الله يكون في عونك فترة وتعدي بإذن الله
ماله داعي تلبسين قلفز لان الفيروس ماله دخل بالجلد
ولا تدهرين البيت كلوركـس ومعقمات تنكتمين وتضرين جهازك التنفسي وانتي ماتدرين لانك ماتشمين الريحه
يكفي غسل اليدين والصحون واغراض البيت بأي نوع صابون متوفر يقتل الفيروس
ولا تشيلين هم الاطفال طالما مخالطينكم وما بان عليهم اعراض يعني الحمدلله ناجيين منه
احنا بيتنا محد عزل نفسه عن الثاني لان اساساً كلنا مخالطين بعض لكن سبحان الله جزء منا طلعوا مصابين وجزء سليمين وكانو ينتظرون تظهر اعراض لكن ربي نجاهم الحمدلله
اما بخصوص الطبخ والكرف اعتمدي على السفري البلاستك والورق استخدام واحد وارميهم واطلبوا اكل من برا لان اذا اشتد عليك التعب حتى وقفه دقيقتين تغسلين صحن او تغلين مويه بتكون مجهده ومتعبه بالنسبه لك
انا برمضان مثلك كنت اوسوس اقول إذا لمست الشي الفلاني ينتقل الفيروس لكن حاولت قدر استطاعتي مرات اساعد خفايف وانا جالسه ومرات ماقدر اختي الغير مصابه الله يجزاها خير قامت بالواجب الى ان عدت الايام على خير ورجعت لي عافيتي
ختاماً الله يشافيكم ويعافيكم ويقومكم بالسلامه
وكل العضوات المصابات وعائلاتكم سلامتكم لا باس عليكم أجر وكفارة بإذن الله
الاحظ اخر فترة زادت اعداد الاصابات ومايمر كم يوم الا نسمع عائله اصابهم الفيروس
الله يبشرنا بزواله ونهايته بخير وسلام وصحه وعافيه على الجميع

ي حبيبتي انتي الف الف سلامة عليكم لابأس طهور إن شاءالله 💜

الكرونا يبغالها راحه تامه
واكل زين
فتره وتعدي ع خيررررر

ياعمري ماتشوفي شر وقدامك العافيه
انا ام ومتكورنه قبل شهر ونص وانا تعبت وطول معي الاعراض وفيهايام ماقدرت ابدا اطبخ وايام اخذ بنادول واسوي شوربه اواي شي وبالنسبه لعيالك صعب جدا تعزلي نفسك انا ماعزلت نفسي ولكن اغسل دايم وابخاخ ديتول علي الثلاجه والاسطح
وفيه ثنين من اولادي مانصابو سبحان الله وحناببيت واحد
وبنتي الصغيره انصابت وجلست يومين حراره والحمد لله تتحسن بعد البنادول بسرعه


لاتنسي فيتامين سي الفوار وحبوب زينك وفيتامين د والشوربا مانشوفي شر💚

اهم شي اقوم لعيالي بخير
البيت ماهو طاير والشغل لاحقين عليه