انا من وجهة نظري الاطفال حلوين وهم صغار لكن كل اكبرو زاد همهم معهم ، ومحد بيتعب كثر الام. ياكثر الي جابو درزن وماصلح منهم الا واحد او اثنين. لان الكثره تخليك ماتركزين بالتربيه والحب هذا غير كل حمل ياخذ من صحتك وعظامك ودمك وكل شي. ولبدنك عليك حق.
وبالنسبه لسن الانجاب من بداية الدوره حتى انقطاعها. وربي الي يرزق الابناء مو الناس ترزق نفسها عشان تتشرط بالعدد. خليها ع ربك وربك بيكتبلك الخير

جود وعهود👍
اتمنى اجيب والله اكثر من عشره الله يرزقني ويرزق من يتمنى

امي جابت اختي وعمرها 43
وعمتي جابت ولدها وعمرها 46
وفي كثير ناس اعرفهم جابوا فوق الاربعين

وبالنسبة لي انا عادي ما حددت كم بجيب بس المحروس يقولي ابي منك تجيبين 10 هههههههههههههههه 😂😂

واللي كاتبه الله بيصير والحمدلله ..

وش هالكلام وش هالخرابيط من قال ان اللي عيالهم كثير مايتربون ولايربيهم الا الشارع انا عيالي 4 اولاد وبنت ومايعرفون الشارع الا للمسجد ومدخلتهم مدارس نموذجية ومتفوقين في دراستهم والله انهم يتسابقون يعطوني نعالي البسها الله يحفظهم وأمي عندها سبعة اولاد وام زوجي عندها خمسة اولاد وست بنات وشايلينهم على كفوف الراحة الرسول ماينطق عن الهوى اللهم صلِ وسلم عليه ..
وانتي ماتدرين ربي بيرزقك هالواحد والا لا ؟؟
ادخلي قسم المتأخرات عن الحمل وشوفي نظرتك ونظرتهم لاتقولين فساد وماادري ايش والله العظيم يالجيل اللي عندهم تسعة وسبعة من الجيل القديم وربي انهم احسن من هالجيل بر وطيب وكرم واخلاق عكس هالجيل اللي تخافين عليهم من كل شئ ولانأخذ هالسبب عذر واعرف بنات كثير عندهم واحد واثنين ومكتفين وعيالهم فيهم قلة ادب مو طبيعية الام هايته مع صحباتها والاب قي شغل واصحابه والولد ضايع في الطوشة..
انا عيالي بعد ماكبروا صرت اطلع واروح واجي ربي اول واحد صح والباقين بيمشون بطريقته ...
الحمدالله حتى يرضى والله اننا عايشين في نعمه ..
وياليت تغيرين كلمة تفريخ لأنها كلمة تستفز أكثر من انها توصل معلومة...
والزوج لو بغى يتزوج عنده واحد والا عشرة بيتزوج عنده فلوس والا فقران بيتزوج مايرده شئ لو الله اراد الوحده تجيب عيال تشيلها اذا كبرت واذا كبروا وزوجتهم هذا يدخل من باب والثاني من باب ماتقعد تنتظر هالواحد يطل عليها مرة وحده في الاسبوع هذا اذا طل فيها...
وهذا يسلم عليها وهذا يهديها وذا يجيب عياله ..

أحس سته أفضل عدد للأطفال امي جابت اخوي وهي في الأربعين لاتصدقين خرابيط الناس