الامي...وامي واهلي..رجااء كل وحدة تدخل لااتنسااني من دعوة..محتااجتكم

الله يشفيك ويجعله امر بسيط مايحتاج الا حبه مسكنه
ويبعد عنك وعن المسلمين كل مرض خطير يارب
معليش ياقلبي بس هذي صحتك وترا ألزم ماعلى الانسان صحته
صارحي اخوكِ انك تبين المستشفى ولاتعلمين امك
اتفقوا انكم تقولون لها رايحين السوق عشان بياخذ اخوكِ اغراض له على ذوقك مثلاً
وروحي المستشفى وافحصي
وتفائلوا بالخير تجدوه
ترى التشاؤم مو زين
والله عند ظن عبده به
انتبهي من هالنقطة

الله يشفيك في هالصبح كريم
حبيبتي خل المستشفى الحين ع جنب
اشتريلك موية زمزم بنية الشفاء واقري وانفثي فيها وامسحي ع المناطق اللي توجعك واستمرررري اهم شي الاستمرار
واقراي الايات اللي للرقية والشفاء والله مااعرفها زين بس ادخلي النت وتلقيها واستمري فترة ع ذا الفعل وخلك وااااثقة مية بالمية ان ربي بيشفيك اعتبريه علاج من المستشفى وتخفي باذن الله
وحصني نفسك دااايم

انا الحين اكلمك وانا فيني زي الكيس الدهني في الابطين
بس السبب هييين ياعسل بسبب اضطراب الهرمونات الحمل
يعني انتي بعد يمكن تكون اضطراب هرمونات عندك ترى حتى اختي صغيرة بعمرها وبها اضطراب يعني ان شاالله ان هذا امر هييين

الله يشفيك وتفرحي باخوك ويفرح فيك بعد

لاتوسوسين ياقلبي
روحي اكشفي واتطمني ومافيك الا العاافيه بإذن الله

محد يعرف الغيب

لازم كشف ولاحياء بالعلم

والصحه مافيها لعب

طيب حبيبتي ليش تقدمين البلاء قبل وقوعه
ممكن هاذي اعراض فقر دم يصير الم بجميع
اجزاء الجسم ونغزات لان الدم تعبان وهاذي
مشكله حلها بسيط.
لاتتركي التفكير يضايقك ولاتترددي
في الكشف الطبي علشان ترتاحي
مره انا جاتني فتره اكرمكم الله
صار عندي التبول بشكل فضيع وريقي ناشف
ودايم ابغى سكر تقريبا 4 ايام وجزمت ان فيني سكر
لان وراثي عندنا.
وكنت مرعوبه ورحت المستشفى وانا واثقه ان فيني
بس بغيت اتأكد وكنت ميته خوف وجزع من هالمرض
ويوم السستر كبست الابره باصبعي وحللت الدم
ابتسمت قالت سسكر مضبوط مافي سي على قولتها
انا فرحت كثير وندمت اني ضيعت 4 ايام بالخوف والتفكير والاوهام
والحمدلله اولا واخيررررا