والله مدري وش الاسباب اللي خلتها تغمز لها
قد يكون سبب اسخف من اللي نتصوره وممكن بسيط ولا يسوى
واذا بغى الولد يشوفها قولي لأمها ان الولد شارط يشوفها بدون مكياج لانه بيعيش معها طول عمره ومهيب جالسة بالمكياج طول الوقت
وخلاص خلوه يشوفها شوفة شرعية والبنت تستخير والولد يستخير والام بعد تستخير ( انا استخير لعيالي الحين في امورهم اللي انوي اسويها لهم او ينوون يسوونها )

ياسبحان الله البنت مرتبطه وخجلانه ومستحيه وكل الي جلسته دقيقتين وتقولين جريئه!!
يهالحريم وجورهم صدق ماينعرف لكم
بخصوص كشختها كل بنات هالجيل يلبسن ويتكشخن وع سنقه عشره هالشي مايعيبها
انتي واضح ماتبين البنت وتعذربين فيها وكاتبه موضوع وش طوله عشان ان ام غمزت لبنتها وتبين العضوات يأيدونك برايك الظالم وبعدين ترى عيب تطقين حنك مع بنت توك جايه بيتهم تشوفونها وزين سوت امها
حمدلله والشكر عسى بعد كل هالتشرط يطلع ولدكم يستاهل
اغلب الي يتشرطون وامهاتهم بالبيوت متسدحات كل شوي خاشين بيت ويعذربون ببنات خلق الله يطلعون فاشلين ومو وجه زواج ولامسؤليه

نفس الحكايه صارت لي
هذه الغمزه بيني وبين امي انه خلاص اطلعي
لمن جت ام زوجي واخته جلست وقعدوا يسولفون
وامي متفقه معي اذا ناظرتك اجلسي شوي واطلعي
وجلست وماسولفوا اغلب السوالف مع امي
وامي اعطتني النظره وطلعت
ولمن تزوجت زوجي يقول لي امي زعلت ليشش تطلعيين ماابطيتي عندها هههه
طيب انا جلست وبعديين قبل اختك انا اعرفها تصير متزوجه قريبي وجلست معها كثيير يعني مب انسانه مب معروفه لاهلك


خلي الام تستخيير انتي قلتي تستحي فاكيد بتستحي
يختي يوضح الللي تستحي وبين اللي تدعي يصيير لها قواة عيين بنظرتها فيوضح مادري شلون اشرحها زيين

صراحه لو صارت لي هالحركه أقول لهم خلي بنتكم عندكم ماابيها لانه الحركه جدا غلط اول شي مبالغتها باللبس والمكياج تشكك انه ورا هالشي شي ثاني وثانيا ليه ماخلتها أمها تجلس وتعرف الام اسلوبها وسوالفها وتعرف وش تحب وش تكره هذي حياااه وزواج واسره مو ثوب مااعجبها بترجعه واساسا المتضرر الأول لو تزوجو وتطلقو هو البنت فمن البدايه لابد من الصراحه

هي تبغاكم تشوفون شكلها بس ولا تدققون يعني ممكن فعلا تكون البنت جريئه وقويه وما تبغاكم تكتشفون اجل لحي على انكم تجلسوا وتسولفوا معاها قوليلها الزواج مو شكل بس ومعرفة اطباع فهميها انك ما تبغي وحده قويه وبلسانين مو بس الشكل الي يخدع