الام

مااعرف من وين ابدي
كنت صغير عندما ابوي طلق امي بعد ذالك عشنا مع امي هي كانت تبغي تربينا وتكبرنا ...
كانت اختي الكبيره تضربني عشان شغل البيت وانا صغيره كانت تضربني ضرب بعدي اهيا كبرت واتوظفت مرتين وطلعت من الوظيفه واتزوجت
وانا كنت ادرس بقيت بنت وحدي ف البيت مع اخواني الشباب خلصت دراسه الثانويه وكنت ابا اكمل ف الجامعه بس اهلي كلهم رفضو لانه امي مرضت
واخوي واحد بس متزوجه ويالس ويانا
ف هم رفضو عشان محد يشتغل ف البيت فا كل شي عليي انا وماايبن بعين حد
امي صارت اتحملني سبب مرضها لانه مرضت بالغرفه مالي ف تتحسب عليي واتقول ليي انتي مرضتيني وانا مابسامحج وتدعي عليي
اتباني اسوي كل شي ريوق وغدا وعشا ويوم اسوي ولا كلمه حلو يقولو حقي ويوم مااطبخ واشتغل يسفلون فيني
واذا قلت تعبانه ومااقدر اشتغل واخواني الشباب كبار بس اهيا معودتهم ماايشتغلو حتا يوم يسبحون ملابسهم ماايحطونها بالسله واذا لبسو ملابس يطلعون كل الملابس وهم 3 اكبر مني واحد اصغر مني
واذا قلت لهم شي اتقولي اعيالي رجال مب حريم هذا شغل حريم العيال يصرفون عليج وانتي تشتغلي ليهم شغل البيت
صرت مااخذ منها مصروف ولااطلب من حد بيزات ونفس الشي
حتا احيانا تتكلم قيني مع الناس اتقولهم انا مااشتغل وغيره كل هذا بس عشان شغل البيت
انتون اتخيلو عشان مرضت ف الغرفه مالي الغرفه مالي والله مااتدش الغرف مالي
واتقولي طالعي من البيت وانتي اتسوي اكذا عشان احنا مااخلينج تدرسي بالجامعه
واذا طلعت ورحت بيت ابوي ابوي مايرضه يخليني بالبيت عشان ماحد ف البيت وهو مب كل يوم ف البيت يقول ليي ارجعي بيت امج
ومحملتني سبب مرضها حتا اتقول ليي لو اتببي تتزوجي خلي زوجج ايجيب خدامه عقب اتزوجي
حتا كنت احب واحد وافترقنا والي مجرب الحب يعرف شو الشعور الي يحس فيه مااله خلق شي وانا احاول كثر مااقدر ماابين شي
اسهر الليل ارقد ع ضيق وافكر واذا صار النهار امي ومشاكله
حتا الفون صرت مااحبه اعتزلت عن الناس كرهت مواقع التواصل قطعت علاقتي مع بنات الدراسه الفون بس تضيع وقت صار عندي ماعشان اتواصل مع حد
الله يسامح الجميع
عندكم شي يفيدني اتفضلو 💛