الانجلش مفنز لعيون زهرة النوير ولكل من طلبها

بسم الله الرحمن الرحيم

السلام عليكم خواتي
اول موضوع انزله باقسام الطبخ احاول كثر ما اقدر انحاش من هالقسم لاني مو ناقصه متن وانتو اهني ماشاء الله تبارك الله كل وصفه احلى من الثانيه وشي لايقاوم
المهم راح اكتب لكم الطريقه والمقادير مع بعض

كوبين طحين+ 1 ملعقه صغيره ملح ننخلهم ونخليهم على جنب

كوب حليب دافي نذوب فيه 1 ملعقه كبيره ونص خميره + ملعقه صغيره سكر نخليهم شوي لغاية ماتتكون رغوه بالحليب

بعد ماتتكون الرغوه نخلط بالحليب 4 ملاعق كبار زبده ذايبه

ثم نخلط الكل ونعجنهم نغطي العجينه ونخليها ترتاح لين تتضاعف بحجمها

نرش سطح العجن بطحين ونعجن طبعا انا لي مصطلح اللي اهوا قبل لا تعجنين العجينه عطيها بكس خخخخخخخ بعدين طلعيها من الوعاء وعجنيها عالسطح

في طريقتين

الاولى اما ترق العجينه وتكون نوعا فيها سمك تقريبا نص سانتي وتتقطع بقطاعات مدوره

او

تشكلين العجينه على شكل اسطوانه ( رول ) وتقصينها ابسكين بسمك نص سانتي

نحط المفنز ابصينيه مدهونه ونغطيهم شوي لغاية ماتنتفخ ثم نخبزها بالفرن الى ان تصير الجوانب والقاع لونهم ذهبي

صحه وعافيه :)



اييييييييييييييييه ملاحظه حق جماعة النسخ واللصق

عندي لكم نصيحه حلوه والنصيحه بجمل
انا ماعندي مانع تنقلون مني بس وايد حلو منكم اذا قلتوا انه منقول ترا 4 حروف ماتتعب اصابعكم :icon28:

شكرا