ايش تستفيدي لو ركبتي نظام مراقبة وحصل لا قدر الله شي من الشغالة لبنتك؟؟ ايش ينفعك على بال ما توصلي البيت يكون قيد حصل اللي حصل .. بعدين افرضي سوت شي وانتي ما كنتي متابعة وما شفتيه او رحتي الحمام او انشغلتي؟؟
انا كنت مفكرة في النظام دا بس قلبتها كويس في عقلي ما ارتحت .. قلت ابلغها اني ترى مراقبتك علشان تخاف بس لقيت انها ممكن تسوي شي بعيد عن الكاميرا او بطريقة ما تنتبهيلها ..
قلت اوديهم عند واحدة من اللي يمسكوا العيال في بيتهم على الاقل تكون عربية واخوفها من الله لكن لقيت ان بعضهم يعطوا الاطفال دوا الكحة او اي مسكن علشان ينااااااموا لين ما يجوا اهلهم!! يعني بطول الاستخدام لابد يظهر التأثير الجانبي وكمان لا يلعبوا ولا يتواصلوا مع بعض ولا ياكلوا و... و....
لقيت روضة "في مكة" تفتح من 7 الصبح لين 11 الليل وبكرة ان شاء الله رايحة اشوفها
لو لقيتهم رح يخلوا اولادي مع مربية لحالهم ما اضمن ايش تسوي فيهم .. انا امهم واحياناً اعصب عليهم كيف غيري يتحملهم؟؟
الله يسهل
لكن يا اختي لا تسمعي كلام اللي يقولك الوظايف بالعافية وانها رح تنفعهم ولا تفرطي فيها وكذا .. يعني تفرطي في اولادك احسن؟؟
بعدين الرزق على الله مو بالشغل ولا كان الزبالين اكتر من يستحقوا رزق .. لكن هذي قسمة الله ورزقه.. وانتي لو قعدتي بالبيت علشان اولادك ومراعاة لله فيهم والله رزقك رح يجيكي رح يجيكي. ربنا ممكن يفتحها على زوجك واللي كنتي بتصرفيه رح ياخذ قده او يفتحلك باب رزق وانتي في بيتك واسألي مجرب انا قعدت في البيت اكتر من سنتين وما تركت الاستغار والحمدلله رزقي يجيني من هنا او من هناك " مو من احد ولا اخواني " وزوجي رغم انه صعب مررررة وما يطلع الفلوس بسهولة لكن لما ابغى فلوس وما ابغى كتر هرج اقعد اسبح واستغفر والله ثم والله انه يجي يعطيني لحاله
ورغم انه معروضة علي وظيفتين واحدة براتب كويس فوق الخمسة لكن اولادي قبل كل شي حتى لو اجوع

ما شاء الله كلام الاخت اللي فوق عين العقل
بس قبل كل شي استخيري
اذا انتي ميسور حالك وزوجك رااتبه كويس مثلا فوق العشره الاف ليه التعب يا قلبي ريحي عمرك واولادك احسن
اما لو الحاله الماديه ماتسمح دوري اامن مكان لاولادك انتي ترتاحي تحطيهم فيه سواءا مع الشغاله او بدونها
والله يعينك

يالله أعرف وحده تغلى على قلبي تترك بنتها الصغيرة وولدها 4 سنوات مع الشغاله ودوامها مره طويل
ويوم كلمتها انهم امانه قالت اخوانهم الي اكبر يبغوا يصيروا مثل الناس الباقيين ومثل اصحابهم
طيب قلت حطي كاميرات مراقبه قالت مابدي أشوف شيء يصير لعيالي وبعدين قلبي يوجعني خلي المستور مستور

والله مررره قهرتني
الله يوفقكم يا اخوات ويسعد قلوبكم أنا أخذت فكره سيئه من ذيك الانسانه على الموظفات وانتوا ريحتوا قلبي
الحمد لله انه في أمهات عندهم مسؤوليه

والله احترت اكثر واكثر

الاستقاله بعد الغربه والتعب والماجستير احس فيها تسرع.. بنفس الوقت احسها احسن حل.. الحين بجيب شغاله ثانيه وزوجها لو ربي يسر واركب نظام مراقبة واقول للشغالات اني مركبة نظام.. وبشوف الوضع بعد ما اداوم كيف يكون.. الله يعين بس.. مو احسن لو ظلينا اميات وقعدنا بالبيت (هاهاها) امزح :)

ياربي المفروض اماكن دوامنا تسوي حضانات وتريحنا من هالهم :(