الام مهمشه والصديقه تحط على الراس

مساء الخير اليوم عندي موضوع احب اطرحه كلنا نعرف عظم بر الوالدين مايحتاج اتكلم عنه بس للاسف كثير ما اشوف جيل ماادري كيف اقول عنهم الوحده تعامل امها بشكل رسمي والاخس من ذالك تنافخ عليها او تستنقد لبسها او اسلوبها او كلامها والام ياعمري عليها من النوع الحبوب الي يبلعها ويسكت وفي المقابل تتعامل مع صديقاتها بمنتها الرقه والكلام الحلو والاسلوب الرائع كنهم هم ابواب الجنه مو امها اذكر مره كنت عند حرم المدينه وكانت ام معها بناتها كبار وولد في سادس اضن والبنات احسهم معاملتهم مع امهم غريبه مره ناشفه ولا يعطوها وجه بتاتاً وبعدين جو لهم بنات عمهم وتلاقو معهم وشوفو الوله والمحبه كيف والام تتكلم ولا احد يعطيها وجه وكثير في المجالس يكون فيه بنات شابات ومعهم الام ويسولفون فيما بينهم والام جالسه كنها صفر على الشمال والي تكلم اختها وتقول اذا كنتي بتجين لبيت امي ابجي واذا منتي جايه ما اجي يعني مخليات بيت الام استراحه لهن والي تقول ابئجل زيارتي لبيت امي اذا جت اختي او مرت اخوي والي تسولف مع صديقاتها بلوتس اب او البي بي وامها جالسه ومن ثم تضحك والام المسكينه ماتدري وش السالفه ووش الي يضحك بس ابسئل كل واحد يعامل والدينه كذا واقول يوم كنتو صغار وامهاتكم شايلاتكم هل الام بتنشغل عنكم بسوالف مع الي بجنبها لا والله اصلاً هي تبديكم على نفسها انا الصراحه اذا شفت مثل ها النوعيه من البنات احسها تطح من عيني وبقوه