الامهات فقط هم اللي راح يفهمون احساسي

بسم الله الرحمن الرحيم
وبه نستعين


امس وانا اتصفح المنتديات بالصدفه فتحت موضوع عن عبدالله عسيري اللي فجر نفسه
وتفاجأت بالصور مع اني شفت الفيديو في الاخبار الا ان هذي المرة غير
جات في بالي حاجه وحدة امه
من فجع هذه الوالدة بولدها في اللقاء مع والد العسيري يقول ان الام انهارت لما سمعت الخبر كل شوي تروح تفتح باب غرفة عيالها
من غرر بولدها ومن اللي اخذ تعب سنين ام عبدالله
حسبي الله ونعم الوكيل فيكم يامفسدين الشباب

وانا اشوف اشلائه اتخيل شعور امه وحرقة قلبها اتخيل حرارة انفاسها والنار اللي شاعله في صدرها
اتخيل خيبة املها وضياع احلامها اتخيلها يااخوات والغصة خانقتني
وماجاني نوم
يماغسلت في هذي اليدين اللي قاعدين يجمعون شتاتها الشرطة وياما حبحبت فيهم وشمت ريحتهم
ياما تمنت ورسمت لولدها عبد الله احلى الاماني
تخيلتها تقول ياليته مات وهو لسى صغير ماعليه ذنب ولا حساب وحضنت ولدي وبكيت

اكيد ماراح احس بأحساسها فيه بس والله ماني قادرة انسى صورته قبل وبعد
و لا انسى صوته ولا اقدر امنع نفسي اتخيل حرقة قلب امه وابوه نفسي اعرف اش قالوا له حتى يقتنع بتفجير نفسه
وينسونه كل مبادئه وقيمه اللي تربى عليها


وكله كوم واطلاق العبارات والالقاب عليه بسبب مكان التفخيخ
قال رسول الله -صلى الله عليه وعلى آله وسلم-: لا تسبوا الأموات فإنهم قد أفضوا إلى ما قدموا أخرجه البخاري. ...


ياربي تصلح ذرياتنا يارب يارب لا تطول باعمارهم الا اذا كان لهم فيها خير لاخرتهم
ياربي تصلح عيالنا وتكفيهم شر المفسدين
حسبي الله ونعم الوكيل على كل ارهابي شوه صورة الجهاد وغرر بشباب المسلمين وسلبهم ارواحهم
لازم نوقف للارهاب لازم يكون فيه حملة للشباب لتقهيههم بالدين والعقيده
لازم تتوسع مناهج الدين وتتكثف عشان ماعاد يصدقون اول واحد يفتي لهم ويغرر بهم

ردي على انه المنافع لنشر الفيديو اكثر مساوئه
كل المنافع هذي ماتجي زي اختلاجه وحده في قلب امه
كلها ماتجي جنب الحسرة والنار اللي شابه في قلبها
انا معك انها نشرت لاثبات الحقيقه بس ياليت كانوا اكتفوا بصورة جانبيه لاتشمل الجسد المقطع والعسكري يوم يسحب ايده اللي عالقه في السقف
تعرفين امه اش راح تحس لما تشوفها هذي يد حبيبها حشاشة جوفها قطعه من قلبها
الله يفجع اللي فجعها بولدها في نفسه
حسبي الله عليهم غررو بوليدها وفجر نفسهوهم سالمين في اوكارهم
الله حسيبهم دعاة الضلال
ندري ان اللي سواه هو الغط بحد ذاته بس انا ام وافكر بعقل ام المعذرة
:(:(:(:(
ماني قادرة افكر في احد غير امه وابوه