السلام عليكم ورحمة الله وبركاته
اولا بجيب لكم قصة صارت لي امس رحت عند وحدة من معارفي ولقيت
عندها جارتها وعمتها-ام زوجها-00
واشوف العجوز مسكينة كنها حزينة قلت 00ايش فيك ياوالدة؟؟
قالت 00ان ولدها الثاني جاء له ولد 00وكان -المولود- يرجع وعنده اسهال0
وعمره شهر ودوه مستشفى خاص00
وقالوا00المعدة شكلها مايله شوي بنصلح له عملية00
صلحوا له عملية ومات بعدها000
الله يعوض اهله خير ويصبرهم000
الحمد لله على قضاءه وقدره00
لكن المشكلة الكبيرة ان الولد كان عندة-معص-او قلب-غضف-
ولايحتاج الا الى تمريخ ومساد 00
يعني لو ودوه عند معالجة شعبية كان راح يطيب اذا مرخته00
بس الحمد لله الله يجعله شفيع لاهله00
ولو تفتح عمل الشيطان ومايجوز نقولها00مانقول الاقدر الله وماشاء فعل00
بس الكلام لكن ياحوائيات000
لاتقولون زي اغلب الحريم ان المعالجات الشعبيات ماعندهم الا
خرافات000
وصدقوني اول ماقالت لي القصة تذكرت وحدة من خواتي00
مرضت قرابة السنة00
اسهال وترجيع الله يكرمكم--حتى الي تحت عيون صار اسود-
وبغت تروح من ايدينا00
ونوديها المستفى ماعرفوا لها يعطونا مضاد حيوي ومغذي والمحلول حق الاسهال-الي نخلطه مع مويه0
وعلى ذا الحال00
الين جت وحدة من جارتنا ودلت امي على معالجة شعبية
وراحت لها امي واختي 00
تخيلوا من شافت وجه اختي00
قالت لامي حرام عليكم هذي بنتك باين عليها عندها قلب
وطول معها وخذت زيت وسدحتها وبدت تمسدها من فوق لتحت00
ورجعت البيت وحدة ثانية نهائيا00
تاكل وتلعب وتروح الحمام عادي00
ماشاء الله00ماكنه كان فيها شئ00
اللهم لك الحمد والشكر000
وكمان قصة ثالثة00
تعرفت على وحدة بنتها عمرها سنتين وفجاة عيت تاكل وترضع00
الين طاحت اسنانها وطلع في جسمها بقع بيضاء زي البرص00
وقالوا من نقص كالسيوم00
وجلست متنومة في المستشفى علشان المغذي الي عايشة عليه00
وفي واحد من الايام جت ممرضة سعودية00
قالت للام بنتك هاذي يبي لها طب شعبي وتطيب وودتها امها بعد ماخرجتها من المستشفي على المسولية00
عند معالجة شعبية00
ولقت عندها العظيم او العظمان ماادري ايش اسمه00
بس هو عظم في سقف الفم00يبي له ترفيع00
تخيلوا وطابت البنت من ذا اليوم وصارت امها تدعي للممرضة والمعالجة الشعبية00
وبنتها صارت تاكل وصارت طبيعية مثل باقي الاطفال00
بعد ماكانت مشرفة ع الموت00
وختاما اخواتي الغاليات يقول عط الخبز خبازه ولواكل نصفه00
حبيت انصف المعالجين الشعبيين00لان لهم دور
في علاج بعض الوعكات الي لايسطيعها المستشفى00مع التاكيد على دور المستشفى وعدم اهمال دوره 00في العلاج00
وحتى المعالجين الشعبيين ماكل مايقولونه صح
بس نجيب من هنا وهنا الين مايفرجها الله00
اتمنى الموضوع يفيد الجميع00
ولاتنسون ايقونة الشكر الله يعافيكم00
من لايشكر الناس لايشكر الله00
اذكروا الله وصلوا على رسوله الكريم00
الله يشفي مرضانا ومرضى المسلمين00
اتومة @atom_4
عضوة نشيطة
يلزم عليك تسجيل الدخول أولًا لكتابة تعليق.
عـذبــهُُ آلرو ح
•
صححح كلامك
صح كلامك آمراض كثيررر مايداويها الا الممرخات اعرف وحده ماحملت الا بعد ماامرختها رحمها كان مايل وجزاك الله خير على الموضوع
الصفحة الأخيرة