الام اللي تغار من بنتها 😰

السلام عليكم ورحمه الله وبركاته ،، اول مره افضفض لكن الامور طلعت من سيطرتي واحترت يمكن لو تكلمت تفهموني وراح اوضح الامور من اولها عمري ٣٠ تزوجت وامي عمرها ٥٠ تزوجت انا عمري ١٨ طبعا طفولتي كانت قاسيه جدا مشاكل بين امي وابوي وعدم استقرار طبعا امي ذحين قمه الشباب ولكن تقارن نفسها فيني بكل شي مثلا لما نتكلم عن الولاده بمجلس حريم تقول اني محظوظه زوجي يوديني مستشفى خاص ويدخل معي الولاده وهي ابوي ماكان يروح معاها لما اروح مطعم او مول ثاني يوم تروح لها تطلبني فلوس ولا اعرف اردها او اعتبرها دين لانها امي كل اللي عندي يفداها لكن وصلت لمرحله انها تسبني وتسب زوجي واطفالي قدام الناس وتطلع اسراري وعيوبي وتقولي بناتك اشكالهم مو حلوه بيطيحوم ف كبدك وامي تعزم قرايبها ف بيتي انا اتكفل بمصاريف العشاء والحلا لانها امي واكثر الوقت تقارن حياتي بحياتها وتقارن بين ابوي وزوجي وتعايرني ان زوجي عمره ٤٠ تقول شايب وقريب من عمرها طبعا هذا الكلام قدام الناس لو كان بيتي وبينها عادي المشكله اذا سافرت اخذها معاي بكل سفره زمان بس ذحين كثروا الاطفال ومصاريفهم وازعاجهم ماقدر اخذها معي وصارت تزعل مني لكن الموقف اللي يعتبر ف كفه من هالمواضيع زوجي بيشتري بيت العمر وقررنا تكون فيلا صغيره على قد الفلوس وامي لما عرفت زعلت تقول تبغى زوجي يشتري عماره ويعطيها شقه وزوجي رافض الشقق اصلا لان من اول ماتزوجت من ضيق ف ضيق يبغم يتوسع وصارت تدعي علي ماتتيسر امور البيت وربي يضيقها علينا وفعلا صارت مشاكل مع البنك لزوجي عشان قرض الفيلا احترت اخاف يكون عقوق فيها وماتيسرت الامور مع العلم امي عندها خمسه بنات متزوجات بس انا بكرها الهموني انا خطا ولا المواضيع فيها شي احترت 😭😭