اتمنى من كل الامهات اللي عيالهم في KG1 او KG 2 يقولون لنا في اي مدرسه حاطين عيالكم ؟؟؟
يمكن يطلعون عيالنا في صف واحد او على الاقل في مدرسه وحده !
وتصير فرصه و نتعرف على بعض ونساعد بعض
وياليت كل وحده تخبرنا عن المدرسة الي مسجله فيها ابنها او بنتها من سلبيات وإجابيات
اقل شي نعرف السنه الجايه وين المكان المناسب
وياليت تخبروني شو يعني جرايد ون) شو الفرق بينها وبين( كي جي ون)
معليش انا ماعندي خبره ولاني فاهمه شي
وانا اول وحده حتكلم واتمنا منكم تفاعل
انا توني مدخله ولدي عمره 4سنوات و6شهور
في مدرسه بالرياض اسمها رويال العالميه بخنشليله (المنصوره)
المدرسه الاغلبيه هنود والمدرسين هنود ودراستهم كلها انجليزيه زوجي يقول فيه عربي بس انا الى هذا اليوم ماشفت غير الانجليزي هو كي جي ون اخذو من الحروف الانجليزيه Aa+Bb ومن الارقام 1+2 طبعا الاسبوع الاول كان كل يوم ياخذو حركه يتعلمو عن طريقها مسكة القلم ويتعلمو كيف يكتبو مثل هالحركات
/ \ x O _ | ( ) هذي الحركات كانو كل يوم حركه
من درسو لهم اسبوع واربعه ايام الا هذا اليوم يعني تونى في البدايه
بصراحه انا مو فاهمه شي عن المدرسه بس زميل زوجي هو الي دخل ولده المدرسه
فقال زوجي راح ادخل ولدي يستفيد
في البدايه تضايقنى من تعامل المدرسه معانا يعني اطفال بهالعمر يبون امهاتهم معهم كم يوم كبدايه لين يتعودون لاكن هذولي احسهم مشددين حالفين لا يقولو ماينفع خلوهم يتعودو من البدايه بس تدرون كان ودي تكون كمره بالفصل اعرف وش يسون حول 5 ساعات بس الي عرفته من ولدي انهم مايطلعون من الفصل ابدا
معقوله ماكو فسحه او راحه وكمان ماعندهم تشجيع للاطفال يعني من اول يوم دراسه كتابه
مافيه تشجيع مافيه هدايه مافيه لعب المفروض انه مثل هالاطفال بهالسن يكون اول الايام لعب هدايه وناسه بصراحه انا مو فاهمه شي لا انا ولا زميلتي وخايفين وحاطين ايدينا على قلوبنا وقلنا نجرب هالسنه ونشوف تتغير الاوضاع او لا بس لانه فيه ناس مدحوها لنا وزميلتي تقول تعرف ناس درسو فيها
فياليت اذا احد عارف شي يخبرنا ويزودنا واكون شاكره لكم
وسلامتكم
الامهات اللي عيالهم في KG1 او KG 2 في اي مدرسه عيالكم ؟؟؟تعالو خلونى نستفيد من بعض
الطالبات •
10
37K
يلزم عليك تسجيل الدخول أولًا لكتابة تعليق.
بالنسبة لقريد ون هو الصف الاول الابتدائي والكي جي هو ماقبل الابتدائي (حضانه وروضه وتمهيدي) وسلامتك
jana-2
•
بالنسبةkg1 - kg2. - kg3
يعني روضة اولى وروضة ثاني وروضه ثالث
اما القريد فهو الابتدائي
قريد 1 اولى ابتدائي وهكذا
وفعلا ما يخرجون من الفصل الا في حصة الرياضة
ياكلوا في الفصل
واهنيكي فعلا ابنك بيستفيد في اللغة الانجليزية كثير
واي استفسار تحت امرك
يعني روضة اولى وروضة ثاني وروضه ثالث
اما القريد فهو الابتدائي
قريد 1 اولى ابتدائي وهكذا
وفعلا ما يخرجون من الفصل الا في حصة الرياضة
ياكلوا في الفصل
واهنيكي فعلا ابنك بيستفيد في اللغة الانجليزية كثير
واي استفسار تحت امرك
الصفحة الأخيرة
وش رأيكم فيها ؟
الى الان كل شي ممتاز
وإيش معلوماتكم عنهاااااااااا ؟
اعرف عنها انها جديدة ومبناها نموذجي وكبييير جدا ومستوى النظافه لديهم عالي جدا والاحظ الادارة مرة حريصة على التعليم وتحقيق مستوى الرضا لدى اهل الطالب
كم الرسوم السنويه ؟
مأدري بالضبط ولكن اعتقد ب11الف ريال
ما هي نوعيه المناهج اللي تقدم للطلبه؟
منهج انجليزي وفيه درس عربي وقرأن
هل المناهج بريطانيه ام أمريكيه ام ماذا؟؟؟
بريطاني
هل هناك حساب ألي للطلاب وبأي لغه؟
ايه فيه ولغة انجليش
هل هناك إختبار لمستوى اللغه الإنجليزيه عند تسجيل الطلاب؟
ايه لازم
كم عدد الطلبه في الفصل الواحد؟
بنتي في الkg3 عدد الطلاب في الفصل الواحد 8 تقريبا
هل التعليم مختلط؟ وخاصة للمرحلة الإبتدائية ؟
فقط في الkgمختلط الطلاب لكن اما الابتدائي منفصل
ما هي جنسية المعلمين ؟
مشكلين والله شفت هنديات وباكستانيات وعربيات واجنبيات
هل المعلمين رجال او نساء؟
لطالبات البنات معلمات وللطلاب معلمين
ما هي مستوى شهادات المعلمين بالضبط ؟ وهل هم تربويين ؟
اعتقد
هل هناك مشرف مقيم للمعلمين؟
اعتقد
هل هناك أنشطه تعليميه و تربويه للطلاب؟ ما هي؟
نعم عدة ايام في خلال السنه متعدده مخصصة لعدة المواضيع متعددة
هل هناك مصادر للتعلم ؟
نعم متعددة
هل يوجد مكتبه للطلاب ؟
نعم
هل هناك مشرف تربوي للطلاب ؟
نعم
هل هناك وجبات غذائيه تقدمها المدارس للطلاب؟إذا الإجابة نعم من أين؟ وما هي نوعيتها؟
لا لم الحظ
هل هناك دورات خاصه تقدم للطلاب؟
اعتقد
هل هناك زي رسمي للطلاب ؟ وما هو؟
نعم زي مدرسي كحلي وكاروهات جدا جميل ومرتب
أين موقع مدرستكم في الرياض؟
في الشرقيه طريق القشله