من المعروف مكانه الامير سلطان رحمه الله عند خالد الفيصل
علاقتهم قوويه جدا
الله يرحم الأمير سلطان ويسكنه فسيح جناته صح لسان خالد الفيصلالله يرحم الأمير سلطان ويسكنه فسيح جناته صح لسان خالد الفيصل
راااااائع راااائع راااائع
+++++
هذه القصيده سطرها دايم السيف لعمه الامير سلطان رحمه الله فترة علاجه
غلا الناس (سلطان بن عبدالعزيز)
ليـت المـرض ينقـل عـن اللـي نـودّه
والله لاشيله عن غلا الناس سلطان
شـيـخ جمـيـع الـنـاس ذخــر تـعــدّه
إن ضـاقـت الأيــام واشـتـدت أزمــان
ملجـا الرفيـق ومـن بعـد كـان ضــدّه
حتى العدو ينصاه لي ضاق به شان
محد(ن) وصل بالجـود والطيـب حـدّه
وانا اشهـد إنّـه أكثـر النـاس إنسـان
كم واحد(ن) عـن لحظـة اليـاس ردّه
حتـى زرَع لـه بالأمـل روض بسـتـان
أمّـا الشجاعـة فاسـأل الـلـي يـنـدّه
وعـزّي لمـن لاقـاه سلطـان غضبـان
يمنـاه إذا هـمّـت بحـصـن(ن) تـهـدّه
ويسـراه يـامـا عـدلّـت راس غلـطـان
وكل(ن) عطـاه الله مـن الحمـل قـدّه
ونصيـب ابوخـالـد هــزع كــل مـيـزان
وتضـحـك لـهـا عيـنـه وسـنـه وخــدّه
ما كنها إلا ريشة(ن) شالهـا حصـان
يـــاالله يـاربــي مـــن الـعـمـر مـــدّه
كـم عيـن محـتـاج ترجـلـه باحـسـان
+++++++
هذه القصيده ايضا من روائع الفيصل في عمه الفقيد سلطان الخير رحمه الله
عند الموادع دمـع عينـي غلبنـي
وطاحت بي الدَّمعه على كفِّ سلطان
أحب يمنى عمَّـي الَّلـي حشمنـي
ومن لامني في حب سلطان غلطـان
شيخٍ بالأخلاق الكريمـه ملكنـي
بالمرجله فـارس وبالرَّحمـه إنسـان
من يزرع المعـروف لابـد يجنـي
ومن يفعل الإحسان يجزى بالإحسان
والَّلـي يريـد المجـد لابـد يبنـي
في قلوب وعقول المخاليـق بنيـان
أفاخر بعمَّي علـى النَّـاس وأثنَّـي
يستاهل البيضا سلايـل كحيـلان
له موقـفٍ عنـد الملمَّـات يثنـي
سلطان موقف والتجارب برهـان
إلى انتهض يكفي وإلـى مـد يغنـي
وإلى تكلَّم كـلِّ شـيٍ معـه لان
وإلى وعد يوفي وإلـى قـال يعنـي
وإلى إرتكى للحمل شالـه بليهـان
بالطَّيب جاوز كل هقـوه وظـنِّ
الله يوفَّقه السَّعد ويـن مـا كـان
+++++
يقول في عمه الأمير سلطان...
من يوم عيني..طالعت سـلطان...
طـيب..ومتـجـلي..ومتعـافي...
سـالم وغـانم..يارفيع الشـان...
يالنادر..اللـي مـالك اوصافي...
هـلت بشاير..واورقـت اغصان...
ياسـيّدي سـلطان..يالـوافي...
لاخف باسـك..كـل شي هـان...
لاصـرت طيب..مـابي خلافي...
زل الكدر..وإستانس الوجـدان...
والله اللـي يـعـلم..الخـافي...
راح السهر..من ناظر السهران...
وانـزالت هموم..عـن اكتافي...
من بشروا بك..نجـد..حتى الآن...
ماقـد ربـا مثلك..ولا ****في...
كم قد اسرت..وكم عتقت..إنسان...
من ضـيم..قيد..وحـد سيّافي...
شـلال جودك..سلسبيل إحسان...
عـذب زلال..بــارد صـافي...
كـحلت..عين الشمس..ياكحيلان...
يازين..عشق الشمس..لسنافي...
الحـمد لك يالله..عـلى العقلان...
مـاغـيرك المنـان..والشافي...
+++++++
قصيدة هني من كان سلطان عمه
أفل محفوظ الحصيله و المه
وأستبعد التافه أضم المهمه
وإن ضاقت الدنيا تذكرت سلطان
لاواهني من كان سلطان عمه
حر قنص به فرخ .. صقر الجزيره
وأخوه فيصل قدمه بالمسيره
له خبر فيكل درب غزيره
يجلي سماها لى اظلمت فيه غيمه
مايقبل الهزله ولا يقبل الهون
ممشاه عجل للمعالي وبالهون
له نظرة بالقلب و بالعقل وعيون
لاتقصر الشوفه ولاهي تزمه
هو شمسها لى غاب نور الكواكب
وذعارها لى صاح بالخيل راكب
وهو جودها لى شح بالغيم ساكب
خيرة على الادنى والاقصى يعمه
له فوق خمسين السنه ماترجل
سرجه على صهوة أصيل محجل
واسمه على لوح الشهامه مسجل
إن قال يفعل و إن تعهد يتمه
معروف بعزوم الرجال القويه
ومعروف بالكف العطوف النديه
وإذا بغوا شجاع راي و حميه
تلفت روس المخاليق يمه
++++++
وهذه احدى الروائع التي كتبها في عمه سلطان الخير رحمه الله رحمة واسعه
يا شايل الظبي بين أيديه
يستاهل الظبي من شاله
بالهون بالهون يا مغليه
معطيك ظبي الفلا حاله
غزالك ارتاح مع راعيه
يبي على الصدر مقياله
الشوق لك بالهوى طاويه
والنفس لك دوم مياله
ظبيك طبيبك خف الله فيه
وهو يداويك بوصاله
والقصائد كثيره في عمه سلطان الخير
رحمه الله رحمة واسعه واسكنه الله فسيح جناته
</B></I>