7- اهلك ماينزعجون من بكاءالاطفال وازعاجهم وهواشهم

8-اذا عندك زياره او بتروحين السوق او بتطلعين اي مكان وش تسوين تاخذينهم او تخلينهم سواء عندك خادمه اولا 

9- تقدرين تطلعين من البيت وتخلينهم مع الخادمه والا مايطاوعك قلبك وتخافين

10- اللي ماعندها خادمه وشلون تتعامل مع اطفالها وشغل البيت وكيف تشغل اطفالها اذا دخلت المطبخ او تبي تسوي اي حاجه ثانيه
 
11- هل اهملتي نفسك ونسيتيها وماعاد تهتمين والا منظمه وقتك والعكس

12-اكلهم كيف وش تاكلينهم وكيف الوضع مع الرضاعات والحفاظات والاستحمام كم يوم في الاسبوع :كيف تشترين الملابس والحفاظات بكميه كبيره عشان ترتاحين والا تنسين ويبغالك تتفقدين الاغراض والاشيا الناقصه