الامهات اللي لهم من6شهور وفوق تدخل تساعدني

السلام عليكم ورحمه الله وبركاته اسعد الله مساىكم بكل خير عندي طفله قريب تدخل 8شهور والله يهديها ماتنام نومها قليل وماتبي ابعد عنها حتى لو حطيت لها العاب يا امها ت كيف تسوون اعمال البيت وعندكم طفل بهالعمر حطها بالمشايه واجيبها للمطبخ تمل وتبكي واهلي بعيدين عني كان اوديها وارجع اخلص شغلي بس هي مرة كنت تعبانه ووديتها لاهلي قسم بالله اقل من نص ساعة اتصلو قالو تعالي خو>يها بس تبكي وامي موظفه وماتحب الاطفال واختي صغيرة وماتعرف للاطفال والله احس اني ضايعه مالي بعد الله غيركم تساعدوني حتى صرت ماروح السوق وان رحت دقيقه وانا طايرة اخ> غرضي واطلع لانها تبكي ماتبي العربيه والنوم ما انام 4ساعات متواصله احيانا انعس وانا جالسه من قله النوم مادري وش الحق شغل البيت ولا زوجي ولابنتي ووالله نفسي ما الحق اعطيها حقها وما الاقي وقت لنفسي تعبت نفسيتي احس اني مرة مضغوطه من كل النواحي لا امي ولا اختي يساعدوني كيف تنومون عيالكم وكيف تطلعون تتمشون منهم حتى السيارة تبي توقف ماتبي تجلس بحضني تبي تضل واقفه اتمنى منكم الدعاء لي ومساعدتي والله محتاجه لاخوات مثلكم يوقفون معي :)