الام بتهدم حياه بنتها

السلام عليكم ورحمه الله وبركاته
يابنات عالم حواء عندي بنت جيرانا قطعت قلبي من الصياح اليوم شفتها عند وحده من قرايبنا وحالتها حاله وقلت لها بكتب مشكلتك بعالم حواء وبرسل لها رابط موضوعها عشان تشوف ردودكم بس اسالكم بالله لا حد يجرحها او يجرح امها بكلمه البنت يتيمه
طبعا الام ارمله زوجها متوفي من 7 سنين عمرها 47 سنه بس ماشاء الله نشوفينها تقولي 35 سنه مهتمه بنفسها وماعليها قاصر وزوجها ترك لها ورث مبلغ حلو وبيت ملك مكون من 4 شقق وهي عندها بنت كبيره عمرها 25 سنه وهي صاحبه المشكله وبنت وولد يعتبرو صغار الي صار انه البنت الله وفقها برجال والنعم وانخطبت وملكت وكلنا فرحنا لها ومتوفقه مع زوجها والكل يمدحهم
عايلت الولد دايم يدخلون عليهم وبينهم الفه وموده ابو زوجها اعجبته امها الارمل وخطبها والام للاسف موافقه ومبسوطه
البنت تبكي وهي تسولف لي تقول خطيبي بس عرف الموضوع تغير علي وصار مايكلمني وممكن ينفصلو وبيت اهل زوجها شاب نار عنده حرمه و8 عيال بنات واولاد كيف يخطب امها ماحد متقبل الموضوع تخيلو ابو زوجها يبي يتزوج امها طبعا كلمت امها قالت لها لا توافقي بتخربي بيتي قالت لها مو بس انتي تبي تعيشي انا بعد من حقي قالت طيب تزوجي اي احد مو شرط ابو زوجي والام مو راضيه ومافي احد يوقفها عن حدها ابوها وامها متوفيين واخوانها كل واحد متزوج ولاهي بحياته تقول لي البنت ماعندي مانع تتزوج من حقها بس لا تتزوج ابو زوجي احتمال كبير زوجها يطلقها ولو ماطلقها كيف بتكون حياتها معاه وكيف امه بتتقبل بنت ضرتها هذا اذا ماطلقها مع انه لمح لها وقال لها انا مااقدر اعيش هالوضع واعيش اخواتي وامي بهالوضع والامر بيد امك وبس انتو شورو علينا وش نسوي لانه جد البنت متازمه جدا تحب خطيبها ماتبي تخسره وادعو لها الله يشيل الهم عنها ويسهل امورها ولا تنسوني ادعو لي بالذريه الصالحه وشكرا مقدما لكل وحده بتخش وترد ولو بدعوة صادقه الي اخت محتاجه لكم