اليوم رحت ادارة التعليم وكنت حابه اكمل ثالث ثانوي انتساب
لكن شفت بنات كثير بيدرسون بمدارس المنقطعات وصراحه حطيتها براسي
بس حابه اعرف انا بحي المصيف وين اقرب مدرسه للمنقطعات ياليت تساعدوني
لاني كنسلت الانتساب من يوم شفت الزحمه اليوم وان شاء الله برجع اسجل انتظام
بس ابي اعرف وين اقرب مدرسه لي بشمال الرياض للمنقطعات !!

اختي السمراء

ان شاء الله عرفتي المدارس وين

وهل المسجلين منتظمات ام انتساب ؟؟


تحياتي للجميع

ذكريات لاتنسى

مشكوره يالغاليه

شيكي عالخاص

انا بالروضه وانتي

اهلين بنات

انا زيكم ثالث ثانوي ادبي درست العام منازل فصل دراسي واحد وانقطعت بالثاني لانه اسئلتهم مرررررره صعبه والمدرسه تجيب الاسئله من الشرح ومايتساهلون ابد


فقلت السنه هاذي بدخل اهليه
بس اسكتوا مرمطوووووووووووووني اولا اقبلوني الاهليه ودفعت الرسوم وعبيت الاستماره لكن قالوا لي جيبي ورقه من الاشراف التربوي اللي بالنهضه علشانك انقطعتي ترم وعلشان بتحولين من منازل الى منتظمه


رحت ياطويلات العمر واترجى الموجهه تعطيني موافقه عيت قالت انتي كبيره راح احولك على مدرسة الكبيرات اللي بحي الملك فيصل


والله مدري وش اسوي احول حكومي منازل والا اروح مدرسة الكبيرات؟؟؟؟؟؟؟؟؟؟؟؟؟؟

قلب ماما الله يعينك


لكن معقول الاهليه مايقبلون منازل غريبه مع العلم ((هم الربحانين ))

صراحه انا سئلت وحده اذا ينفع ادرس مع المنقطعات قالت انصحك لا

لان المعامله بتكون سواسيه

لكن اذا درستي بالمدارس العاديه يراعونك لانك الوحيده بين البنات متزوجه وعارفين ظروفك

الله ييسرها ان شاء الله

والله اني بديت اطفش من الموضوع ....لكن اهم شي الشهاده ماراح ينفعك احد بعدين

هذا مستقبل واالله يوفقنا ونكافح بقوة


دعواتكم للجميع



ذكرياتي لاتنسى وينك ؟؟؟