الامهات الخبيرات في الاطفال العنادين ادخلوا ضروري 💔

عندي بنت ماشاء الله عليها عمرها ٤ سنين كلمة متعبه شويه عليها بكاية تبكي بدون سبب ليل ونهار عصبية تصارخ طول الوقت ما تقدر تجلس دقايق تخرب تكسر وقت الاكل ما افتكر في وجبة اتهنيت فيه طول الوقت لعب وتكسير وما تسمع الكلام انا امها اكيد احبها ومهتمه فيها واذ عملت شي غلط اقولها لا ياماما لا تسوي كدا اجلسي عاقله تفهم بس تعاند قد ما اكلمها بهدوء لا كدا ما ينفع مو مقصره معاها بشي اوقات اطر اضربها عشان تهدى وتبطل شقاوه مافي فايده فيها انا اقسم بالله تعبت تعبت النوم افرشلها تنام بعيد عني تجي بعد ساعه تنام جنبي وتجلس ترفز
الصلاه اصلي وما اعرف ايش بقول ادخل المطبخ ما اعرف اطبخ بسببها احصلها عندي ومعاها العابها وصراخ وبكاء بدون سبب ارتب الصاله دقايق بس هيا دقايق ارجع احصلها فوق تحت اكلمها شيلي الالعاب وديها جوو الغرفه تعاند ىتبكي ونا عارفه انها فاهمه بس ما تسمع الكلام .. انا اخاصم وابوها يقول عادي خليها تعيش عمرها لحد ما صرنا ما نقدر عليها حتى الخرجات صرت اكرهها بسببها تصرخ وترفع صوتها وتبكي وتخرب والناس تسئلني اشبها بنتك؟؟؟ ونا وجهي يصير كدا 😅😓


البيت ما ارتاح فيه جلسه زي الناس ما اقدر اجلس حتى النوم ما تنام غير متاخر قد ما حاولت فيها انيمها مثلا ١١ الليل تصحى بعد ساعه وتسهر طول الليل
يارب صبرك 😔
الامهات ساعدوني كيف اتعامل معاها